مصر موتورز مجتمع السيارات - مخطط تصفيه الثوره ,,

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - مخطط تصفيه الثوره ,, (https://www.masrmotors.com/vb/showthread.php?t=76878)

رد: مخطط تصفيه الثوره ,,

الانفجار اللي جنب الاستاد
1- الماتش كمل للاخر
2- خرجوا الرئيس بس و منعوا الجمهور من الخروج من الاستاد بس طلبوا منهم انهم ينزلو الملعب
لو كانت ( لا قدر الله ) الاحداث دي في مصر
كانوا النكسجية سابوا كل العمليات الارهابية و سابو الناس اللي ماتت و قالوا السيسي هرب و ساب الناس في الاستاد !!
منقوووووووول

رد: مخطط تصفيه الثوره ,,

الجيش لما نزل عندنا الدنيا اتقلبت والسفهاء قالوا الجيش مكانه الحدود
بالنسبه لفرنسا ايه ... هما الفرنسيين معندهمش برادعي ولا ايه انا ابتديت أقلق
هههههههههههههههههههههه
منقووووووول

رد: مخطط تصفيه الثوره ,,

مش شايفين النسخة النكسجية الفرنسية ظهرت تهاجم الجيش وتقول يسكت حكم العسكر وفين الإعلاميين والنخبة اللي اعترضوا علي إعلان الطوارئ ولا نقابة الصحفيين عندهم تهاجم اولاند بجد ... الله يلعن الخونة المرتزقة عندنا
وياريت يا ريس الحسم بقي مع الأشكال الضالة وخاصة إعلامي التحريض ويارب الأعمي اللي ما شافش اولاند قراراته حاسمة إزاي يخرس خالص ويسيب رئيسنا يعمل ويواجه الإرهاب الله يحفظه رئيسنا
وأكرر خونة الداخل أخطر من محرضي وخونة الخارج فإبتروهم يحيا الوطن
منقووووووووول

رد: مخطط تصفيه الثوره ,,

تلخيص البهاريز في تفجيرات باريز ........... كسّرو التوابيت
1- 127 قتيل و مئات الجرحى في قلب عاصمة النور و الحريه , لو حد قالك دول بيعملو كده عشان تبقى ذريعه يدخلو بيها سينا رد عليه بالمنطق اللي يستاهله
2- عملية اقتحام المسرح أسفرت عن مقتل جميع الرهائن و عددهم 112 تقريبا , بس حاول تركز , كده النتيجه loss بنسبة 100% , بطّل بقى تتفرج على أفلام غربيه عن تحرير الرهائن و التفاوض و ال negotiator و تصدق إن الغرب دول جامدين أوي و بيمشو عالحيط ....
3- رد الفعل العالمي كان سريع جدا و كله في اتجاه واحد , دعم فرنسا في مواجهة الإرهاب , حتى بان كي مون , إنما عندنا في مصر لما بيحصل إرهاب بيطالبونا باحتواء الإرهابيين و نبوسهم من بؤهم , بان كي مون مأعربش عن قلقه لما عساكرنا ماتو في الإرهاب إنما أعرب عن قلقه من حبس صحفي مش فاكر اسمه ( و لا بان كي مون فاكر اسمه ) .
4- الرأي العام الفرنسي و العالمي مش هيقول تقصير أمني ولا هيقول ظابط التأمين كان بيلعب كاندي كراش , الكلام ده بيتقال عننا احنا بس .
5- عملية احتجاز رهائن في المسرح و قتلهم تمت بجوز ارهابيين , بالكتير جوزين , وفي قلب باريس اللي فيها عساكر تسد عين الشمس ( داحنا لنا الجنه و الله ) , طبعا الإرهابيين دول وراهم بالتأكيد محرض و مخطط رئيسي غالبا جهاز مخابرات دوله تانيه , إنما وراد جدا كمان يكون فيه تواطئ من أفراد شرطه , محدش هيجيب سيرة الكلام ده , برضه عندنا احنا بس يتقال إن ظابط الشرطه ممكن يرتشي أو يخون بلده إنما ظابط الشرطه الفرنسي بيبيع سبح وسجاجيد صلاه .
6- التفجيرات المتزامنه في أكتر من مكان في قلب العاصمه ممكن يكون ترجمتها إن باريس خارج السيطره الأمنيه , و مع ذلك مفيش دوله هتحذر رعاياها من السفر لباريس , و لا هتوقف طيرانها و لا هتسحب السياح ...يارب تكون فاهم .
7- مفيش كولجيه في فرنسا و بالتالي هتلاقي الكل مشغول بدعم الدوله في مواجهة الإرهاب , و صدقني بقى , و عهد الله لو ظهر عندهم راجل أقرع و بنضاره و قالهم : طب نحتوي الإرهابيين و نتفاوض معاهم , أصلهم فصيل وطني , طب نفكر في حل سياسي , و عهد الله هيتقتل على إيد أجهزة الأمن و يتصور فيديو و هو بيتقتل و برضه مفيش حد هيتعاطف معاه , لا من الشعب ولا الإعلام , حكاية المصالحه مع إرهابيين دي اسمها ( علم البلاله ) , و ده علم جديد لانج و احنا اللي اخترعناه .
محمد حسين
منقووووووول

رد: مخطط تصفيه الثوره ,,

اقتحام القوات الخاصه الفرنسيه للمسرح اسفر عن مقتل عدد 2 ارهابي وعدد 100 رهينه .....
تحيــــــــا مصــــــــــــــــر يا عم