مصر موتورز مجتمع السيارات - موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة farouk89 (المشاركة 719317)

السلام عليكم

النهارده وانا ماشي بالعربيه بطلت فجاه ادور مش بدور المهم المارش شغال بس مش عاوزه تقوم روحت راكنها وستر ربنا كان فيه ميكانيكي وشافه وقالي طرمبة البنزين عاوزه تتغير عشان العربيه لما بتسخن مش بتوصل بنزين للكربتاير هل الكلام ده صح ولا ايه

فعلا طرمبة البنزين فى الفيات كله القديم بتطير من السخونه
كان ممكن تحاول تتعامل معاها انك تجيب قماشة وتغرقها ماية و تلفها على الطرمبة ممكن كانت تشتغل ومتقلقش ده الطبيعى
ان طرمبات البنزين فى العربيات القديمة بتقفش فى الحر
و
ربنا يعينك

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

العربية كانت مركونة لمدة شهر واسبوع بس كنت بدورها كل يومين 5 دقايق
المهم العربية دلوقتى لما بدورها بتدور بعد مرتين او ثلاثة بس المهم اكون بكارك لها بنزين دة من اية

وعندى طرمبة المية بتصفر والمكانيكى قالى من الركنة وهتروح زز انا بقالى كدة 10 ايام مشغلها اغير الطرمبة ولا استنى وهى بكام

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

السلام عليكم
عندى سؤال بخصوص الفتحات اللى موجوده بالتابلوه فى الوسط بالظبط
هل ده تكييف؟
ووحدة التحكم اللى تحت التابلوه فايدتها ايه؟

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة egyman83 (المشاركة 720093)

بالنسبه لتاخر الدوارة
ممكن ابلاتين وكوندنسر(احتمال كبير)
او
تنظيف كربراتير
او
بوجيهات

وبالنسبه لطرمبة المياه
حضرتك بتقول انك راكن العربيه لو لسه تركنها يبقى متغيرش الطرمبة دلوقت خليها لغاية ما تبداء تستخدم العربيه تانى
وسعر الطرمبة كنت شارى واحده تركى قعدت سنه شغالة كويس وبعت العربيه وهى شغالة كويس برضوا كان سعرها 90 جنية

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة karamany (المشاركة 720644)

بالنسبه للفتحات اللى فى الطبلوه ديه ديه معموله علشان تجيبلك هواء سخن بس المصريين بيلغوا الخاصيه ديه لان كدا كدا الهوا سخن
او علشان تجيب هوا من بره العربيه بس كده كده الهوا اللى جاى من برا العربيه سخن فالمصريين بيفتحوا الشباك وخلاص
ههههههههههههههههههههههههه

تقدر تقول كدا مفيش 128 فى مصر كلها مشغلا الحاجات ديه وتقدر تعتبرها ديكور حتى كان الاول كله بيشتكى ان ال 128 لما بيركبلها تكيف والتكيف بيطلع الهوا من الفتحات ديه كان الهوا بيطلع ضعيف وسخن مش ساقع فعلشان كدا كله مبقاش حد يركب لل 128 تكيف

بس الفنى بتاع التكيف اللى بعت لحضرتك نمرته عمل حاجه جديده تغلب بيها على الكلام ده كله وهى انه بيركب وحده عاملة زى التكيف الاسبليت جوة الصالون وهى ديه اللى بتجيب الهوا الساقع وبصراحه تبريدها قوووى جدا فوق الوصف بمعنى الكلمه وتغلب على جميع مشاكل الطابلوهات القديمة بالوحده اللى بقى بيركبها فى التكيف ديه وبقى ممكن تركيب التكيف على اى سيارة ويعمل بكفائة تامه