مصر موتورز مجتمع السيارات

هههههههههههههههههه موجود ياعمنا والله بس كنت مرهق شوية
دى كام حكاية من مطروح جايبهم لك مخصوص علشان اغيظك بس
1--- سافرت مطروح ودخلت على زبون هناك وكان راجل عمره فى نهاية الخمسينات ووجدت ابنه الشاب الطالب فى جامعة اسكندرية واقف فى المحل
ازيك يافلان
اهلا ازيك ياعمو
والدك فين
بيتجوز دخلته النهاردة
انا وبكل جزع (اتخضيت) / خير الوالدة جرى لها حاجة
فقال / لا موجودة وبخير وهيا معاه بتوضب له البيت وبتجهز اكل للناس المعزومة وكده
انا باستغراب / ياراجل ؟؟؟!!!! معقول الكلام ده
فقال / ايه المشكلة عادى ده أمى بتساعده هيا وزوجاته ال2
انا / هو كمان فى 2 غير الوالدة
فقال / ايوه
فانا طبعا ولما لقيته بيتكلم عادى هنيته والف مبروك وعقبالك بس تعزمنا
ومشيت
2-- لازلنا فى مطروح وفى يوم واقف مع زبون فى المحل بتاعه
وواحد دخل عليه
وقال / ياشيخ عايزين نجوز الراجل ده
فسأل / انت العريس
ايوه
وانتم الشهود
ايوه
وفين وكيل العروسة
جه كان واقف بره المحل
ولقيته قال الصيغة الشرعيه
انى استخرت الله وزوجنى ابنتك البكر الرشيد .........الى آخر الضيغة
وفوجئت بيه بيقول /يالا روح اعمل الوليمة
فانا قلت/ وليمة ايه هى دى دخلة ؟؟فقال آه
طب والمأذون والورق وقسيمة الجواز
فرد رد منطقى جدا/ وهو من اول م ربنا خلق الكون لحد من 200 سنة فاتو كان فى قسيمة جواز فقلت لا
وكملت كلامى بس النفوس اتغيرت افرض قال مش مراتى
فضحك وقال / د ه عندكم هنا ميقدرش
والغريبة ان اللى كانت بتتجوز مهندسة وجوزها كان طبيب يعنى 2 متعلمين
لكن فى مطروح لايعترفو بالورق