مصر موتورز مجتمع السيارات - شركة قناة السويس للتامين عروض تامين السيارات متميز جدا

مصر موتورز مجتمع السيارات (https://www.masrmotors.com/vb/index.php)

- عالم تأمين السيارات (https://www.masrmotors.com/vb/forumdisplay.php?f=61)

رد: شركة قناة السويس للتامين عرض تامين متميز جداا

الاستاذ المحترم عمرو أحمد
انا اسف لم ارد عليك لانى كنت مسافر فى العيد و كل سنة و حضرتك طيب
انا فعلا قرأت الصفحة الثانية ووجدت فيها كل اللى حضرك قلته بالضبط
انا شاكر جدا جدا لاهتمام حضرتك الكبير و شرح الموضوع باستفاضة
معلش هاتقل على حضرتك بسؤالين :
1-هل الشركة تقبل الصلاح فى توكيل نيسان (الوثيقة بدون تحمل)؟
2-ما هو ايصال السداد ؟هل هو الخطاب الموجه الى البنك المذكور فيه ان الوثيقة رقم كذا مسددة بمبلغ كذا(ورقة عادية مختومة بختم الشركة)؟ أم هو ايصال صغير أحمر؟لأن المعرض أعطانى صورة الورقة الموجهة للبنك فقط؟ برجاء الشرح باستفاضة .
ولحضرتك جزيل الشكر و لشركتكم المحترمة.

رد: شركة قناة السويس للتامين عرض تامين متميز جداا

اقتباس:

المشاركة الأصلية كتبت بواسطة khaledtawab (المشاركة 245746)

السلام عليكم استاذى العزيز khaledtawab و كل عام و انت بخير و الف حمد لله على سلامتك من السفر اتمنى انك تكون قضيت اجازة سعيدة

1- الشركة تقبل بالاصلاح فى التوكيل لاى سيارة و ليس نيسان فقط لكن اتبع الاتى عند اى اصلاح تبع التامين
- تودى السيارة التوكيل و تخبرهم بعدم بدء الاصلاح الا بعد معاينة خبير الشركة
- طلب عمل مقايسة و لو امكن خد منها صورة
- تروح مقر الشركة فى المهندسين و تعمل اخطار حادث مرفق معة صورة من رخصة القيادة و صورة من رخصة السيارة و ان وجد صورة المقايسة
- الشركة هاتبعت الخبير و يعتمد المقايسة و التوكيل يشتغل
- هاتدفع بعد الاصلاح فى التوكيل و تجيب فاتورة السداد فىالتوكيل و التالف ان وجد و تسلمهم فىالشركة و بعد كدة يطلعلك الشيك

2- بالنسبة لموضوع السداد هوة فعلا جواب على ورق الشركة مختوم مبين فيها للسادة بنك كذا نعلمكم ان الوثيقة رقم كذا و باسم / كذا مسددة نقدا و بالكامل و لصالحكم بداية من تاريخ كذا الى تاريخ كذا و المعرض اداء صورة لان البنك بياخد اصل الوثيقة و اصل جواب السداد لان البنك مش هايقبل الوثيقة من غير جواب السداد و لا تقلق المعرض لازم يسلم اصل الوثيقة و جواب السداد

رد: شركة قناة السويس للتامين عرض تامين متميز جداا

المحترم الأستاذ عمرو أحمد
ألف شكر لحضرتك
وربنا يخليك فى عون أعضاء المنتدى دائما
و جزاك الله خيرا

رد: شركة قناة السويس للتامين عرض تامين متميز جداا

ممكن اعرف النسبه كام دلوقتي ومبلغ التأمين لل لانسر 1300 منوال 2008 تقريبا

رد: شركة قناة السويس للتامين عرض تامين متميز جداا

استاذ عمرو معلش عندى سؤالين:
هل الوثيقة تغطى ما يسمى المسؤولية المدنية تجاه الغير؟
هل لازم اعمل محضر شرطة فى جميع حالات الحوادث؟
ولكم جزيل الشكر

رد: شركة قناة السويس للتامين عرض تامين متميز جداا

اقتباس:

المشاركة الأصلية كتبت بواسطة khaledtawab (المشاركة 247222)

السلام عليكم اخى العزيز الوثيقة تغطى الموسؤولية المدنية ب 10000 بحد اقصى و لا بد فى هذة الحالة عمل محضر شرطة

اما فى الحالات العادية اذا تعدت تكاليف الاصلاح 10000 جنية يتم عمل محضر شرطة اما دون ال 10000 لا يحتاج عمل محضر

رد: شركة قناة السويس للتامين عرض تامين متميز جداا

اتمنى انى اكون وصلتلك المعلومة