مصر موتورز مجتمع السيارات - مخطط تصفيه الثوره ,,

قواعد النشطاء السياسيين العشرة:

١- قول على جيش مصر جيش المكرونة والكعك والعسكر وجيش نوال "البوء دة بيعجب الصهاينة والأمريكان والجزيرة أوى"
٢- تعاطف مع أى حد وأى حاجة فى أى حتة ياكشى تكون قطة شيرازى تايهة فى مدينة الرحاب
٣- قول انا نازل اجيب حق الشهيد وانزل حدف طوب ع العساكر وأول ما الداخلية ترد عليكطلع الكاميرا صورهم ونزل على تويتر
٤- قول يسقط يسقط لأى حاجة ، يسقط الغسيل من ع الحبل ، يسقط البنطلون من على وسط الناشط، يسقط الفقير من قعر القفة
٥- قول ع الإرهابيين فصيل وطنى ولا للإقصاء وماتنساش تقول إنك مش إخوان ومش طايقهم
٦- صدق ان أمريكا جايبلنا ديمقراطية طازة وبتبيع سبح وسجاجيد صلاة أدام سيدنا الحسين
٧- ماتشغلش بالك بالعسكرى اللى بيتقتل وهو بيحمى أرضك وعرضك، أصلا العساكر دى شغلتهم انهم يتقتلوا، ركز انت فى العصافير اللى بتعانى من حالة نفسية سيئة بسبب الحرب على الإرهاب ومأثرة عليها فى كل حاجة لدرجة إنها مبقتش تبيض زى الأول
٨- انسى شهدائك وتارك واشبط فى أول قافلة انسانية طالعة على غزة، الجزيرة بتصور هناك وقول أنا حاعدى من المعبر ومحدش حايقدر يمنعنى ، كإنها مش دولة كإنها زريبة لأهلك
٩- ماتنساش كل ماتتكلم ٧كلمات تحكى لنا بعدهم أم حكاية ضمير البشرية اللى مات وتكلمنا عن قلبك المرهف اللى زى الخصاية
١٠- و لو حد أعترض هدده انك حاتطلع انت وصحابك الصبح تعملولنا ثورة أول ماتخلصوا علبة الكلة... هههههههههههه