المشاركة الأصلية كتبت بواسطة خالدخليفة (المشاركة 186584)

ههههههههههههههههههه ده انت بتحبنى اوى عايزها تكتشف انى انا بنصب عليها
عموما انا حكيتلها عن الموضوع بس بطريقة مختلفة حكيت لها ان فى واحد هنا مسمى نفسه كروزير جايب تقرير بيشتم الستات وبيقول عليهم مفتريين وظلمة لكن انا قلت لهم(دى بداية اكل الحلاوة بعقلها) ان مراتى احسن ست فى العالم وان مفيش زيها والشهادة لله هيا ست كويسة لكن زى كل ست فيها الحبتين بتوع الستات وبالمناسبة احنا اتخانقنا النهاردة الصبح وطبعا زعلنا لكن علشان الحياة تمشى والجو يهدى عملت عبيط وطلبت الفطار وكلام من ماركة هتجوعونا والا ايه وهو اللى يتخانق فى البيت ده يجوع هو انا مصر ومتجوز امريكا وقلبت بهزار لكن طبعا لو دخلت هنا واكتشفت انى ممشيها نصب يبقى بدل مبنجيب شوية لب والا شيكولاته بجبنيه هتقلب بغم يامعلم

المشاركة الأصلية كتبت بواسطة Injection (المشاركة 186571)

ياسلام لو زوجة حضرتك تدخل الموضوعptmnlo123per135.

المشاركة الأصلية كتبت بواسطة خالدخليفة (المشاركة 186667)

طيب دى نكتة بقى واحدة قريبتنا هيا مولودة وعايشة ومتربية فى القاهرة ومتجوزة واحد قريبنا المهم حصلت مشكلة واتخانقو وجات لى البيت ونهديها و دى ابدا وهو بيعمل وهو بيسوى ولازم تجيبو لى حقى
المهم الراجل قالوله اولاده ان امهم عندى فى البيت واتصل بيا وقلت له تعالى مهو انا اتعلمت اسمع الطرفين وان كان كلامها يخليك اول م تشوفه تناوله ف وشه على طووووول
الراجل جه وبكل هدوء قال لها عايزة ايه قالت نتطلق فانا شخطت فيها قلت لها انا مبتحشرش فى طلاق هتقولى كلام عاقل والا نفضها سيرة انتى ملخص شكواكى ايه فقالت كذا وكذا وكذا وفوجئت بانه رد عليهم كلهم بل وقال كمان حقك عليا وانا اسف ايه تانى مطلوب منى فقلتله ولاحاجة وفوجئت بيها اخترعت مشكلة وزعقت فقال انا همشى ولما تبقى تهدى اجى اخدها كلام بصراحة فى منتهى العقل ونزل وهو على السلم جريت ورا ه وتقول له انت سايبنى ورايح فين فقال همشى لحد اعصابك متهدى واجيلك تانى فزعقت له على السلم وهنا قفز العرق الصعيدى وقال انتى بتعملى راجل ادام الناس وراح مناولها بالبوكس فجات فيا فراح مناولها التانى فجه فى المدام عندى فانكسف جدا ومشى
طبعا حليناها بعد كده
لكن المقصود ان المشكلة كانت محلولة لولا الافترا والهيصة اللى حصلت ويمكن ده المقصود من الموضوع نفسه
ان الستات بيزودوها حبتين والراجل ميقبلش منهم ده