رد: اسئله المبتدئين ..عفوا ممنوع الفتى :)))
 

انا قريت الموضوع وفيه لخبطة كتير في الأول بس عجبني الرأي اللي استقروا عليه في الاخر
"لو هاتسافري و في الصيف حطي نيتروجين، غير كده مش مستاهلة"
انا كنت مسافر في شهر 8 اللي فات و في عز الضهر وكل ما أقف في استراحة احط ايدي على الكاوتش الاقيه ابرد بكتير من اللي كنت متوقعو بسبب النيتروجين

هههههههه
يا راجل انا قاعد ساعة أقرا في المواضيع اللي انتا جبتها دي، ومليانة معلومات جديدة جدا عليا، يبقى مين الخبير بقى 444546

رد: اسئله المبتدئين ..عفوا ممنوع الفتى :)))
 

شكلك كده بتدبسنى ... ماشى يا عم
فى قاعدة فى السواقة حاسس إن فى ناس مش عارفاها و هى: يمين على الضيق و شمال على الواسع ... ودى بتبقى مهمة جداً فى الشوارع الجانبية اللى مافيهاش إتجاهات
يعنى لو حأدخل الإتجاه اليمين يبقى أكسر الطارة على الأخر قدر الإمكان علشان أخد الملف على الضيق و أدخل فى إتجاهى الصحيح و هو اليمين و لو حأدخل شمال يبقى ألف الطارة لفة واحدة أو أخد الملف على الواسع علشان أدخل الطريق فى الجانب اليمين منه برضه
و ده طبعاً مفيد جداً علشان لو قابلنى باشا جاى بسرعة ما نبقاش الوش فى الوش

رد: اسئله المبتدئين ..عفوا ممنوع الفتى :)))
 

يا عبدو المنتدي مليان من خيرات الله
دور انت بس وانت تلاقي كل اللي نفسك فيه

والحمد لله
هنا مفيش حد بيبخل على حد بمعلومة

رد: اسئله المبتدئين ..عفوا ممنوع الفتى :)))
 

فى حاجة تانيه مهمة و أعتقد إن الجميع عارفها و هى إنك تفرمل قبل المطب مش فوقه و حتى لو سرعتك ما قلتش قوى إوعى تفرمل فوقه ... ليه؟ ... وش العربية حايوطى قوى و بيبقى مجهود مضاعف على المساعدين:مقاومة وزن العربية لأسفل بفعل المطب+مقاومة وزن العربية للأمام بفعل الفرامل
و ممكن المساعد ما يستحملش الصدمة و يلقى مصرعه
علشان كده لو فوجئت بمطب: فرامل على قد ما تقدر (و ما تنساش تبص فى المرايه و تدوس إنتظار لو لحقت) و بعدين سيب الفرامل أول ما توصل للمطب و إتشاهد و قدر الله و ما شاء فعل

رد: اسئله المبتدئين ..عفوا ممنوع الفتى :)))
 

طبعاااااااااااااااااااااا اا
اي خدمة
GIFT4U

رد: اسئله المبتدئين ..عفوا ممنوع الفتى :)))
 

اهو ده سبب أول حادثة ليا بعد ما طلعت الرخصة،
انا طالع من شارع جانبي وعاوز ادخل يمين في الشارع الأكبر(شارع رايح جي وخط أبيض في الوسط)، بصيت شمال مفيش حد، رحت دوست بنزين على اساس اني هادخل في الحارة بتاعتي اللي انا اتأكدت ان مفيش حد جي فيها من بعيد، ملحقتش الف وشي من البصة على الشمال دي ولقيت نفسي لابس في عربية وش بوش
الأخ كان جايلي في العكس (مش في الحارة بتاعته)
انا راح مني فانوس يمين و اكصدام و اضطريت استعدل الرفرف والكبوت، وهوا لوحة الرقم بتاعته وقعت بس :mad:
وفي الاخر القانون طلعني انا اللي غلطان كمان :(

رد: اسئله المبتدئين ..عفوا ممنوع الفتى :)))
 

1يمين على الضيق و شمال على الواسع..
2 تفرمل قبل المطب مش فوقه و حتى لو سرعتك ما قلتش قوى إوعى تفرمل فوقه

قاعدتين جداد جامدين .. شكرا جزيلا