مصر موتورز مجتمع السيارات - مخطط تصفيه الثوره ,,

محمد : بقولك اية ياض يا مينا يا كافر يا عدو الله
مينا: قول يا عم المؤمن .... إرغي يا رغاى
محمد : الا صحيح انت بتزعل لما بيحرموا المعايدة عليكم في العيد بتاعكم
... مينا: وحد الله يا مؤمن
محمد : لا الله الا الله سيدنا محمد رسول الله ... لا بس بجد قولى !!!
مينا: بص يا اسطى .. تزداد نسبة تهنئتي بالعيد طرديا مع كمية فتاوي تحريم المعايدة عليا و على امثالي
محمد : ترجم يا بجم انا كنت ادبي يا تحفه
مينا: ماشي يا لوح .. يعني كل ما الفتاوي اللي بتحرم المعايدة علي
بتزيد كل ما بتزيد معاها نسبة الناس اللي بتعيد عليا ... تقريبا كدة والله اعلم الفتاوي دي بتفكر حبايبي يكلمونى في العيد فبفضل طول اليوم عامل مهم في امها من كتر ما تليفوني بيرن و بتعوج على طوب الارض
محمد: شوفت يا معفن احنا اللي بنعمل لأمثالك قيمة يا نتن
مينا: دة حقيقة يا اوطى اصحابى اللى خلقهم ربنا
محمد: تسلم يا غالي يابن الغالي و قول لامك المقدسه تعمل حسابي في المكرونة بالباشاميل النهارده
مينا: عامله صنية و هتبعتها لامك بالليل عشان تتعشوا بدل ما بتناموا جعانين و معاهم حتتين رنجة وحتيتين فسيخ لزوم الرمرمه بكره بقى
محمد: نبات جعانين مين يادض ياللي تتشك في بطنك ؟! مانا امي كل عيد بتبعت كحك ولحمة ضاني اللى عمرها مابتدخل بيتكم الا على عيدنا ولا انت ناسى
مينا: خلاص خلاص اخرس الله يفضحك احنا على القهوة يا منيل
محمد : طيب اطلبلي قهوة زيادة بقى على حسابك تمن مكالمة المعايدة
مينا: بقولك ايه !! ياريت متتصلش تانى وامسح رقمي من على تليفونك
محمد : طيب خليها دوبل بقى علشان خاطر الكلمتين الحمضانين دول
مينا : استنى ارد على التليفون .. ايوه يا ماما الحاجه لا اهو مرزوع قدامى بيرازى فياخد الحاجه بتسأل عليك
محمد : ايوه يا جاحه لا والنبى تليفونى فصل شحن وواديكى عرفتى تجبينى اهو بقولك ايه انا هاتغدى عند خالتى ام ميناالنهارده وابقى أجبلكم باقى الاكل معايا وانا نازل ههههههههه يالله سلاموا عليكم
هما دول المصرييييييين بجد
تحيــــــــــا مصـــــــــــــــــــــر

منقول