|
|
جنون العظمة عند الصنايعية
سلامو عليكو
اخر مغامراتى مع الصنايعية كان عمود الدركسيون فيه جلبة فبر شكلها متأكلة بس ماتبانش الا بعد الفك وكان الدركسيون بيخبط ع السلانسيه وعاملى ازعاج فضيت يوم رحت للعفشجى فكلى العامود ورحت بيه للباشا القائد الركن المُفدى (الخراط) قالى هات المود كده وقام واخده وداخل جوه حبيت استفسر من معاليه على حاجة لقيته بيقولى انامش فاضى اتكلم معاك خالص قلتله مالك فيه ايه براحة ياعم انا بسألك كلمنى زى مابكلمك قالى خد حاجتك وامشى انا مش عاملها! قلتله يبقى احسن برضه ولو كان كتر فى الكلام انا كان عندى القدرة والحمد لله انى اشحططه كويس المهم الفبرة طلعت سليمة بس مترحلة شوية من مكانها عدلتها وركبتها واشتغلت تمام ياترى ايه رأيكوا فى الموقف ده وكنتوا حاتتصرفوا ازاى؟! |
رد: جنون العظمة عند الصنايعية
اقتباس:
بص انا حصلي موقف زي ده كوعه الردياتير اتكسرت في الشارع و روحت لواحد ميكانيكي ،، كان معايا نسيبي المهم الراجل رد علينا بكل تناكه ،، بنقوله بس اصل العربية واقفه في الشارع قالنا يعني اعملكم ايه بمنتهي التناكه و القرف انا اساسا من النوع اللي القطه تاكل عشاها زي مابيقولوا نسيبي بقه اداهمله يعني موجز الكلام اتكلم عدل انتا فاكر نفسك مين بس بصوت و الفاظ اخري طبعا الشارع قعد يهدي فينا و الراجل اعتذر بس مش عارف ايه لازمته من الاول ربنا يهدي ،،،، يعني مفيش مشكلة انه ميرضاش يشتغل بس مفهاش حاجة لو اعتذر بادب ،، بصراحة المواقف دي رغم بساطتها بتكره الواحد في البلد و العيشة و بتحرق الاعصاب |
رد: جنون العظمة عند الصنايعية
اقتباس:
انا بينى وبينك اتفاجأت لما قالى انا مش فاضى اكلمك! لأنى كنت لابس بقه البدلة وراجع من الشغل وشايل الاب توب وكلام من ده وانا كنت فى سفرية واجتماع مع ناس نواب الشركة ماحدش فيهم عمرى شفته بيتكلم كده فى حياتى والأخ الخراط طبعا اللى عامل باشا ولابسلى الطقم المشحم يتكلم كده اصلا مع واحد مهما كان هو مشعارف هو مين او ممكن حتى لو غيرى ممكن ياذيه! وروحت على العفشجى لاقيته طلبه بيقوله على اللى حصل وكان خايف من اللى عمله انا طبعا ربيت الخفيف للعفشجى |
رد: تحقيقات جريده الأهرام فى سجن مخالفين قانون المرور(ارجو المشاركه من الجميع للتصدى للأهانه)
عمار يا مصر ... !!!
|
رد: جنون العظمة عند الصنايعية
يا خوانا مش تعالى ولا حاجة ده فى الاول وفى الاخر بنى ادم وممكن اوى يبقى مضروب ولا متشبشب ولا عندة ظروف ولا ايه حاجة وكونة انسان مش متعلم بيخيلة ميعرفش يتحكم فى انفعالاتة واسلوبة مع الناس فبيطبش يعنى انسان عادى بس جاهل متوقعين منة ايه
متزعلش نفسك يا روميو ربنا سبحانة لطف بيك بدل ماكان يعك واديك عملتها احسن واوفر من عك الخراطين بص للموضوع من الناحية الكويسة هتلاقيه مصلحة |
| الساعة الآن 02:16 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017