مصر موتورز مجتمع السيارات - ارشيف احداث عام 2009

مصر موتورز مجتمع السيارات (https://www.masrmotors.com/vb/index.php)

- الاخبار المحلية (https://www.masrmotors.com/vb/forumdisplay.php?f=74)

- - ارشيف احداث عام 2009 (https://www.masrmotors.com/vb/showthread.php?t=4611)

رد: فضيحة نور الشريف وخالد ابوالنجا

الاخ الكريم ابو نورا .. اقدر فى حضرتك غيرتك على الدين ولكنى اختلف معك فى تفسير" فتبينوا "فاذا سلمنا بأن" الفاء"للاسراع فهى ليست للعجلة فى تتبع ا لامر او الخوض فيه ولكن للتمهل والتروى والانتظار حتى تستبين الامور وتتجلى الحقائق .. وارى ان حضرتك سقت الخبر مع بعض الا سقاطات التى توحى بصحته وكان من الاولى ان تنتظر وتتريث وتتحرج من نقل مثل هذا الخبر لاسيما انه يمس الشرف والعرض وكلها ايام وتتكشف الحقائق وتستبين الامور .. وكفانا الله واياكم شر الفضائح .. ونسأله الستر .. اللهم آمين
د. انسى على

رد: فضيحة نور الشريف وخالد ابوالنجا

اقتباس:

المشاركة الأصلية كتبت بواسطة فاطومه المصريه (المشاركة 82389)

اللهم صلى على النبى

دة صلاح عبد النبى تحققت رؤيته ولا ايه يا جدعان

دى فضيحه والعيار اللى ميصبش؟؟؟؟

هو مين صلاح عبد النبى ده ؟؟؟

رد: فضيحة نور الشريف وخالد ابوالنجا

أيه يا جماعه ؟ أنتم ما أخدتوش بالكم من الجمله دي وللا أيه ؟

اقتباس:

"وأصدر النائب العام المصري بيانا عقب اللقاء، حصلت العربية.نت على نسخة منه أكد فيه "أنه لا حقيقة لمثل هذه الاتهامات ضد الفنانين المصريين، وانه تم استدعاء مسؤولي الصحيفة للتحقيق معهم."

وأظن أذا كان فيه أي شيء حقيقي في هذا الأمر كان من المستحيل أن النائب العام ينفي خبر زي ده ومش ممكن يستدعي مسؤلي الصحيفة للتحقيق معهم ... وإلا يبقى كمان النائب العام حاش لله من هؤلاء القوم المشار إليهم في مثل هذه التهمه

تاني حاجه بالنسبة للصورة دي إللي مرضيش "أبو نورا" أنه ينشرها
((الصورة سبق الاشارة اليها برابط ))
أنا بنشرهالكم وبكل صراحه لأن الصورة غير مشينه على الإطلاق لنور الشريف ولكنها مشينة للحكام العرب الذين طأطؤا رؤسهم ومشينة ايضا لجنود الأحتلال الامريكي الذين قاموا بمثل هذه الافعال الشاذة التي يندى لها الجبين
وكون أن نور الشريف تعرى من اجل أن يصور مشهد كهذا ليسجل للتاريخ مدى قهر وذل العراقيين على يد جنود الاحتلال فهذا يحسب له ولا يحسب عليه ونحن نتفرج فقط ولا نستطيع عمل شيء
أنا لم أشاهد الفيلم ولكن ثقتي في نور الشريف تجعلني أتيقن من انه رجل محترم جدا هذا بخلاف ما قام به النائب العام من إصدار أمر بالتحقيق مع مسؤلي الجريده

رد: فضيحة نور الشريف وخالد ابوالنجا

يا استاذ انسى الخبر منقول من موقع العربية وموجود فى عدة مواقع وتناولة برنامج 90 دقيقة فى المحور امس وهو خبر يمس الشأن العام لعدة اسباب سبق الاشارة الي بعضها

وتم اثبات مصادر النقل فى جميع الاخبار المذكورة فى الموضوع وانا لم احكم فى الموضوع وليس لى ان احكم فيه ولى مثل الجميع حق التعليق

انا زيي زيكو شايف ان الموضوع يحتمل حاجة من الاتنين اما انه افتراء من صاحب الجريدة وفى الحالة ديه لازم يتحقق معاه بردو ويعاقب
مع مراعاه انه معلوم تماما لصاحب الجريدة ان حاجة زى كده مش سهلة ومحدش هيسكت والقانون بقى صارم فى الموضوع ده والعقوبة بتبقى بغرامة عشرات الالف وممكن توصل لمئات ده غير الحبس واغلاق الجريدة
تفتكر ايه اللى يخلى واحد يغامر بكل ده علشان ينشر خبر وارد اساسا انه ميعرفش يبيع ولا نسخة بعده وده ما يقال انه حصل فعلا

ووارد برضو ان واحد يقال عليه انه مثقف وفنان بدرجة وزير وليه اراء شاذه فى مواضيع كتير يكون على علاقة بحاجة زى كده واستخدم نفوذه لتغطية الموضوع وكون ان صور المحاضر تتسرب فى ايد صحفى مغمور يبقى لازم يتحقق معاه ويتشاف اصل وصحة صور المحاضر ديه

وزى ما قولت قبل كده رائى الشخصى فى الممثل ملوش علاقة بالموضوع انا يهمنى اعرف الحقيقة وبس

رد: فضيحة نور الشريف وخالد ابوالنجا

اقتباس:

المشاركة الأصلية كتبت بواسطة Payoo (المشاركة 82492)

أيه يا جماعه ؟ أنتم ما أخدتوش بالكم من الجمله دي وللا أيه ؟
وأظن أذا كان فيه أي شيء حقيقي في هذا الأمر كان من المستحيل أن النائب العام ينفي خبر زي ده ومش ممكن يستدعي مسؤلي الصحيفة للتحقيق معهم ... وإلا يبقى كمان النائب العام حاش لله من هؤلاء القوم المشار إليهم في مثل هذه التهمه

تاني حاجه بالنسبة للصورة دي إللي مرضيش "أبو نورا" أنه ينشرها
((الصورة سبق الاشارة اليها برابط ))
أنا بنشرهالكم وبكل صراحه لأن الصورة غير مشينه على الإطلاق لنور الشريف ولكنها مشينة للحكام العرب الذين طأطؤا رؤسهم ومشينة ايضا لجنود الأحتلال الامريكي الذين قاموا بمثل هذه الافعال الشاذة التي يندى لها الجبين
وكون أن نور الشريف تعرى من اجل أن يصور مشهد كهذا ليسجل للتاريخ مدى قهر وذل العراقيين على يد جنود الاحتلال فهذا يحسب له ولا يحسب عليه ونحن نتفرج فقط ولا نستطيع عمل شيء
أنا لم أشاهد الفيلم ولكن ثقتي في نور الشريف تجعلني أتيقن من انه رجل محترم جدا هذا بخلاف ما قام به النائب العام من إصدار أمر بالتحقيق مع مسؤلي الجريده

يا بايو انا مخفيتش الصورة انا حطيت رابط الموضوع بالصورة للى عايز يشوفها انا شخصياً شايف ان منظرة مقزز ومحبش اشوفة او اعرضة للناس يمكن هو شايف مفيش مشكلة انت شايف مفيش مشكلة عادى كل واحد ليه قناعاته

لكن انا قناعتى ان المبداء مرفوض ومفيش غاية سامية تبرر وسيلة شاذه

ولو اجزنا المبداء بحجة العمل يبقى الممثلة عادى برضو انها تتعرى فى مشهد اغتصاب او خيانة زوجيه وكله لمصلحة العمل الدرامى وده فعلا اللى الناس ديه مؤمنة بيه وده فعلاً اللى بيقبلوه على نفسهم وده اللى انا وغيرى بنرفضة برضو

وبعيدا عن الصور نص الحوار مع العربية بيتكلم عن تجرد كامل من الملابس واظهار للعورات وده مذكور نصاً فى اكثر من موضع من الحوار بما يؤكد المعنى

اقتباس:

معلقا على صورة بدا فيها مجردا من كامل الملابس في "معتقل أبوغريب"

نور الشريف لـ"العربية.نت": لا أخجل من التعري للضرورات الفنية

المصدر واعتذر عن وضح الصورة
http://www.alarabiya.net/articles/2007/12/19/43136.html

وأعرب النجم المصري عن دهشته الكبيرة للضجة التي ثارت حوله ظهوره عاريا في الفيلم، متسائلا: "أنا مندهش ولنفترض أني كنت عاريا، ففي الستينات كان صدر المرأة يبدو عاريا في الكثير من الأفلام العربية، بعض الناس تخيلوا أن الزمن أصبح مختلفا.. والكثير من أولئك يدعون الأخلاق خوفا من أن يقال لهم بأنهم غير متدينين، وردي على الصورة هو: انتظروا حتى تشاهدوا الفيلم، وعندها ستعرفون هل كان هدفي هو العري أم إدانة العنف الأمريكي الهمجي للعراقيين داخل سجن أبوغريب.. إن هذا المشهد ليس مجانيا".

وعما إذا طلب من نور الشريف أن يكشف عورته أمام الكاميرا أكد لـ"العربية.نت" بأنه لن يعمل ذلك إلا بحسب الموضوع وفي حدود ألا يظلم مشاعر الناس

تعرى يا بايو تعرى والراجل بيقولك وايه يعنى ما صدر المرأه كان بيظهر عارياً زمان عادى !!

مش معقول نعمل كل مصيبة ونقول علشان العرب وعلشان فلسطين وعلشان العراق ايه دخل ده فى ده بس

اقولهالك بالبلدى حاضر

تحب تتفرج انت واسرتك على راجل متجرد من ملابسة تماما تحت اى سيناريو او هدف
تفتكر لو اتعمل فيلم عن اغتصاب مواطنة عراقية على يد جندى محتل نجيب ممثلة تتعرى علشان تمثل المشهد ونقول ده فن وده هدف نبيل

ومال الحكومات والرؤساء بموضعنا كله اساسا هما الحكام والرؤساء ولا العامة حتى لسه متفرجوش على الصور الاصلية فى الاخبار وفى كل وسائل الاعلام وبقت مؤرشفة فى حته فى الدنيا اصلا ومحتاجين يتفرجو على نور الشريف المثقف المتعرى !