مصر موتورز مجتمع السيارات - ارشيف احداث عام 2009

شعور لعين يا حورس وحياتك انت مش متخيل البلد انهارده وامبارح كانت عاملة ازاى زحمة مووووووووت واختناقات مرورية فى كل حتى والناس واقفة فى الشارع زى تماثيل الشمع ونازلين من على الارصفة وواقفين فى اليوترن فى انتظار ميكروباص ربع نقل متوسيكل اى حاجة تروحهم او توديهم مصالحهم وطبعاً الميكروباصات واتوبيسات الشركات الخاصة متكتظة بالراكبين والناس بتموت بعضها علشان كرسى او اى زنقة تروح وخلاص

بجد شىء مؤسف ان حقوق الناس تضيع بالشكل ده كل يوم بميت طريقة
مرة بتضييع حق الغلابة الى دورهم حيوى واساسى فى كل الحياة اليومية لكل الناس وهم سائقى النقل العام
السواقين دول بيتهمشو والقطاع كله بيتصفى لصالح الشركات الخاصة البديلة وفقا لمنظومة الخصخصة والمصمصة المتبعة فى كل القطاعات

ومرة تانية لما إدارة الازمة تبقى بهذه السوء للدرجة ان يحصل اضرابات بالشكل والوتيرة ديه اللى بتاثر على البلد بشكل كبير زى كده
وديه مش اول مرة دي بقت مرحلة اضرابات مرة مترو الانفاق ومرة عمال مصانع ومرة موظفين بريد ودلوقتى نقل عام ومش عارفين بكره مين تانى هيوقف الدنيا باى حاجة تحت ايده علشان مش لاقى ياكول

ومره تالتة لما يختلط الحابل بالنابل ونلاقى ناس مش عايزة تلتزم بالمخالفات وطبعاً مش منطقى فعلاً ان يتخصم منهم اضعاف مرتباتهم اللى مش مكفاياهم اساساً تحد اى بند
لكن الثواب والعقاب واجبين لاشك على الجميع وعلى الجميع الالتزام بالنظام وتقبل المخالفات والجزاءات طالماً ان هناك اخطاء

والمرة الرابعة لما الوزير يعلن ان قرارة النهائى هيصدرة بعد ايام ثم يتراجع ويمشى كلام السواقين قبل الموعد المحدد لان السواقين مش هيفضو الاضراب الا بقرار نهائى
يعنى لوى دراع واسلوب يضيع ما تبقى من هيبة الحكومة وانظمة الدولة

كفاية بقى عك حرام عليكم
ptmnlo123per195