|
رد: عرض خصومات ابوغالى (على المصنعيات وقطع الغيار)
اقتباس:
برجاء اعادة التأكيد من مقدمى العرض على هذه الخصومات وتوضيح نسب الخصم لكل ماركه ( هيونداى - شيفروليه - .... ) انا شخصيا عندما حجزت موعد لصيانه ال 5000كم (من حوالى 3 شهور ) وسالت عن هذا العرض ، كان الرد بان العرض انتهت مدته . وللامانه فان مركز ابوغالى العبور محترم جدا والخدمة جيده ويهتمون باى طلب للعميل (هذا معى حتى الان ) ، تقبل فائق احترامى |
رد: عرض خصومات ابوغالى (على المصنعيات وقطع الغيار)
يا جماعة انا عايز بس اوضح حاجة مهمه اوى اوى
وارجو ان كل الناس تركز معايا شويه وتفهم بالظبط كل اللى اقصده مش جزء وجزء اولاً العروض ديه احنا مش بنكسب منها حاجة ولا يهمنا فى الموضوع غير اننا نقدم خدمة لاعضئنا بشكل متميز اولاً ثم بسعر مناسب خدمه مميزة ديه يعنى العميل يتخدم صح وياخد حقه فى الشغل تمام التمام ويكون فيه خدمه جيدة ومتابعه وضمان لقطع الغيار وووو وطبعاً لما اى حد مرة تانيه بكرر اى حد مهما كان حجمه من اصغر ورشه لاكبر توكيل مقدمش لاعضائى خدمه مميزة او يخل بالجوانب الفنيه للخدمه انا اول واحد هخاطبه وهنحقق فى الموضوع وهيتنشر تفاصيل التفاصيل ونلزمه باصلاح المشكله او احنا اللى هنلغى العرض مش هما طيب الحاجة التانيه بقى موضوع السعر المناسب مش بقول الاقل لأن لو الاقل كنا نعمل مليون عرض مع بنزينات وورش تحت بير السلم وباحسن الاسعار وفيه ناس بتعمل كده فعلاً ولا داعى لذكرهم فانا بطلب من مقدم الخدمه انه يكون معتدل فى اسعاره وانها تكون واضحه قبل بدايه الشغل او من مقايسه الاصلاح او معروفه بشكل ثابت لو هى صيانه دورية وتكون فى نفس سعر الوكيل ان لم تكن اقل والخدمه ان لم تكن زى التوكيل تبقى افضل والحمد لله المركز بشهاده الجميع على مدى السنتين اللى فاتو كان بيقدم خدمه تليق بتوكيل لا فقط مركز معتمد ان لم تكن افضل من التوكيل كمان وبالنسبه للسعر اسعاره زى التوكيل واحياناً اقل كده الاداره براءه فى ما يخص اساس التعاقد نيجى بقى لموضوع العرض انتهى ومنتهاش احنا اى اتفاق يسلتزم اثبات العضوية يستلزم عرض رسمى من الشركة لاعضاء مصر موتورز نصاً وفعلاً ولو حصل ان الفعل خالف النص نرجع للنص العرض غير محدد المدة وموضح فيه نسبه الخصم والخدمات الاضافيه الللى مع الخصم وده منشور فى مستهل الموضوع زى غيره وبالتالى العضو اللى معاه اثبات العضوية يقدر يطبع العرض (ده لو حكمت) ويقدمه مباشره لموظف الحسابات او الخزنه لتفعيل نسبه الخصم ولو مش عايز يعمل كده يقلب الكارت اللى معاه هيلاقى رقم المنتدى يتصل فى ساعتها ويدينا على التليفون المسئول اللى بيمتنع عن تنفيذ الخصم واحنا مسئولين نفعل الخصم او نرد قيمه كارنيه العضويه و نلغى العرض ليه بنقول كده ..؟ لان لازم عضو مصر موتورز يبقى فاهم ان العرض ده مش حاجة بيمن بيها عليه مقدم الخدمه لاء ده عرض بناء على اشتراك مجموعة من المستخدمين فى الخدمه وبناء على خدمة اعلانيه فى الموقع يعنى زى ما بيقدملنا خدمه بنقدمله خدمه والخدمه ديه او العرض حقه ولازم يطالب بيه بوضوح |
رد: عرض خصومات ابوغالى (على المصنعيات وقطع الغيار)
السلام عليكم ورحمة الله وبركاته اولا انا بعتذر عن غيبتى عن المنتدى ,,,,, يا جماعة العرض لسه سارى حتى الان والخصومات لسه موجودة حتى الان وفيه الاسبوع اللى فات 3 من اعضاء المنتدى حضروا لمركز الصيانة واستفادوا بالخصم
بس احب اوضح بس نقطة ان لازم الحجز عن طريقى مش عن طريق خدمة عملاء ابو غالى اى حد عايز يعمل صيانة للهيونداى ارجو الاتصال والحجز عن طريقى ولازم يبلغنى انه تبع مصر موتورز عشان فيه اعضاء اتصلوا بيا وعايزين يحجزوا بس مقالوش انهم تبع المنتدى وكان ردى عليهم ان الحجز مش عن طريقى لازم خدمة عملاء ابو غالى للتاكيد مرة اخرى الحجز عن طريقى فقط وشكرا واتمنى ان اكون عند حسن ظن مصر موتورز وتقديم عروض جديدة ان شاء الله |
رد: عرض خصومات ابوغالى (على المصنعيات وقطع الغيار)
اقتباس:
و دلوقتي المهندس حاتم بيقول الاتصال بيه هو شخصيا و نقله ان احنا تبع مصر موتورز !!!!!!!!!! و كمان طبعا كلامه كله هيونداي بس .. هو العرض مع ابوغالي كل الماركات ليه المهندس حاتم مصررر يتكلم عن هيونداي بس برضة .!!!!!!!!!!!!!! |
رد: عرض خصومات ابوغالى (على المصنعيات وقطع الغيار)
السلام عليكم ورحمة اللة وبركاتة اسف على عدم المشاركة من قبل وخاصة لشكر المهندس حاتم لجهودة مع اعضاء مصر موتورز ان شخصيا روحيتلة بالسيارة الخاصة بى واتصلت قبلة وحجزت يدوب قوالت اعضاء مصر موتورز احل واجب اتعمل زائد المقابلة مفيش بعد كدة الف شكرا يابشمهندس حاتم والى اللقاء فى صيانة الخمس الاف
|
| الساعة الآن 03:17 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017