المشاركة الأصلية كتبت بواسطة cars admire (المشاركة 540020)

ايه التغييير المفاجئ دا
اغيب و ارجع الاقي كار ادمير بيكتب و كمان بالعربي
لا لا لا مش متخيل و مش مصدق عيني
ايه السبب للتغيير دا ؟؟:)
عموما يا باشا حقك عليا

ده فى المناسبات اللى زى ديه بس بكتب عربى !!!
:129E17~143::129E17~143:: 129E17~143:

المشاركة الأصلية كتبت بواسطة dr.wael7yran (المشاركة 540507)

شوفي يا افندم ..
انا هوقلك رأي الطب ..
دي اسمها فترة المراهقة ..
و هي فترة صعبة جدا و ربنا يقدرك عليها ..
و العقاب في الفترة دي صعب جدا ..
و بيحسس ولاد حضرتك بالظلم و الغضب الشديد ..
و المرحلة دي مرحلة المساومة من الاخر ..
هتاخد مني حاجة يبقى تديني حاجة تانية بدلها ..
و انا بقترح على حضرتك كذا خطوة تعمليها و ان كنت انا متأكد انك عملتي كده و اكتر من كده ..
اولا : اقعدي معاهم قعدة اصحاب .. و كلميهم بالذوق و حركي مشاعرهم ناحيتك .. يعني موش انا ماما اللي بتخاف عليكم و انا قصدي يعني اخنقكم و لا اضايقكم انا عايزة مصلحتكم و حاولي تخلى القعدة دي على صورة اسئلة .. يعني موش انا بحبكم ؟ عمري اكرهلكم الخير ؟
مطلوب منك تحركي مشاعر الرجولة جواهم ..و متتصيديش ليهم الاخطاء و سيبهم هم اللي يعترفوا انه ده غلط ..
و وضحي المشكلة بعقلانية و فهميهم كويس اوي انه ده لمصلحتهم هم ..

أولا اشكرك جدا جدا يا دكتور على الاهتمام ربنا يبارك لك
طبعا لا اخفى عليك عملت 99% من الكلام ده و الله بس زى ما حضرتك اشرت ( انت عارف عقاب الامهات ) و انا بالذات ضعيفة جدا مع اولادى ولو زعلت من واحد فيهم انسى انا كنت زعلانه من ايه بعد 5 دقائق و هذا يمكن لان ربنا اختبرنى اختبار شديد فى اخوهم الكبير اللى كان زمانه دلوقتى طالب فى الجامعه والحمد لله على كل شئ
ثانيا : اتفقي معاهم اتفاق رجالة على عدد محدود من الساعات على اللعبة دي و اتركي ليهم هم حرية اختيار العقاب ..
و حطي درجات .. يعني لو كسرتم القواعد .. نتحرم من المصروف .. منفعش .. منخرجش يوم الخميس .. منفعش .. نقطع النت .. منفعش .. منفعش ..
و سيبوهم هم اللي يحددوا بس من غير ما يضحكوا عليكي ( ما انا عارف الامهات )..
و خليكي واضحة و حازمة في تنفيذ هذه العقوبات ..
زى ما قلت لحضرتك لم اتمكن من اتفاق رجالة معهم لدرجة اننا عملنا (عقد مكتوب كتابيا ) و كان ناقص نوثقه فى الشهر العقارى ببنود الالتزام بالمذاكرة - الصلاه - عدم الشجار سويا برغم ان والحمد لله كل واحد له جهاز منفصل درئا للمشاكل
النوم مبكرا و عدم السهر ووووووووووو:fun_36_1_39[1]:
لا اخفى عليك سرا ولا التزام بمواثيق او عهود

ثالثا : لو خدوا الموضوع تهريج قبل ما تلجأي لوالدهم عاقيبهم عاطفيا .. وده بيأثر جدا جدا جدا و على عكس توقعاتك .. يعني شوية خصام و يا سلام كده لو دمعتين ..
بجد هيتأثروا ..

طبعا النوع ده من العقاب ده لعبتى بس بصراحة بيحاولوا يوفوا بوعودهم بس مش بيقدروا و يقعدوا يتحايلوا على اسامح و لا اشتكى كل شئ لبابا
وده لان بابا خصامه صعب و عقابه اصعب
بس بيصلحوا نفسهم بسرعة ونجلس على المكاتب
قبل ميعاد بابا 5 دقائق :12BF86~159:
و بصراحة اخاف اخبى عليه كل مرة حتى لا اكون انا سبب افسادهم وطبعا معروف كلام الآباء
للامهات و انا اخلى مسئوليتى افضل :125935~148:
رابعا : مفيش عقاب يدوم لاكتر من اسبوع ابدا لأن ده هيعلمهم حاجات تانية اوحش .. يعني الحرمان من المصروف موش اكتر من يومين .. و الخروج اسبوع او اسبوعين ..
و متفقديش الامل ...
و متزعقيش .. الزعيق موش بيجيب نتيجة ..
موضوع عقاب المصروف و خلافه ده طبعا مع بابا و سبحان الله حاجه تحير لو عمله بابا يتهمونى
ان انا السبب لانى اشتكيت لبابا و ابقى انا الملامه منهم و من بابا كمان بالمرة:joy23:
و حاولي تفكري في حاجة مفيدة تشغلهم اكتر من اللعبة زي الذهاب الى الجيم مثلا او تعليم الجيتار او تعليمهم السواقة .. حاجة تغيري بيهم نمط حياتهم ..
و ربنا يستر عليهم اللعبة دي جننت ناس دكاترة زمايلي و سابوا شغلهم و مذاكرتهم و قاعدين عليها 24 ساعة في ال 24 ..
و ربنا معاكي..