وهى فعلا أسم على مسمى ..... وبعد أن تقرأوا هذه القصة ستعلمون انها فعلا ...........أسم على مسمى

من كام يوم روحنا دمياط انا و2 من التجار ودخلنا ميناء دمياط وطبعا اتصلنا بالراجل اللى جايين نقابله
وكعادة كثير من المصريـيـن رد وقال / انا جنبكو 10 دقايق اكون معاكو
وبعد ساعة
خلاص دقيقتين وهقعد معاكو
وبعد نص ساعة
انا فى مدخل الشارع ....انا شايف بوابات الميناء
الى أخر هذا الكذب المصرى الذى انتشر بعد اختراع المحمول
المهم
ونحن فى انتظار هذا الرجل
جلسنا على كافتيريا فى مدخل ميناء دمياط ......قهوة الصالحين
جلسنا نحن الثلاثة ولم يسأل فينا أحد .....وكأنه مطلوب مننا أننا نروح نبوس ايد اللى بيشتغلو علشان يسألو فينا
المهم
ذهبت الى صاحب القهوة على مكتبه
لو سمحت
معبرنيش
بعد أذنك
ولا ســأ ل فيا
سبته ورجعت الترابـيـزة
سأ لنى احد رفاق الطريق / حصل أيه ؟؟؟؟
قلت له / هو غالبا اطرش م بـيـسمـعش......ياللا نمشى من هـنا
ضحك احدهم وقال / هو فى قهوة غيرها هنا ؟؟؟.....هنقعد على الرصيف واللا أيه ؟؟؟؟
بصيت حواليا
فعلا .....مفيش غيرها
رجعت تانى على الكرسى وأنا فى قمة الغيظ

وبعدها ضحكنا وسكتنا

وبعد شوية
خناقة وزعيق وشتيمة .....مع أحد الزباين
وفجأة
احد العاملين بالقهوة .....طلع مطوة وضرب الزبون فى أيده.... قطع له صباعه
يانهار أبـيــض
حد يضرب الزبون ؟؟؟
روحت له
سلام عليكم
لم يرد
حاولت اهدى الموضوع .....لكن الكل بيزعــق
ثم قام أحد سائقى التريللات ......ونزل شتيمة فى كل هؤلاء الرعاع .....فسكتوا
وذهب الزبون المتعور الى اقرب دبابة وأحضر ضابط الجيش ومعه شخص يرتدى ملابس مدنية وطبعا واضح انه مباحث
وطبعا العامل اللى ضرب الولد بالمطوة هرب
أخدت صاحب القهوة على جنب وسألته
حصل أيه ؟؟؟؟
فأجاب بلهجة الدمايطة وهى نفس لهجة أهل بورسعيد
بسلامته قاعد وحاطط رجل على رجل
ولم أستوعب ماذا يقصد
و...رديت عليه / طب وأيه يعنى ؟؟؟
فأجاب بنفس اللهجة وبعصبية / وأيه يعنى ازاى ؟؟
ثم أكمل حديثه بنفس اللهجة البورسعيدى او الدمياطى
طلب شاى فتلة جبنا له .....طلب سكر بره جبنا له ....طلب نعناع أخضر جبنا له ...... كل ده وهو حاطط رجل على رجل

وانا حسيت انى مبفهمش .....طب وأيه يعنى ....مهو انت لازم تجيب طلبات الزبون
ياأستاذ نجيب له كل حاجة ...بس م يحطش رجل على رجل ......هو احسن مننا ؟؟؟
لأ طبعا .....ثم مش يمكن مبيعرفش يقعد غير كده
ده عند أمه ..... انما هنا يحط رجليه جنب بعضيها
ونظرت الى هذا المعتوه ....واضح انه بيتكلم بجد جدا
وانسحبت من لسانى وقلت / انا مش شايف مشكلة
ازااااااااااااااااى / قالها بصوت عااااالى جدا
معندناش حد هنا احسن مننا .....أحنا احسن الناس
ياخرااااااااابى على الكدب (قلتها ف سرى طبعا والا هتبقى المشكلة مشكلتين .....)
المهم بعد ساعة ونصف ........ جه المحروس اللى رايحين نقابله
وبعد ان انتهينا
ركبنا السيارة وعدنا للقاهرة ......وطول الطريق واحنا نضحك على اللى زعلان من الزبون لأنه قاعد حاطط رجل على رجل وضربه وعوره بالمطوة
فعلا قهوة الصالحين دى .......أسم على مسمى
ههههههههههههههه

وهذه قصة طريفة سمعتها من أحد اصدقائى العاملين فى قسم شرطة السلام
قال حضرته
النهاردة جالنا بلاغ عجيب
انا / خير
واحد كان واخد معاه عربية نص نقل وراح على الهايبر ماركت الضخم اللى فى مدينة السلام اللى أسمه ماكرو
وبعدين
الراجل نزل من العربية وكل شوية خارج بحاجات كتير ومعاه واحد من الأمن يحط البضاعة فى الصندوق بتاع العربية ويرجع ياخد غيرها .....وفرد الأمن لازق له

ولازق له ليه ؟؟؟؟ مش هو دفع تمن الحاجة دى؟؟؟؟
لأ
اومال خرج ازاى ؟؟؟؟
ماهى دى غلطة الموظفين .....متفهمش ازاى اقنعهم انه هيدفع الحساب كله مرة واحدة وعمالين يجمعوا له الفواتير .....وطبعا كانوا بـيـبـعـتوا معاه واحد من الأمن

وبعدين

كانت العربية النص نقل تقريبا اتملت والزبون سأ ل فرد الأمن على شاشة أل سى دى 32 بوصة وقال له انها أخر حاجة هيجيبها ......وطبعا فرد الأمن رد عليه وقال له انها موجودة فى المكان الفلانى جوه

وبعدين
دخلو سوا يجـيـبـوا الشاشة .....ولما خرجوا اكتشفوا المفاجأة
أيه
سواق النص نقل هرب بالبضاعة .....والزبون صرخ وقال .....ياابن الحرامية
ههههههههههههههههه......وب عدين
النكتة بقى........ ان أصلا الواد ده حرامى وكان داخل يسرق البضاعة دى ويمشى بس هو اللى اتسرق
هههههههههههههههههههههههه