مصر موتورز مجتمع السيارات - كم أكثر سرعة مشيت عليها؟؟؟

مصر موتورز مجتمع السيارات (https://www.masrmotors.com/vb/index.php)

- سلامتك على الطريق (https://www.masrmotors.com/vb/forumdisplay.php?f=8)

- - كم أكثر سرعة مشيت عليها؟؟؟ (https://www.masrmotors.com/vb/showthread.php?t=3688)

رد: كم أكثر سرعة مشيت عليها؟؟؟

كام اكثر سرعة مشيت عليها ؟
140

عملت الكارثة دى فين بالظبط و امتى ؟
على طريق الزقازيق القاهرة الصحراوي 2001

كان ايه السبب فى التهور؟
كنت لسه بتعلم السواقة
:w6w200504112246446a:w6w2 00504112246446a:w6w200504 112246446a:w6w20050411224 6446a

واللي بيعلمني اخدني على الصحراوي
وقعد يتنطط عليا خليته نزل في الدواسة وهو بيصوت

نوع العربية و الموديل ؟
بيجو 504

ايه اخبار ثبات العربية ؟ (stability ) ؟؟؟
معرفش لاني كنت ماشي في خط مستقيم
بقولك كنت لسه بتعلم
:w6w200504112246446a:w6w2 00504112246446a:w6w200504 112246446a:w6w20050411224 6446a

كان احساسك ايه اثناء و بعد التجربة الحياتية المريرة دى ؟

كنت فرحان جدااااااااااااااااااا
خصوصا في البية اللي كان قاعد جمنبي وهو بيصوت
وكان نفسي اكمل اكتر من كده
والحمد لله اني مكملتش
لاني عرفت بعد كده ان 504 على سرعة 160 وزنها يساوي
صفررررررررررررررررر

تعليقك على الموضوع
كعادة موضوعات مصر موتورز كلها جميلة

ابو كمال
GIFT4U

رد: كم أكثر سرعة مشيت عليها؟؟؟

انا اقصى سرعه جبتها 130

طريق قنا _ اسيوط الصحراوى

رد: كم أكثر سرعة مشيت عليها؟؟؟

السلام عليكم
انا حبيت اشارك بس فى الموضوع كنوع من الاختلاف

كام اكثر سرعة مشيت عليها ؟
120 كم/ساعة

عملت الكارثة دى فين بالظبط و امتى ؟
على اول الدائرى بتاع دريم و انا رايح شغلى الصبح

كان ايه السبب فى التهور؟
الطريق كان فاضى و حبيت اجرب العربية

نوع العربية و الموديل ؟
جى ام سى - بليزر كى 5 - موديل 1980

ايه اخبار ثبات العربية ؟ (stability ) ؟؟؟
يعنى ايه ثبات ؟؟ العربية مش ثابتة و هى واقفة على الارض - طبعا مفيش ثبات خالص و الهواء عمال يرزع فى كل حتة و العربية بتتنطط و تتمرجح كأنى فى دريم بارك بالظبط

كان احساسك ايه اثناء و بعد التجربة الحياتية المريرة دى ؟
كنت مبسوط جدا ان العربية جابت السرعة دى لوحدها - و قررت انى معملهاش تانى عشان انا حسيت انى فقدت التحكم على العربية تماما

تعليقك على الموضوع
انا بناشد كل السادة المسؤولين الاعضاء فى المنتدى انهم ميجروش بعربياتهم و اى حد بيجرى جنبى انا مش بتاثر ولا بسخن و لا بحقد عليه ولا اى حاجة - انا بس بقول ربنا يخليلى عزيزة و تفضل ماشية على اى سرعة انا راضى , المهم انها متعطلش منى فى السكة

رد: كم أكثر سرعة مشيت عليها؟؟؟

اقصى سرعه 150

كان فى طريق مصر السويس

كنت بجرب العربيه وشويه هبل كده يعنى هههههههههههه

العربيه : رينو لوجان 2011

ثبات : مقدرش ااقول اكتر من ان العربيه لازقه فى الارض ازاى محدش يسألنى يروح يجرب ويرد عليا رغم ارتفاع العربيه وكانت العربيه فاضيه كمان

احساسى اثناء التجربه : اكتر من احساس بضحك / مبسوط / خايف / قلقان / طبعا الادرينالين كان عالى جدا جدا تقدر تقول كان فى نشوه وخوف فى نفس الوقت احساس رهيب

وعندى استعداد اجيب بالعربيه 200 بس على طريق يكون جيد وتكون العربيه محمله

تعليقى على الموضوع بكل صراحه : موضوع مش فى محله خالص لان السرعه دى شئ خطر جدا جدا جدا جدا رغم ان سنى 17 سنه يعنى المفروض بجرى .
السرعه شئ خطر جدا جدا رغم انى بجرى بس الموضوع لذيذ الى حد كبير.

ونصيحه من اخ صغير ( العربيه بتبقى بتاعتك لحد 120 بعد كده الظروف هى اللى سايقه يا ريس )

بلاش جرى علشان سلامتك وسلامه اللى معاك وربنا يحفظنا

وايضا تجربه تانيه بمرسيديس c280 كمبروسور موديل 2006

السرعه : 250

الثبات : كأن العربيه ماشيه على 20 وكمان اخد غرز على 200 و 220 وغرز نتش كمان

احساس اكتر من رهيب انا محستش انى جبيت السرعه غير لما روحت ولقيت نفسى واقف على رجلى

طبعا هجيب السرعه دى كمان واعلى منها بس العربيه مكانتش بتاعتى بتاعت عمى وكان عايز ينام وانا سوقت العربيه هههههههههههه ضحكت عليه وقتله كنت ماشى على 120

انا انسان مغامر بطبعى ولو معايا عربيه بورش كاريرا عندى استعداد ااقفل عدادها ههههههههههههه

الموضوع جميل جدا جدا

طبعا اسف على الاطاله

رد: كم أكثر سرعة مشيت عليها؟؟؟

اقتباس:

المشاركة الأصلية كتبت بواسطة hyundai2005 (المشاركة 403614)

العربيه كل التعديل اللي فيها فلتر هواء رياضي بس نازله بشكمان وشجره قطرها واسع جدا زي اللي بينزل بيه الديفل او الهيدرز وبوجيهات اربعه شمعه علما بان اخر عداد العربيه 260 الاصلي طبعا

ملف مرفق 10714

ربنا يبارك لك يا باشا

اقتباس:

المشاركة الأصلية كتبت بواسطة sad-bird (المشاركة 403617)

ههههههههه يا باشا ربنا يكرمك كلك ذوق ... و انا كمان فرحان فى الراجل اللى كان معاك

اقتباس:

المشاركة الأصلية كتبت بواسطة abutreka55555 (المشاركة 405149)

انا اقصى سرعه جبتها 130

طريق قنا _ اسيوط الصحراوى

تمام يا باشا العقل زينة برده

اقتباس:

المشاركة الأصلية كتبت بواسطة ahmed_eng2001 (المشاركة 405223)

شكرا ياباشا على نقل تجربتك و ربنا يبارك لك فى عربيتك يا رب

اقتباس:

المشاركة الأصلية كتبت بواسطة Mr.NoLoVe (المشاركة 405326)

انت كدة يا باشا كاتب تجربتين بانطباعين مختلفين جدا و احساسك صح فى الاتنين .. تسلم يا باشا

رد: كم أكثر سرعة مشيت عليها؟؟؟

بجد الموضوع دة شدنى اوى لدرجة انى سجلت مخصوص فى المنتدى عشان اشارك فية و طبعا اتشرف انى اسجل و اكون معاكوا
اول تجربة ليا كانت ب fiat 126 و دى جبت بيها لغاية 110 و طبعا مفيش ثبات و لا اية حاجة و كويس انها و قفت اصلا
تانى تجربة ب fiat 127 1050cc و دى بجمع بيها على الرابع لغاية 145 و هيا ثابتة فى الغرز و الطرق النضيفة انما لو جت تحت الكاوتش زرة تراب بتعوم العربية و ممكن لة دوست فرامل جامد شوية تاخودنى و تنزل برة الطريق
من ناحية بحس بأية بحس انى عملت حاجة وهمية احساس رهيب اصلا ان الواحد يجرى بعربيات قديمة و يخاطر بيها و تحس بعد اما تقف ان جسمك كلة زى الى بيرتعش من كتر الادرينالين الى فية
و سبب الجرى تهور شباب و حب فوق العادة او مش حب دة ادمان على السرعة العالية و الجرى و المخاطرة

رد: كم أكثر سرعة مشيت عليها؟؟؟

اقصى سرعه مشيت عليها كانت 180 كم وانتهت بطصادم وكانت فى الكويت بسياره تيوتا وربنا ستر والحمد لله اخر السرعه ضمارفاحظروها .