رد: رابطة مالكى الاكسل
 

الف شكر علي الرد

رد: رابطة مالكى الاكسل
 

السلام عليكم
حضرتك من المنصورة يا دكتر محمد
انا اخوك وائل من المنصورة
يا ترى ممكن اعرف حضرتك بتتعامل مع ميكانيكي وعفشجي مين هناك
وياريت لو يكون لهم علاقه بالاوتو ماتيك
والعربيه واقفه والكونتاكت شغال بسمع صوت كركره من الخلف ولكن بعد لما امشي بيها الصوت بيروح والماتور سحبه كويس الحمد لله ؟ وكمان سحبها بطيئ لحد لما اوصل مثلا لسرعه 40 كم على عكس ما كنت بسوق ع المانيوال هل ده عيب شائع فى الوتوماتيك ولا دى حاله خاصه بيا
وكمان بتعمل 140 كم فى الصفيحه داخل البلد بدون تكييف
(اكسيل 1500 مو 94 اوتوماتيك )
واسف للاطاله

رد: رابطة مالكى الاكسل
 

أخى العزيز وائل أهلا بيك
انا من بلقاس بس بتعامل مع عفشجى موجود فى شارع متفرع من شارع عبد السلام عارف اسمه مصطفى وده رقم موبايله 0165600248 وانت جاى من كوبرى السلام ورايح الترعة هتلاقى مسجد جديد وبعديه على اليمين بشوية محل عطارة هو فى الشارع اللى محل العطارة على ناصيته
الميكانيكى اللى بتعمل معاه هنا من بلقاس بس سافر السعودية الأسبوع اللى فات فلسه بشوف ميكانيكى تانى
الصوت مقدرش افيد حضرتك فيه الا لما اسمعه حاول تسمعه جاى من الموتور ولا الفتيس ولا من بكرة سير
المعدل اللى حضرتك بتقول عليه انا هقول لحضرتك العربية عندى بتستهلك حوالى 210 كيلو /صفيحة ومعظم مشى بره البلد يعنى مجربتش اشوف الاستهلاك جوه البلد اد ايه لكن لما بمشى بيكون بره وجوه ( مختلط يعنى ) الاستهلاك بيكون حوالى 180 كيلو /صفيحة
جرب تملا التانك لحد الزور ( تملاه كويس) واصبر عليه لحد آآآآخره وبعدين امشى كام يوم وعيد نفس التجربة دى اضمن طريقة علشان تحسب الاستهلاك مظبوط

ولا داعى للأسف يا باشا مفيش اطالة ولا حاجة

رد: رابطة مالكى الاكسل
 

انا نفسي في ميكانيكي يكون ممتاز بمعني الكلمة وخبرة وامين مش بتاع شغل ويكون متخصص في الهيونداي لاني اتخنقت من كل الصنايعية

رد: رابطة مالكى الاكسل
 

السلام عليكم
للاسف كرتيرة الزيت عندى اتشرخت فلحمتها وغيرت ظرف اللونسيه
فكنت عاوز اسال عن سعر طلمبة الزيت وعن سعر قواعد الماتور والفتيس ومصنعية تركيبهم ومين اللى يركبهم العفشجى ولا الميكانيكي علما بان السيارة اتوماتيك
ومعلش سؤال اخر بما ان الاكسيل قريبة من الارض وانا سواقتى هاديه وبحاول اخد المطبات ع الهادى على اد ما اقدر بس قدر الله ماشاء فعل العربيه بتحف منى فى المطبات ةشرخت الكرتيره بتاعه الزيت ؟؟؟؟؟؟؟؟؟ وبحس بحفه ورا ناحية العجله اليمين ؟؟
هل يوجد طريقه معينه فى السواقه لتفادى وطو الاكسيل وقربها للارض وتفادى المطبات وخصوصا الصعبه ارجو الافاده لتعم الفائدة<!-- google_ad_section_end --> <!-- / message -->

رد: رابطة مالكى الاكسل
 

فين الردووووووووووووووووووودد دددددددددد

رد: رابطة مالكى الاكسل
 

شوف لو حضرتك بتشيل وزن زائد فى العربية ومش ضرورى فحاول تتخلص منه واكشف على اليايات والمساعدين لأن لو الياى ضعيف العربية بتوطى وبالتلى تصبح اقرب للأرض اكتر ما هيه واطيه
لو كل حاجة تمام مفيش حل الا ان حضرتك تاخد المطب بالورب يعنى تدخل على المطب بزاوية مايلة وتاخده عجلة عجلة مش بالعجلتين مرة واحدة
الفتيس العفشجى بيشتغل فيه والميكانيكى بيشتغل فيه وطالما حضرتك هتشتغل فى قواعد موتور يبقى الميكانيكى يعمل ده والفتيس
بالمناسبة ايه ظرف اللونسيه ده ؟؟؟؟