مصر موتورز مجتمع السيارات - بروفشنلز اسكندرية

مصر موتورز مجتمع السيارات (https://www.masrmotors.com/vb/index.php)

- ملاكى اسكندرية (https://www.masrmotors.com/vb/forumdisplay.php?f=142)

- - بروفشنلز اسكندرية (https://www.masrmotors.com/vb/showthread.php?t=26586)

رد: بروفشنلز اسكندرية

مفيش حد فى الساعة/فيكتوريا؟؟؟؟؟؟؟؟؟؟؟؟؟
اللى يعرف يبعتلى ع الخاص اسمه ومكانه بالظبط الله يخليكو

رد: بروفشنلز اسكندرية

موضوع جميل ورائع جدا وحبيت أضيف عفشاجى أكثر من محترم وعن تجربة شخصية.
الأسم : الحاوى.
المهنة : عفشجى سيارات.
المنطقة : القبارى - الإسكندرية.
وصف لطريقة الذهاب إليه : وأنت ماشى من على طريق الموقف الجديد والموقف على يمينك تخش الدخلة بتاعت القبارى بحيث أن الكوبرى يبقى فوقق على الشمال تاخد الطريق ده طوالى مع العربيات لا تخش يمين ولا شمال هتعدى مزلقان (الترام) وتكمل بعديه بشوية هتلقى داخلة شمال الأرض بها مكسره هو ده مكانى أو وانت ماشى وعديت شريط الترام أسأل علية ألف مين يدلك علية وعن تجربة هو شخصية محترمة جدا وأى حاجة ولو صعبة وغلبت فيها بشأن العفشة هو بأذن الله يحلهلك ويظبط الكلام على الآخر.
وأرجو انى أكون قدرت أفيد حد بالعفشجى ده.

أخوكو محمد
:286::286::286:

رد: بروفشنلز اسكندرية

السلام عليكم اخوانى انا بقالى فترة ما دخلتش الموقع بس قولت افيد اخوانى للى الميكانيكية للى ما عندهمش ضمير مدوخنهم واحد دايخ ومحتاج ميكانيكى ابن حلال وصنايعى واخلاق ومصنعيتة على معقولة جدا وكمان فاهم انا اتعاملت مع ميكانيكى وتلف لية العربية لدرجة قولت خلاص انا حرمى العربية بجد اتخنقت الانى اغلبهم مفيش ضمير يا اما ما بيفهمش وربنا عطرنى بميكانيكى تمام اسمة محمد الصعيدى فى شارع الزهور الحضرة الجديدة تمام ودة نمرتة واما حد يروحلة يقول من طرف اسلاموحيعمل معاة الصح نمرتة 01281390191

رد: بروفشنلز اسكندرية

فى ميكانيكى فى اول شارع العيسوى سيدى بشر اسمه الاسطى عادل , بجد الراجل ده 10\10 انا جبت اونو 93 طبعا كانت بتموت كل شوية اعطال روحتله بالظبط يوم واحد ظبط العربية و من غير قطع غيار و كمان رخيص بجد راجل جامد

رد: بروفشنلز اسكندرية

تجربتي مع مرايا اللوجان مرآة كهربا .. قالولي على خالد فيبر في الحرفيين اللي في الازاريطة و للاسف يوم الاحد المحلات كلها قافلة و كنت محتاجة اعملها ضروري لاني مش بعرف اسوق من غيرها لانها اللي من ناحيتي المهم
روحت لاقيت واحد اسمه حاجة كده فايبر وقالي ان خالد قافل قولت خلاص اتوكل على الله واعملها عنده وخلاص
الله مايوقعكم معاه... لصمها و اكدت عليه انها تتقفل قالي اه و بعد ماركبها .. لاقيتها مبتقفلش فضل يجرب ساعات و يحرق حاجات و يسيحها و يلزقها و هي زي ماهيا في الاخر فوتوا عليا بكرة طب الحساب كام 60 جنيه و عشان تقفل 40 تانية يعني اخد 100 عشان يدوب تضم مش تتقفل و تاني يوم اتقطمت اكتر من الاول
روحت لخالد فايبر اللي في نفس الشارع الله اكبر عليه صانعة و ذوق و اخلاق صلحها و خلاها احسن من الاول و بتتقفل تمام تتصوروا بكام؟؟ ب40 جنيه بس