رد: مصر تبهر العالم وتخسر بشرف أمام البرازيل بكأس القارات
 

انا مكنتش متوقع خالص ...
خصوصا بعد الجون التالت 3-1 .. قلت بس حنشيل تلاته كمان الشوط التاني ... والماتش يخلص 6 -2
لكن جونين ورا بعض ولا اروع ...
مش مشكله اننا اتغلبنا في اخر دقيقه ... لكن اتغلبنا بشرف .. و احرجناالبرازيل جامد ...
عقبال الباقي ...
دلوقتي ايطاليا و امريكا حيحعملو حسابهم لينا ... يعني مفيش استخفاف ..
وياريت يفضل الاداء بالقوه و الاصرار ده ..
وربنا يستر ...

رد: مصر تبهر العالم وتخسر بشرف أمام البرازيل بكأس القارات
 

نسبة استحواذ المنتخب على الكورة كانت 53% ودي نسبة تاريخية
ماعتقدش ان فرنسا لما كسبت البرازيل سنة 98 في نهائي كأس العالم
ما عتقدش أبدا انهم مسكوا كورة ولا لعبوا على الأرض زي ما لعبنا.......

دلوقتي بقى يا ريت طيور الظلام من اشباه شوبير وعلاء صادق والأشكال دي أنا شايف انهم يدخلوا جحورهم ويقفوا انتباه من حديد لمنتخب أسعد الملايين تحت قيادة معلم ومايسترو الكرة المصرية (حسن شحاتة)

واني ليحضرني قول شاعر الجيل تامر حسني: (ودماغك يا شوبير....خليها تاكلك)

رد: مصر تبهر العالم وتخسر بشرف أمام البرازيل بكأس القارات
 

انا كنت هتجنن لما كنا متعدلين معاهم احساسي ميقدرش يوصف انا كنت هنط من الدور ال 10 من كتر الفرحه مصر والبرزيل 3-3 كانت مفاجاة من العيار الثقيل بس مكملتش بقي

و ربنا يسهل و نعوض في ماتش ايطاليا و امريكا

و ممكن نخسر من امريكا بظروف سياسيه ههههههههههه

رد: مصر تبهر العالم وتخسر بشرف أمام البرازيل بكأس القارات
 

لأ يا دكتور حرام عليك والله
تغييرات شحاته امبارح كانت للتاريخ

أحمد عيد عبد الملك غير الماتش كله ورحمنا من البطئ الشديد لأحمد حسن وأعاد للمنتخب بريقه وشبابه
واللي أكتر من كده انه استطاع بمهارته أنه يحرج لاعبي البرازيل ويهز ثقتهم في أنفسهم وده كان مفتاح تغلبنا عليهم طول الشوط التاني

وكمان نزول المحمدي كان علشان يستفيد من احمد فتحي في نصف الملعب على حساب واحد من الاتنين حسني عبد ربه أو محمد شوقي وخصوصا انهم كانوا ارهقوا تماما لأنهم كانوا شايلين الماتش على اكتافهم وبذلوا مجهود خارق
_أما بخصوص اللخبطة اللي حصلت فالمعلم أصلا كان عايز يخرج حسني وينزل المحمدي
لكن لما لقى شوقي عنده اصابة انتظر شوية علشان يشوفه حيقدر يكمل ولا لأ لما لقاه حيقدر أشار باجراء التغيير

أنا رأيي حسن شحاته بعد اللي عمله امبارح ياخد جايزة نوبل في التدريب.....روعة ربنا يارب يخليه لينا ويبعد عنه الحاقدين ورابطة كارهي الحضري اللي وصلت بيهم الوقاحة في ماتش الجزائر والبرازيل انهم يشجعوا الفريق المنافس تحت شعار (البس يا شحاتة عشان تبقى تلاعب الحضري)......حقيقي أشكال ضالة

رد: مصر تبهر العالم وتخسر بشرف أمام البرازيل بكأس القارات
 

انا عندى الماتش ده

اكنينا دخلنا كاس عالم

خلاص مش عايز حاجه تانى .........!!!!!!