|
|
رد: أدب الرحلات
اقتباس:
وانا كمااااااااااااااااااااااا ان |
رد: أدب الرحلات
ههههههههههههههههههههههههه هههههههههه
حرام عليك يا عم خالد ده احنا بنلصم ابو حميد بالعافية ههههههههههههههههههههههه انا اهو وانتا اهو لو ابو حميد مرحش عمل لجؤ سياسي في مطروح بس ايه ساعتها لو فكر يخلع منها هيلاقي البدو هناك بيدلعوه |
رد: أدب الرحلات
نكمل مع مطروح
1- كنت رايح مطروح وراكب الاتوبيس يتاع غرب الدلتا وجينا داخلين على كمين سيدى عبد الرحمن ولقيت سواق الاتوبيس بدل م يلف حوالين الحواجز متفهمش ايه اللى حصل و دخل على الحواجز طيرها وكانت اول مرة اكتشف ان بيبقى فى الأرض ورا الحواجز دى شوكة حديد طويلة ليها اسنان رهيبة تاكل اتخن كاوتش وقد كان الكاوتشين ضربو والحواجز طارت والاتوبيس دخل فى كشك الشرطة و مال على الجنب اليمين وانا كنت قاعد فى الناحية الشمال فلقيت نفسى طالع لفوق وببص من الشباك ولقيت كذا واحد موجهين المسدسات وبيزعقو سلمو نفسكو ببص ملقيتش حد غيرى باصص من الشباك وكله متكوم على بعضه جوه الاتوبيس اتارى العساكر والظباط افتكروه هجوم وحطو ايديهم على مسدساتهم وصوبوهااناحيتنا فانا بقول لهم فى ايه لقيت الظابط بيقول ارفع ايديك انا / رفعتها (وروحت رافع ايدى ) ممكن اعرف فى ايه فلما حس اننا مش عارفين حاجة و فى ناس بتصوت وتصرخ فهم اننا ملناش ذنب ودخل الاتوبيس بحذر لقى كله متكوم ماعدا واحد اللى هو سعادتى متشعبط فى الشباك ولقى السواق مغمى عليه فيييييييييييييييييييييييي ييييييييييين على م استوعب ان مفيش هجوم اتاااااااااااارى حسنى مبارك بسلامته كان هناك و رافعين الحالة الأمنية وبعدين ابتدا يخرج الناس (يساعدهم على الخروج) وبيدور على السواق لقاه مغمى عليه بيبص عليه لقى السواق بينطق بالعافية وعرقان فانا كنت طبعا خرجت من الاتوبيس فقلت له ده عنده غيبوية سكر(لان والدى عنده السكر وفاهم اعراضه) هات له شوية عصير او مية بسكر وطبعا كان فى ناس من الركاب معاهم عصير اول م شرب فاق وقعد يخرف فى الكلام (حصل ايه) فى ايه فيييييييييييييييييين على م فاق وفعلا قال انا حسيت السكر ابتدا يرتفع وانا فى الضبعة وبدور ف جيبى م لقيتش اى ملبس او حاجة حلوة وحاولت اقاوم لحد مطروح لكن مقدرتش طب ياعم مطلبتش من الركاب ليه قال /مجاش ف بالى الله يسامحك ياشيخ |
رد: أدب الرحلات
لازلنا فى مطروح
كنت فى محل ودخل واحد صديق صاحب المحل فقال مين الاستاذ فقال ده تاجر عطور وصديق شخصى وراجل محترم فسألنى (صديق صاحب المحل) انت منين فقلت /الاقامة فى القاهرة والاصل صعيدى فقال / صعيدى ؟؟؟؟؟ اعوذ بالله فقال /صعيدى منين فقلت / من اسيوط فقال / اسيوط ؟؟؟؟؟؟؟؟؟ اعوذ بالله منين فى اسيوط فقلت وانا بضحك / اعوذ بالله من مركز ابو تيج فقال /فعلا اعوذ بالله ومنين هناك فقلت وانا ابتديت ازهق / من قرية اسمها البلايزة ناس طيبين كده فقال / البلايزة طيبيبن ؟؟؟؟؟؟؟ اعوذ بالله اعوذ بالله اعوذ بالله فصاحب المحل ضحك وسأله / ايه ياعم خف عن الراجل شوية يعنى انت تعرف البلايزة فقال طبعا اعرفهم انا من البلايزة من عيلة كذا (بعد كده عرفت انه ابن خالى من بعيد ابوه ابن عم والدتى) فانا قلت/ اعوذ بالله فصاحب المحل بقى يضحك يضحك يضحك لحد م وقع على الارض |
رد: أدب الرحلات
حكاية 5 دقايق
تصورو 5 دقايق بهدلتنى اد ايه والحكاية كنت مسافر مطروح فى الشتا وفى الشتا مطروح ملهاش غير اتوبيس واحد اعتقد بيقوم من ألماظة اعتقد 10 بالليل او 7 صباحا مش فاكر والميعادين غير مناسبين لانى مفروض اكون هناك 10 بالليل بالكتير المهم فركبت قطار الساعة 3:30 العصر وده معاده 6 بالدقيقة سيدى جابر ونادرا ما يتأخر واذا اتأخر بيتاخر 5 دقايق بالكتير (طبعا ده فى عهد الوزير المحترم عصام شرف قبل م يخربها منصور شيفروليه) وطبعا كنت حاسب حسبتى انه حتى لو اتأخر هيتأخر 5 دقايق وموقف الأتوبيس جنب محطة سيدى جابر ( قبل مينقلوه محرم بيه)وكده كده هنلحقه ان شاء الله لكن حدث مالم يكن فى الحسبان راكب اتخانق مع الكمسارى واخرو القطار 5 دقايق ونزلت اجرى من سيدى جابر على الاتوبيس ولقيته ماشى ادامى وجريت وراه لانى عارف انه محتمل انه يتعطل فى سموحة ( تبعد عن سيدى جابرنص محطة اتوبيس)وبعد مسافة من الجرى والشنطة معايا لقيت نفسى مش عارف الحقه فقلت خلاص ناخد اللى وراه طيب ده بيقوم 6 اللى وراه بيقوم كام سألت فى المحطة فقالو 7 قلت ياواد فرق ساعة زى بعضه م انت عامل حسابك فى الوقت لكن فوجئت ان اللى قبله سريع بيطلع اسكندرية مطروح بدون م يفوت على الموقف فى محرم بيه ولا بياخد استراحة وبياخد 3 ساعات فى الطريق لكن اتوبيس 7 بيروح الموقف بيقف فيه ساعة الار بع وبيريح فى السكة فى كافتيريا فى الضبعة بياخد فيها نص ساعة جزيت على اسنانى من الغيظ وسكتت وبدل م اوصل مطروح 9 بالليل وصلت 11 ونص وطبعا على م خلصت شغل بقت الساعة 2 واخدت تاكسى وجريت على موقف الاتوبيس وبسأل على اتوبيس الساعة 2 اللى بيطلع على القاهرة فقالو مشى ومفيش غير 7 صباحا بعد كده طبعا بقى أمر واقع وفضلت ملطوع فى المحطة لحد 7 صباحا ثم كانت المفاجأة فى اكتوبر معاد 7 صباحا مبيطلعش المحور وانما بيدخل شارع الهرم (طبعا لو ركبت اتوبيس 2 كنت وصلت التحرير 6 ونص صباحا لانه بيدخل المحور ومبيريحش) لكن معاد 7 بيريح على كافتيريا فى السكة نص ساعة ودخل شارع الهرم وبقى يعك ويعجن فى الطريق لميدان الرماية ثم فى شارع الهرم والزحام فى الهرم رهيييييييب ووصلنى ميدان التحرير 3 ونص العصر هل حد ممكن يصدق ان 5 دقايق تفرق فى العودة 9 ساعات كاملة ؟؟؟؟؟؟!!!!!!!! |
| الساعة الآن 05:48 AM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017