مصر موتورز مجتمع السيارات - ارشيف احداث عام 2009

مصر موتورز مجتمع السيارات (https://www.masrmotors.com/vb/index.php)

- الاخبار المحلية (https://www.masrmotors.com/vb/forumdisplay.php?f=74)

- - ارشيف احداث عام 2009 (https://www.masrmotors.com/vb/showthread.php?t=4611)

رد: ## شيخ الأزهر يجبر طالبة بالإعدادي على خلع النقاب ##

اقتباس:

المشاركة الأصلية كتبت بواسطة hazem_khidr (المشاركة 82963)

انا رأيي من رأيي صلاح عبد النبي
موضوع الحجاب و الخمار و النقاب قتل بحثا و اجنا مش اهل فتوي
الموضوع كله ما يفرقش بتاتا
انما فعلا فيه واحد محترم مش حقول شيخ ازهر ولا بتاع
يقول لواحده انا افهم اكتر منك و من اللي خلفوكي
فين بقي سماحه الدين و حسن الكلمه و طيبه اللسان و الكلام دا
و فيه واحد مؤدب و عنده زوق و لسانه مش سليط مش حقول برضه شيخ ازهر
يقول لواحده امال لو حلوه كنتي عملتي ايه
دا ايه دا؟؟
و هو الدين برضه و الاسلام قاله تتريق علي مخاليق ربنا
دا احنا اتعلمناها في تلاته ابتدائي و في سوره في العربي كنا بناخدها مسيحين و مسلمين
ولا تلمزوا انفسكم و لا تنابزوا بالالقاب
مش دا كلام الدين برضه و المفروض اصغر واحد يعمل بيه لاني دي اخلاق و سلوكيات
لما يجي واحد والله لو كان مين و يتكلم مع اختي او بنتي او امي او مراتي او حتي واحده ماشيه
في الشارع ما اعرفهاش بالشكل
المقزز بتاع شيخ الازهر انا ما اعرفش رد فعلي ممكن يكون عليه عامل ازاي

أنا عاجبني كلامك جدا يا Mr.hazem_khidr وموافق عليه جدا:clapW15:

رد: ## شيخ الأزهر يجبر طالبة بالإعدادي على خلع النقاب ##

اقتباس:

المشاركة الأصلية كتبت بواسطة ابو هيما (المشاركة 82988)

و الله أذا كــــــــــان الموقف ده حصل فعلأ فيبقى الله يلعـــــــــــــنه ويحشــــــــــره مع قوم فرعون وهامان وأتباعهـــــــــم ..بارب أسترها على البلد دى

لأ يا ابو هيما كدا إنت غلطان إدعيله بالهداية دعاء خالص من قلبك لله

رد: ## شيخ الأزهر يجبر طالبة بالإعدادي على خلع النقاب ##

اقتباس:

المشاركة الأصلية كتبت بواسطة د-خيرى (المشاركة 82975)

الاعلان الاول من طبيب مسلم/قامت الحرب ولم تقعد على الحجاب من انصار المسيخ الدجال الذين يحاربون اوامر الله ويامرون الناس بالفواحش // فرغم انف الجميع ينتصر الله ويبعث انفلوانزا الخنازيرررررر حتى يضعوا الحجاب لكن ماطلوا واتبعوا ماتتلوا الشياطين واستبدلوا الحجاب بالماسك وان المسكات جميعها غير فعال ولكن الفعالية الحقيقية للحجاب يا اهل العلوم اقصد بالحجاب ذللك الشيىء الذى يغطى الانف والفم ويترك مساحة داخله لتنفس سليم وليس بة الروائح الحافظة الكريهة وان المسكات تعيد للانسان جزىء كبير من زفيره ومايحتويه من مخرجات وملثات// وجربوا لبس الحجاب ولبس الماسك وانتم تعرفو الفرق بينهم وحزروا محاربة الله

هل معنى كلامك يا دكتور خيري أن يرتدي الرجال ايضا النقاب بدلا من الماسكات إللي حضرتك بتقول أنها غير فعاله ؟

رد: ## شيخ الأزهر يجبر طالبة بالإعدادي على خلع النقاب ##

اقتباس:

المشاركة الأصلية كتبت بواسطة islam_galal (المشاركة 82896)

يا ريت الموضوع لا يتطرق لشخص الشيخ

خلينا نحط أسس أولا للحوار

الرجل لا يمثل قيادة الإسلام في مصر و لكنه يمثل أعلي منصب ديني حكومي ، موظف يعني
لا يصح سب الرجل لأنها غيبة و نميمة و لكن النقض للموقف و ليس للإنسان

و بالتالي اللي يعلق يناقش الرأي و ليس الشخص
أنا شخصيا أرفض رأي الشيخ لعدة أسباب
أولا : النقاب مكرمة و فضل و بعض الأئمة أوجبه و لم أسمع إلا منه رفض النقاب و هو ما لم أقتنع به و مخالف لأغلب الأئمة الثقاة
ثانيا: من وجهة نظر دنيوية ، دي حرية شخصية و من حقنا علي الاقل اختيار ملبسنا حتي لو خيمة ، مش غيرنا بيلبس مفيش و محدش بيتكلم ، دي بقي تفرقة و اضطهاد ديني

الفتاة ارتدت النقاب تحسبا لزيارة شيخ الأزهر و هو رجل و ليس من المحارم
و النقاب ليس له علاقة بالجمال ، لأن الجمال ده نسبي و طبعا الرأي و الموقف ده سقطة لأي رجل دين أيا كان موقعه

طيب بما ان الموضوع لن يتطرق الى اشخاص

فانا كده خارج الموضوع

:(

60 ألف ميكروباص جديد بالقاهرة

بدأ مشروع إحلال "الميكروباص" القديم دخول حيز التنفيذ بعد موافقة بنوك مصر والأهلي والإسكندرية وناصر على تمويل مشروع إحلال "الميكروباص" القديم المقرر تطبيقه بداية العام القادم.

وذكرت صحيفة "الشروق" يوم الثلاثاء أن المرحلة الأولى من المشروع ستشهد إستبدال 60 ألف سيارة "ميكروباص" مضى 30 عاماُ أو أكثر على سنة إنتاجها بأخرى جديدة في القاهرة والمحافظات.

وقال يحيى العجمي عضو لجنة السياسات ببنك مصر إن محافظات القاهرة الكبرى ستكون الأولى في تطبيق البرنامج لأنها تستحوذ على أكبر عدد من سيارات الميكروباص ومستخدميه، الذين يصل عددهم إلى مليون راكب يومياَ على مستوى الجمهورية.

ومن المقرر أن تقوم وزارة المالية بعقد إجتماعات مع أصحاب الشركات التي ستقوم بالمشاركة في المشروع لتقديم تسهيلات تساهم في إنجاح المشروع، من بينها تخفيض الجمارك على قطع الغيار ومستلزمات الإنتاج الداخلة في صناعة السيارات، مع تقديم إعفاء ضريبي يتناسب مع المشروع.

وكان مشروع إحلال التاكسي القديم الذي بدأ تطبيقه منذ شهر يوليو قد نجح في تحقيق قفزة في مبيعات الشركات المشاركة في المشروع في وقت كان يسيطر فيه الركود على مبيعات السيارات في مصر.