مصر موتورز مجتمع السيارات - حكايتى مع السيارات فى العراق !

تم شكر بساريه و القائه فى الماء ليعود الى الهند سباحه ! ptmnlo123per1106 و نرجع بقه الى موضوعنا !
رجعت تانى للعراق و استقبلنى المصريين فى الموقع استقبال الفاتح مما أثلج صدرى ! و بعد كام يوم

طلب منى مدير الموقع أن أستضيف عندى مهندس برازيلى كبير الشأن لمدة أسبوعين ! لآنى كنت فى كرفان

محترم بسريرين و الوحيد الذى ينام لوحده ( أحسن من مدير الموقع كمان ) المهم طبعآ وافقت لآنه ليس من

الذوق أن أقول لآه ! ptmnlo123per144 و جاء رجل كبير فى السن بالنسبة لى وقتها يعنى حوالى 55 -60 سنه بس

نشيط و زى القرد ! فى الآول طبعآ كنت متضايق من وجوده لكن لقيته ظريف و مؤدب و لم يعترض على صحيانى

الفجر و دخول الحمام للوضوء ثم الصلاه مما قد يسبب له بعض الازعاج ( بالمناسبه هناك أجانب يصيبهم مس )

( من الجنون عند رؤيتك بتصلى أو سماعهم الآذان ! و أقسم بالله رأيت بعضهم يكاد ينتحر أو يعمل جريمه )

( عند سماع الآذان أو رؤية أحد يصلى فى غير المسجد ) ؟؟ المهم ابتديت أتكلم مع الراجل فى شتى المواضيع

شويه بالانجليزيه و شويه بالبرتغاليه و لعبنا مع بعض بلياردو ( طبعا كان بيعلمنى ) المهم على نهاية الآسبوع

الآول حضر عندى بعد العصر أحد الاخوه المصريين و كان مشهور انه متدين جدآ و بذقن عظيمه و كان صاحبنا

البرازيلى ده بيستحمى فى الحمام و هم من عادتهم عدم غلق الباب ! ptmnlo123per1106 المهم أخينا المصرى
ده كان من ريف دمياط ( كفر سعد ) تحديدآ ! دخل عندى بالجلبيه ( و دى برده الآجانب ما بيحبوهاش ) وراح

نايم على سرير الراجل و هو يعلم انه فى الحمام ! طبعآ أنا فوجئت و بعدين سألنى عامل ايه مع ابن ال......

وابن ال.... لو حبيت نطفشهولك و.. ..و كلمات يعاقب عليها قانون الآحوال الشخصيه ! فأنا قلت له حرام

عليك و الله الراجل طيب و ظريف و عيب تقول كده ! و سعيكم مشكور و مع السلامه ! يا دوب الراجل خرج

لقيت الخواجه ده بينده على و بيقوللى بالعربى ( اللهجه المصريه ) و الله يا دكتور لو سمحت هات لى الفوطه !

رحت أوتوماتيك كده جايب له الفوطه و أنا فى وسط الطريق توقفت و قلت له انت بتتكلم عربى ! قاللى آه مانا

مصرى يا جدع !!؟ ptmnlo123per111 و بص فى الباسبور بتاعى عندك على التسريحه ! فتحت الباسبور

لقيته برازيلى و مكان الميلاد مصر ! و الديانه ( مافيش ! ) و لما طلع حكالى قصته انه من أب و أم ايطاليين

و كانوا عايشين فى مصر و أبوه كان مقاول سباكه ! و لهم بيت ملك فى الاسكندريه و لما الحرب العالميه

التانيه حصلت ( و طبعا الانجليز كانوا محتلين مصر ) قاموا جمعوا الايطاليين فى معسكر اعتقال فى الاسماعيليه

و بعد الحرب هاجروا الى البرازيل !! ptmnlo123per1106 فقلت له طب ليه لم تقل لى ذلك من أول يوم ؟؟ قال لى
لازم أعرف الآول أنا قاعد مع مين ! و شخصيتك شكلها ايه ؟ و ممكن تضرنى أم لا ! و طبعآ دا كان درس من

أكبر الدروس اللى اتعلمتها فى حياتى ! و ان كنت مرتين بعد كده وقعت فى أخطاء متشابهه و غلطت فى ناس

بس علشان يبقوا 3 مرات و التالته تابته ! و أرجوا أن تستفيدوا من هذا الدرس المجانى ( بعد كده بفلوس ) !

Dr. Bolbolan ptmnlo123per1127