مصر موتورز مجتمع السيارات - مخطط تصفيه الثوره ,,

(( هى دى مصر ))
هى دى علاقه المصريين بعض رغم أنف كل حاقد

*محمد: بقولك ايه ياض يا بيتر يا كافر يا عدو الله
*بيتر : قول يا عم المؤمن. ... إرغي...
*محمد: الا صحيح انت بتزعل لما بيحرموا المعايدة عليكم في العيد
*بيتر : وحد الله يا مؤمن
*محمد: لا الله الا الله سيدنا محمد رسول الله
*بيتر : تزداد نسبة تهنئتي بالعيد طرديا مع كمية فتاوي تحريم المعايدة عليا وعلى امثالي
*محمد : ترجم يا بجم انا كنت ادبي
*بيتر : ماشي يا لوح ..يعني كل ما الفتاوي اللي بتحرم المعايدة علي بتزيد كل ما بتزيد معاها نسبة الناس اللي بتعيد عليا ... تقريبا كدة والله اعلم الفتاوي دي بتفكر حبايبي يكلمونى في العيد فبفضل طول اليوم عامل مهم في امها من كتر ما تليفوني بيرن و بتعوج على طوب الارض
*محمد: شوفت يا معفن احنا اللي بتعملك قيمة
*بيتر : دة حقيقة يا اوطى اصحاب خلقهم ربنا
*محمد: تسلم يا غالي يابن الغالي وقول لامك تعمل حسابي في المكرونة بالباشاميل
*بيتر : عامله صنية وهتبعتها لامك بكرة بالليل عشان تتعشوا بدل ما بتناموا جعانين
*محمد: نبات جعانين مين ياللي تتشك في بطنك ؟!
ما امي كل عيد بتبعت كحك و لحمة ضاني
*بيتر : خلاص اخرس الله يفضحك احنا على القهوة
*محمد : طيب اطلبلي قهوة زيادة على حسابك تمن مكالمة المعايدة
*بيتر : متتصلش وامسح رقمي من على تليفونك

هـى دى مـصــر يـا ســـاده
كل عام ومصر كلها بخير وسلام

https://scontent-a.xx.fbcdn.net/hpho...f7&oe=5534F2B8