رد: الاغلى فى العالم
 

تسلم ايدك يا باشا على الموضوع المميز ...
طيب الواحد لو عاوز يشترى الحاجات دى كلها يعمل ايه ... معاك عناوين و تليفونات المعارض؟ :)
يعنى .. تنفع برده

رد: لادا بالحاله دى تسافر
 

المهم و صلنا عن صاحبنا ده و قعدنا اليوم بطول و نزلنا البسين و انا كل خوف ان العربيه ماترجعناش و اليوم عدى على خير و الحمد لله

نيجى بقى لرحله العوده

كانت الساعه 10 غالبا

و دورت العربيه و الحمد لله دارت بس فضلت الحاجه اللى منغصع عليا حياتى شغاله مش عاوزه تنطفى الا و هيه لما البنزين

خلو بالكو انا كنت حطيت 20 ليتر فى مصر اللمبه انطفت بسببهم لكن اول ما عديت البوابات رجعت ترعش تانى

و اول ما قولنا هانروح نورت و كان نورها مغطى على نور التابلوه كله ( حته هجص كده على الماشى )

طيب تعمل ايه يواد يا مرسيدس و ده كان اسمى ايمها ( مرسيدس ) نظرا لان المرسيدس دى كانت معايا على طول بس داخل القاهر و انا رايح شغلى فقط لدرجه ان ابويا كان بياخد رقم العداد علشان ما العبش بيها كتير ( عيله اقطاعيه يا انور )

ضربت فى دماغى فكره انى اشفط حبه بنزين من عربيه واحد صحبى هناك هههههههههه

بس للاسف الفكره مانفعتش لان عربيه صحبى كان فى مجرى التانى مصفى فامخلتش الخرطوم يوصل للتانى و انا يعنى عمال اشفط و اشد فى هو لحد ما عملت احلى دماغ و الله بالبنزين ده

قولت خلاص بقى ما بدهاش ( بس مش غريبه ان الناس يشفونى بشفط بنزين و ما يعرضوش عليا حتى 5 جندى سلف حتى )

زى ماتقولوا كانوا بيقولى اياكش تولع بيهم فى الطريق ههههههههههههههه

المهم توكلت على الله و قولت ما بدهاش بقى نمشى براحه خالص لحد ما نشوف هانعمل ايه و لسه هاوصل لبوابه الاسماعيليه

الاقى النجده جاتلى مين ياترى
( ابو الواد رامى صحبى ) كان فى الاسماعيليه هو كمان فى مكان تانى خالص المشكله ان رامى لو ابوه شافه هابهدله طيب يا جدعان احنا عاوزين فلوس و ابوه موجود لكن ماينفعش نوريله نفسنا


الحاج رامى اترمى فى الكنبه اللى وراء و لا كانه موجود

و انا جريت لحد ما حصلته و خليته يقف الراجل ازبهل بيقولى انت ايه اللى جابك هنا يابنى قولتله و الله يعمو كنت بتفسح مع اصحابى و جيت هنا و الله اليوم كان جميل جدا جدا


لقيته مره واحد الواد رامى فين يا احمد ( قولته مرضيش يجى معايا خالص تخيل لو كان معايا دلوقتى كان زمانك قفشته )

قالى اه طيب انت عاوز حاجه

قولتله اه بكل بجاحه ههههههههه

قولتله عاوز خمسه جنيه احط بيهم بنزين لكن مشطب على الاخر قام قايلى انت رايح تتفسح ولا تشحت يابنى انت لما اشوف ابوك ( مع العلم انا و رامى اصحاب حاليا بقالنا 15 سنه ) ابويا عمره ما شاف ابو رامى ده خالص غير مره واحده من شهريين

قالى انا ممكن اديلك اكتر بس انا هاديلك 5 بس علشان تعرف ايمه الهبل اللى انت بتعمله ده و يلا روح حط بنزين و تعالى امشى ورايا و قد كان بس الواد رامى يعينى فضل طول الطريق قاعد على الكنبه مستخى من ابوه

طبعا طول الطريق انا كنت عارف ماشى على كام لان ابو رامى عمره ما زود عن 120 خالص مالص

و الحمد لله وصلت للقاهره و بعد ما وصلت افتكرت انى المفروض اروح شبرا اجيب حاجات من هناك

و روحت شبرا و رجعت و لمبه البنزين منوره برضو


بجد العربيه دى عربيه اصيله جدا جدا بس عاوزه اللى يركبها يكون فاهمها كويس

رد: لادا بالحاله دى تسافر
 

حمدالله على السلامه ....عقبال ماتعرف إن الفيراري برضه عربيه أصيله جدا جدا جدا ياأبوحميد

رد: لادا بالحاله دى تسافر
 

نحن و اياكم ان شاء الله

رد: لادا بالحاله دى تسافر
 

فكرتنا بأيام ما كنا بناخد العربيات من ورا اهلينا

ربنا يجزيك يا احمد