رد: رحلة مع عضو من اعضاء احنا اسفين يا ريس
 

يا حبيبي انا من الناس اللي خلوك بتعرف تكتب وتشتم براحتك دلوقتي
لاني يوم 25 و 28 يناير كنت مرمي في التحرير وبالدليل لاني كاتب ومصور كل اللي حصل ومنزله في موقعي صوت وصورة
شوفت انت ايه بقى وانت في بيتكوا؟
نفسيتي بتتعب اذاي وانا عشت الايام دي
واضح انك ما بتعرفش تقرا الا كلامك
ياريت تراجع اول رد ليا وبعد كده اكتب اللي انت عايزه

انا حاسس بكسفتك بعد ما اتهمتني وطلع اتهامك باطل
بس لو عندك شجاعه كنت اعتذرت

تجميع ايه وهو انت اساسا اضفت حرف
انت ناقله كوبي وبست


وهو احنا اساسا نسينا .. انت محسسني انك ناقل تاريخ نابليون اللي عدى عليه قرنين
انت اتولدت لقيت واحد اسمه مبارك وكلنا عيشنا الايام السودة دي
انا اتولدت لقيت اللي قبل مبارك
وعلشان كده لما تيجي تتكلم مع الاكبر منك سنا لازم يبقى فيه شويه ذوق
لانك مش مجرد عضو - المنتدى مديلك لقب
وللاسف انت مختص بالشكاوي
وانا مش عارف لما تكلمني بسخريه ذي ما عملت اشتكيك لمين ؟!!
لكن انا اقدر اخد حقي تالت ومتلت بلساني لكن لا اخلاقي ولا سني يسمحوا بده
ياريت تتعلم ان الاشراف او تكليف المنتدى بيفرض عليك طريقه معينه في التعامل مع الاعضاء
انا عندي في موقعي 30 مشرف ذي حضرتك لكن مش ذيك طبعا والحمد لله

وياما نزلت مواضيع اصعب من دي وياما انتقدت حكم مبارك وحكومته وكله عندي بالدليل
وكنت بعمل ده اثناء حكم مبارك لاني كان عندي من الشجاعه اللي تخليني اعمل ده
لكن ما بعد مبارك ما دخلص القفص ما كتبتش عليه نص كلمه
الشجاعه هي انك تقف اودام الاسد وهو خارج القفص
لكن دلوقتي كل الناس والاعلاميين والسياسيين بيركبوا الموجه وكله لبس توب المعارض والفدائي .. وده بس علشان الاسد في القفص

فكرتني بالنكته بتاعت الفار اللي شرب كاسين وطلع ينقط في فرح وقال الاسد هايطلع عين امه النهارده

كنت اتمنى ان الانسان اللي تعب في تجميع كل البلاوي دي واللي احنا حافظينها عن ظهر قلب لاننا عايشنها ولسه بنعيشها .. انه يتعب ويعمل موضوع يعلم فيه الناس اذاي تحب البلد وتفيد مصر ووقتها هايبقى موضوعه مفيد وهايكسب فينا كلنا ثواب

تحياتي

رد: رحلة مع عضو من اعضاء احنا اسفين يا ريس
 

نسيت حاجة مهمة
وهي ان ال 23 مشاركة واللي انت اتهمتني بسببهم انهم مشاركات شكر ونفاق في مبارك
وفي النهاية اكتشفت انهم مشاركات طلب خدمات من الاعضاء
فعلا هي مشاركات ومواضيع طلبت فيها مساعدة الاعضاء والمشرفين وبجد انا استفدت من خبراتهم ومن احترامهم
ولقيت ان المنتدى ده افضل من منتديات تانية متخصصة في السيارات بسبب تعاون الناس وسرعتهم في الرد واهتمامهم
وانا اسف اني دخلت موضوع مالوش علاقة بالسيارات واللي انا اساسا مسجل بسببها
اوعدك مش هادخل مواضيعك تاني طالما الراي المخالف بيزعلك
وهاكتفي بتصفح المواضيع المتخصصة في السيارات لانها مفيدة ومحترمه وبتفيد ناس كتير
واتمنى ان ردي ده يكون اخر رد ليا في الموضوع ده
خالص تحياتي للجميع
واسف لو كان ردي ضايق حد
وشكرا لكل من رد عليا في موضوع طلبت فيه مساعدة

رد: فازة الورد فيها ايه عندك
 

انا الحمد لله عندى ست فازات فى الشقه وحوض ورد متعلق فى البلكونه كلهم مليانين سماد وطين وكلهم متشجرين بنبات زينه وورد . بس ملاقيتش اى حاجه من الى بتقول عليهم دول . طيب انا هبقى كل شهر كده ولا حاجه ابص عليهم يمكن الحكومه بتاعتى تشيل حاجه من الحجات الى انت بتقول عليها ديه يا كورسير فيهم :w6w200504112245306e
حبيبى يا كورسير والله انت دمك زى الشربتات والحلويات والمنجهات ROSE4Uخد بقى الورد ده عندك فاظه هههههههههههROSE4U

رد: فازة الورد فيها ايه عندك
 

رد: إشكر زوجتك عندما تصنع لك الطعام و لا تقل إنه واجبها