رد: رابطة مالكى الاكسل
 

شكرا جزيلا لاهتمام حضرتك
ظرف الاويل سيل تقريبا خلف سير الكاتينه او جوه طلمبة الزيت بصراحه مش قادر اوصف بالظبط المهم هو ليه علاقه بتسريب الزيت عفوا خبرتى محدوده

رد: رابطة مالكى الاكسل
 

السلام عليكم ورحمة الله وبركاته
الحمد لله اشتريت سيارة اكسيل 94 مانيول بس فيها بعض الاشياء عاوز اعرف هعمل فيها ايه ويا تري الميكانيكيه بيشتغلوني ولا ايه
1- الميكانيكي قالي العربيه طالما اشتريتها مستعمله لازم تغير زيت وفلاتر وبالفعل غيرتهم واخدت قراية العداد
2- قالي لازم اغير السيور سير التقسيمه والدينامو
3-قاللي العربيه خشنه شويه وده بسبب الرلمان بلي فيه خشونه ولازم اغير كل الرمان بلي بتاع العربيه
3- العجله اليمين والشمال قدام فيها رجه كده لما يمسكها بايده فقاللي عاوزه عفشجي يبص عليها وبالفعل رحت للعفشجي وقاللي عاوزه تيش اسكترا ؟؟؟ وممكن تكون عاوزه حاشو بس لازم ارفعها واقولك كل اللي فيها
4- نور التابلوه والعربيه بيكون واطي واول مادوس بنزين النور بيعلي وكمان عوامة البنزين بتكون حوالي 70 % والعربيه بتكون مفوله وعلي فكره العوامه كهربا
5- لمبة البنزين مسريه ومنوره خفيف شويه
6- العفشجي قاللي انه بعد مايخلص شغل فيها لاوم اظبط زوايا واعمل ترصيص
عاوز رايكم يا جماعه بجد انا مليش خبره خالص في العربيات
وعاوز من حضراتكم الاولويات لاني طبعا لسه شاري العربيه وشطبت علي كل اللي في جيبي فعاوز اعمل الاهم وبعدين شويه اكمل باذن الله ولو حبيت اسافرمسافه تقريبا 400 كيلو العربيه علي وضعها ده تستحمل سفر ولا لأ وايه الحجات اللي لازم ابص عليها قبل مسافر مشاوير طويله
وانا شاكر لحضراتكم جدا

رد: رابطة مالكى الاكسل
 

رد: رابطة مالكى الاكسل
 

الف شكر يا دكتور علي المعلومات الرائعة دي وبعد اذن حضرتك باذن الله بعد ما اظبط العفشع واغير السيور ممكن اسافر بالعربيه مسافات كبيره 500 كم مثلا وبعد كده اريح يومين وارجع المسافة دي تاني ولا العربيه مش هتستحمل سفر
وسؤال اخير واسف للاطاله يا دكتور محمد لما بشغل المارش ممكن احيانا يحصل جعره في الموتور بس لما بشغل تاني الموتور بيشتغل , وهل لازم اغير البوجيهات ولا لأ

رد: رابطة مالكى الاكسل
 

ان شاء الله مفيش مشكلة وتسافر اكتر من المسافة دى وكده ولا كده انت لازم تطمن من العفشجى ( على اساس انه أمين) قبل ما تسافر
صوت الجعره ده والله اعلم من ترس المارش ( تقريبا سمه ترس البندكت) مش من الموتور
طول ما سحب الوتور معاك كويس مفيش داعى لتغيير البوجيهات وعموما طقم بوجيهات يابانى واحد شمعه حوالى 25ج

رد: رابطة مالكى الاكسل
 

السلام عليكم
لما باب بيكون مفتوح او مش مقفول كويس بيظهر علامه حمرا فى ا لطابلوه عندى الا الباب الشمال ورا يا ترى ده ايه
ولكم جزيل الشكر<!-- google_ad_section_end --> <!-- / message -->

رد: رابطة مالكى الاكسل
 

دكتور محمد
ازيك يا باشا , انا رحت جبت سير التقسيمه وسير الدينامو من توكيل هيونداي بالاسكندريه بس كان اغلي من كده بكتير كان ب 110 وسير الدينامو 70 والصناعه كوري وكان من توكيل غبور
فايه راي حضرتك فالاسعار دي مظبوطه ولا انا اضحك عليا
اما بالنسبه للجعره فرحت عند كهربائي وقاللي لازم تروح لميكانيكي عشان ده من ترس الفلام عاوز يتغير وانه مش بيتقلب فلازم اجيب غيره فهل هو فعلا مش بيتقلب ويركب تاني ويا تري سعره كام بس طبعا انا مش هجيبه من التوكيل لاني اتروقت في السيور .