رد: رأى شخصى بموضوع اسعار العربيات و ضد حمله خلوها تصدى
 

يا جماعه الوكيل كسبان كسبان كسبان كسبان

بيكسب في بيع العربية

يقولك بس اصله بيصرف علي خدمة ما بعد البيع و الصيانة و الضمان

بيصرف ايه علي خدمة ما بعد البيع

هوانتا بتروح تعمل صيانة هدية و لا ببلاش

الضمان

كلنا عارفين ان الضمان علي حساب الشركة الام

تغيير اي قطعه معيبه علي حساب الشركة الام شامله المصنعية

بيكسب في تجارة قطع الغيار

بيكسب في صيانة موديلات شركته بعد الضمان و خارج الضمان

الليله كلها شوية استثمارات في مخازن و مراكز صيانة و دعاية و تسويق

و بترجع الفلوس تاني اسرع ما يمكن

انا نفسي اخد اي توكيل ptmnlo123per195

رد: رأى شخصى بموضوع اسعار العربيات و ضد حمله خلوها تصدى
 

فادى باشا ... صدقنى ده مش كلام حكومى , ده واقع كلنا شايفينه و حاسينه و عارفينه ...... و ان كان ده كلام حكومى فيبقى اول مره فى حياتى ابقى مع الحكومه فى الكلام ده ..... و بعدين شوارع ايه اللى فى مصر تتحمل اكتر من كده ؟؟ فين الشوارع دى ؟؟ و برده المدن الكبيره اللى سعادتك بتتكلم عليها دى برده عندها مشكله الأختناق المرورى ... حتى فى الدول الحديثه زى الأمارات ابتدى يبقى عندهم اختناق مرورى رهيب لدرجه ان المشوار اللى كنت بيتعمله فى 20 دقيقه بقى بيتعمل فى 3 ساعات و ده عن تجربه و مقارنه من 15 سنه فاتوا و دلوقتى.................
فى رأيى الحل الوحيد هو التوسع فى الصحراء .... بس مين اللى يعمل كده و ازاى و فين الأمكانيات ؟؟؟

رد: رأى شخصى بموضوع اسعار العربيات و ضد حمله خلوها تصدى
 

أشكر الزميل في هذا الطرح المرتب
و لكن !!!!!!!!!!!
أشعر أنه وكيل إحدى الشركات التي تستفيد من غول الأسعار الذي يمتص دمنا
أو أنه مستفيد من عملاق الجمارك الذي يجعل سعر السيارة اضعاف السعر ليس الأصلي بل التجاري في معظم الدول المجاورة و النايمة مثلنا
إن هذا الدفاع الغريب ليس له معنى سوى أن الوكلاء يجب أن يقفوا مع الشركات المتعثرة و التي تتمنى ان تييع و لو بسعر التكلفة و على أقساط طويلة الأمد
ليس مبررا ان باقي الأسعار غالية أليس الأفضل إنخفاض الأسعار كلها
و لكن يا عزيزي يبدو أن كلنا .................

رد: رأى شخصى بموضوع اسعار العربيات و ضد حمله خلوها تصدى
 

اولا مرحبا بالعضو النساج 1969 و ارجو ان يحوز المنتدى على اعجابكم .
و ثانيا لى كل الشرف ان يكون اول مشاركه لك فى المنتدى ان تكون من نصيب موضوعى المكتوب اعلاه .........
و ثالثا سيدى الفاضل ...... اقسم بالله اننى لست تاجر سيارات او وكيل سيارات او لى اى علاقه من قريب او بعيد بمواضيع السيارات اللهم هذا المنتدى فقط ..... عموما انا لست تاجر فى اى شئ او سلعه و ليس لى اى غرض من الموضوع غير ان نتفاهم بالعقل و المنطق ....... بالبلدى كده ( اشمعنى العربيات اللى عليها المشكله ) ما احنا شايفين الويل فى حاجات تانيه و اهم ....... ليه تبقى حمله للعربيات ام كذا الف جنيه ؟؟ ليه ماتبقاش حمله على المنتجات الأستهلاكيه ؟؟؟ و للعلم اعتقد ان كل من يشارك بهذه الحمله حلمه الحصول على سياره بأى طريقه سواء منطقيه ام لا...... و المنطق للى عايش فى مصر بيقول ( العربيات دى هاتمشى فين لما العربيات تبقى فى متناول الجميع ؟؟) ارجوك راجع موضوعى فى الجزء الخاص ب :-
علشان احنا ماعندناش طرق تستوعب كل الكم ده من العربيات و لا خدمات فعليه للطرق ..... يبقى ازاى يخلوا كل اللى ماعندوش عربيه يقدر يشترى عربيه و اللى عنده واحده ساعتها يقدر يجيب التانيه ......طب كل ده هايمشى فين ؟؟؟؟ مع العلم على ان الزحمه دى كلها من 4 مليون عربيه فقط .... و احنا شعب تعدى ال 80 مليون يعنى لو العربيات بقت فى متناول الجميع هانمشى ازاى و فين ؟؟؟؟؟؟؟؟_________________________ _________________________ _________________________ _________

و لك جزيل الشكر و الأحترام

رد: رأى شخصى بموضوع اسعار العربيات و ضد حمله خلوها تصدى
 

و لنفرض,
عندهم نفس المشكلة فى لندن و نيويورك و كل المدن الحديثة,
ارتفاع عدد السيارات مما يسبب زحاما,
كانت ايه النتيجة,
الناس بتسيب عربياتها تحت البيت و تروح شغلها بالمترو,
و ده اللى هيحصل فى مصر لدى زيادة السيارات عن حد معين, المواصلات هتفضى لأن جزء كبير من ركابها انتقل الى استخدام السيارات, و سوف تصبح المواصلات اكثر جاذبية بالترافق من تطويرها, و ينتقل البعض لاستخدام المواصلات, و يقل الزحام مرة اخرى ليصبح فى معدلاته الطبيعية.
صدقنى دى حجة حكومية خايبة.

رد: رأى شخصى بموضوع اسعار العربيات و ضد حمله خلوها تصدى
 

رد: رأى شخصى بموضوع اسعار العربيات و ضد حمله خلوها تصدى
 

ماهو الناس بتنتقل بوسيلتين, يا اما المواصلات يا اما العربيات,
أكيد الشريحة اللى هتزيد من مستخدمى السيارات هتقلل من مستخدمى المواصلات, و ده هينعكس بالايجاب لأن حتى الأن الميزان مختل لصالح المواصلات,
حضرتك بتفكر بس فى زحام الشوارع لأن حضرتك تمتلك سيارة,
طيب مفكرتش فى زحام المواصلات؟ مش دى ازمة برضو لازم نحلها و هى اولى من ازمة الزحام, لان راكب السيارة مهما كانت الدنيا مزدحمة لا يشعر بمعاناة من يستقل مترو الأنفاق فى ساعات الذروة,
و فى النهاية هنوصل لنقطة (كما هى طبيعة الحياة فى اى شىء) تسمى نقطة الذروة, أو الpeak point, اللى هيبقى فيها ازدحام السيارات الى حدوده القصوى, و ساعتها هيفضل عدد كبير من راكبى السيارات استخدام المواصلات العامة, طبعا لازم الدولة تحسن هذه المواصلات و تصرف عليها شوية, و تزود عدد القطارات و الأوتوبيسات, و تحسن من نوعيتها حتى تجتذب شريحة من راكبى السيارات.
يبقى الأفضل للجميع هو زيادة السيارات للتخفيف عن المواصلات,
فى لندن الموظف بيسيب عربيته و يروح شغله بالمترو مش لأنه راجل متحضر و مش عايز يلوث البيئة و الكلام الفاضى ده, لكن ببساطة عشان المترو هيوصله اسرع,
و فى النهاية هتلاقى انو ال8 مليون عربية اللى حضرتك بتتكلم عنهم, نصفهم فقط أو ازيد قليلا هما اللى ماشيين, و الباقى مركون و لا يستخدم الا فى الاجازات و عند السفر.