المشاركة الأصلية كتبت بواسطة dr.wael7yran (المشاركة 540507)

شوفي يا افندم ..
انا هوقلك رأي الطب ..
دي اسمها فترة المراهقة ..
و هي فترة صعبة جدا و ربنا يقدرك عليها ..
و العقاب في الفترة دي صعب جدا ..
و بيحسس ولاد حضرتك بالظلم و الغضب الشديد ..
و المرحلة دي مرحلة المساومة من الاخر ..
هتاخد مني حاجة يبقى تديني حاجة تانية بدلها ..
و انا بقترح على حضرتك كذا خطوة تعمليها و ان كنت انا متأكد انك عملتي كده و اكتر من كده ..
اولا : اقعدي معاهم قعدة اصحاب .. و كلميهم بالذوق و حركي مشاعرهم ناحيتك .. يعني موش انا ماما اللي بتخاف عليكم و انا قصدي يعني اخنقكم و لا اضايقكم انا عايزة مصلحتكم و حاولي تخلى القعدة دي على صورة اسئلة .. يعني موش انا بحبكم ؟ عمري اكرهلكم الخير ؟
مطلوب منك تحركي مشاعر الرجولة جواهم ..و متتصيديش ليهم الاخطاء و سيبهم هم اللي يعترفوا انه ده غلط ..
و وضحي المشكلة بعقلانية و فهميهم كويس اوي انه ده لمصلحتهم هم ..
ثانيا : اتفقي معاهم اتفاق رجالة على عدد محدود من الساعات على اللعبة دي و اتركي ليهم هم حرية اختيار العقاب ..
و حطي درجات .. يعني لو كسرتم القواعد .. نتحرم من المصروف .. منفعش .. منخرجش يوم الخميس .. منفعش .. نقطع النت .. منفعش .. منفعش ..
و سيبوهم هم اللي يحددوا بس من غير ما يضحكوا عليكي ( ما انا عارف الامهات )..
و خليكي واضحة و حازمة في تنفيذ هذه العقوبات ..
ثالثا : لو خدوا الموضوع تهريج قبل ما تلجأي لوالدهم عاقيبهم عاطفيا .. وده بيأثر جدا جدا جدا و على عكس توقعاتك .. يعني شوية خصام و يا سلام كده لو دمعتين ..
بجد هيتأثروا ..
رابعا : مفيش عقاب يدوم لاكتر من اسبوع ابدا لأن ده هيعلمهم حاجات تانية اوحش .. يعني الحرمان من المصروف موش اكتر من يومين .. و الخروج اسبوع او اسبوعين ..
و متفقديش الامل ...
و متزعقيش .. الزعيق موش بيجيب نتيجة ..
و حاولي تفكري في حاجة مفيدة تشغلهم اكتر من اللعبة زي الذهاب الى الجيم مثلا او تعليم الجيتار او تعليمهم السواقة .. حاجة تغيري بيهم نمط حياتهم ..
و ربنا يستر عليهم اللعبة دي جننت ناس دكاترة زمايلي و سابوا شغلهم و مذاكرتهم و قاعدين عليها 24 ساعة في ال 24 ..
و ربنا معاكي..

المشاركة الأصلية كتبت بواسطة محمد فيصل (المشاركة 542929)

الاخت الفاضلة م.سلوى :السلام عليكم وكل عام وحضرتك والاسرة بخير
طريقة اقترحتها على عمى ونفذها وكانت النتيجة مرضية
بما ان الممنوع دائماً مرغوب
على حضرتك اتباع طريقة الاهمال وعدم اعطاء اهمية لتلك الافعال ثم التصريح بأن الثانوية العامة هى عنق الزجاجة التى يجب عبورها الى براح الحياة وايضاً ان المجموع المرتفع هو جوازسفر الى الكلية المحببة اليهم وايضاً التحذير بأنه لن توجد القدرة على جامعات خاصة حتى وان كانت تلك القدرة موجودة
فمن لم يحصل على مجموع مناسب لا يوجد امامة سوى العمل بمؤهل متوسط والسقوط فى السلم الاجتماعى مع ال\لاقرباء والمعارف
النتيجة حدث تحول مرضى للغاية بعد شهر من هذا الحديث
اللهم وفق عبادك الصالحين الى ما تحب وترضى به عنهم يا ارحم الراحمين