مصر موتورز مجتمع السيارات - اى سؤال بخصوص اوبل

مصر موتورز مجتمع السيارات (https://www.masrmotors.com/vb/index.php)

- اوبل Opel (https://www.masrmotors.com/vb/forumdisplay.php?f=21)

- - اى سؤال بخصوص اوبل (https://www.masrmotors.com/vb/showthread.php?t=12272)

رد: ارجو الافاده بجد

اقتباس:

المشاركة الأصلية كتبت بواسطة that's me (المشاركة 151004)

معلش انا عارف اني هتعبكم بس ان شاء الله هشتري عربيه قريب جدا و داخل في دماغي اوبل فيكترا 2001 بس انا سامع عنها كلام وحش ياريت اللي تفيدوني فيها و ايه مميزاتها و عيوبها و الثبات بتاعها و الشد و تستحمل السفر الطويل و قطع الغيار و سعرهاكام و كل ده يعني و برضو لانسر 2002( مكواه ) تمنها و عيوبها و اوبل استرا 2004 مش مهم الموديل قديم ولا حديث المهم انها تعيش و تستحمل و اكون مستريح فيها و ياريت اسعار التلات عربيات مستعملين و ياريت تنصحوني كانكم انتوا اللي هتشتروا

السلام عليكم ورحمة الله وبركاته
حضرتك بالنسبة لأوبل فيكترا لو مش هى اللى تستحمل السفر مين اللى هيستحمل حضرتك أنا معايا 98 ومخيط لانسر 2007 وصنى كتير وثبات أحسن من أى يابانى وقطع الغيار موجودة عندك أستيراد وجديد والجديد فى منه كذا درجة بس طبعا الاصلى بيعيش يعنى تركبه وتنساه لان العربية معمرة جدا مميزاتها ملهاش حصر من أول الباور لحد ABS والمفتاح المشفر والايموبلايزر وحاجات كتير جدا من الاخر والله العربية محترمة جدا بس أهم حاجة الحالة العامة للعربية لو كويسة أتوكل على الله وخدها لو تعبانة يبقى بلاش منها واهم حاجة تكشف على التكييف بتاعها . ولو أحتجت أى حاجة فى الفيكترا أنا معاك هنا وياريت حضرتك تقولنا الكلام الوحش الى سمعته عنها وربنا يكرمك يا رب
لكن بالنسبة للاسترا معرفش والله عنها أى بيانات ولا المكواة

رد: اى سؤال بخصوص اوبل

اقتباس:

المشاركة الأصلية كتبت بواسطة acounter01 (المشاركة 151344)

استاذ تيفا
ارجو استشارة فنية
انا معروض عليا عربية أوبل فكترا موديل 97 2000 سي سي اوتوماتيك كاملة بس بصراحة انا خايف اجيبها علشان سمعت ان قطع غيارها نارررررررررررررر وبتجيب وش سلندر كتير وسمعت ايضا ان الفتيس اللاوتوماتيك بتاع الاوبل لو باظ مبيتصلحش وابيع العربية علي عيبها كة هل الكلام دة صحيح ولا اشاعه
خاصة اني معايا دلوقتي دايو لانوس وبصراحة قطع غيارها مفيهاش كلام بس انا عاوز اركب الاوبل
ارجو الإفادة

السلام عليكم ورحمة الله وبركاته
حضرتك الاوبل قطع غيارها مش زى ما الناس متخيلة أنها نار ولو كانت غالية بالنسبة لبعض الناس فهيا معمرة جدا يعنى بتركبها وتنساها بس طبعا مش أسعار الانوس
ازاى بتجيب وش سلندر كتير الكلام دة غلط جدا وملوش اى أساس من الصحة ودة طبعا بيتوقف على الحالة العامة للسيارة ونفس الكلام للفيتيس وهو مش عيب فيها لان الفيتيس كويس جدا وبيعيش بس طبعا كتر الكيك داون والقيادة بالنظام الرياضى طبعا بيهلك الفيتيس لكن والله العربية تحفة
وطبعا لازم تكشف على العربية عند ميكانيكى أوبل عشان تتأكد من حالتها ولو ربنا كرمك وجبتها لازم تعملها الصيانة عند حد شغال أوبل بس عشان العربية دى مش بتاعت عك ميكانيكيا

رد: اى سؤال بخصوص اوبل

الف شكر يا استاذ احمد علي الرد
بارك اللخ فيك وربنا يكرمك علي الإفادة
ان شاء الله حكشف علي العربية ويارب تكون كويسة علشان لدخل عائلة الاوبل
واسف علي التاخير للشكر نظرا لظروف سفري

رد: اى سؤال بخصوص اوبل

ربنا يبارك لحضرتك
وإن شاء الله تكون حالة العربية ممتازة
عشان عائلة الاوبل تزيد عضو محترم زى حضرتك

رد: اى سؤال بخصوص اوبل

شكرا ليك يا أحمد بجد عمل تفيد الناس وأنا اسف جدا على التأخير بس ظروف خارجة عن ارادتي