مصر موتورز مجتمع السيارات - ارشيف الاستراحة 2011

اقتباس:

المشاركة الأصلية كتبت بواسطة AboNoRa (المشاركة 524201)

طب يا جماعة عايزين نحدد بس المشكلة فى توفر الحضانات ولا تيسير الاجراءات وتوفير المعلومات

اعتقد لو المشكلة فى تيسير الاجراءات والمعلومات حسب تصور الدكتورة هبة يبقى ممكن نعمل موقع عام يشمل نصائح ومعلومات فى كل فروع طب حديثى الولادة وسجل بعناوين وتليفونات المراكز المتخصصة كلها وطبعا قاعدة بيانات الحضانات واذا تم التسويق ليه بشكل جيد ممكن بعد سنة ولا اتنين نلاقى المراكز هى اللى بتترجانا نضيفها فى القاعدة لان اكيد مصلحة اصحاب الحضانات انها متبقاش فاضية ولا ساعة فى اليوم او بمعنى اخر تحقيق اعلى نسبة اشغال

ولو مع كل ده اتعاونا مع الجمعيات الخيرية واهل الخير لتوفير ( حضانات انتقالية ) ان صح التعبير فى مراكز محددة بالاتفاق سلفاً بحيث انها تستقبل الحالات الحرجة زى حالة يوسف كده لحد ما تخلص اجراءات تحويلة لحضانة دائمة
والحضانات الانتقالية ديه ممكن تبقى بتبرعات وتوضع فى مراكز خيرية تماما او تجارية (خاصة ) بالاتفاق مع اصحابها

كمان هنحتاج منسق او منسقة يقومو بمتابعة طلبات (التسكين فى الحضانات ) وتحويلها او متابعة اجراءات التحويل للحضانات الحكومية او المجانية تماماً وده طبعا تحت اشراف طبيب متخصص معتقدش لازم يكون متفرغ

نيجى للنقطة الاهم اللى اثارها الدكتور وائل عن طبيعة وجودة الخدمة ومصاريف تشغيل الحضانة نفسها
اللى انا فهمته من سرد حضرتك ان تكاليف تشغيل حضانة واحدة مابين 150 الى 200 جنية يوميا والادوية والمحاليل مابين 100 الى 200 يوميا باجمالى من 250 الى 400 جنية يوميا شامل الادوية والخدمة وبالطبع القيمة الايجارية للاجهزة ( الحضانة واجهزة التنفس )
ياريت حضرتك تاكد صحة الارقام ديه

كمان محتاج اعرف معامل اهلاك الاجهزة ( الحضانة واجهزة التنفس واى ملحقات اخرى) قد ايه وديه اكيد المحاسب عندكم حاسبها وكمان تكاليف الصيانة الدورية
وهل الادوية والمحاليل والابر وما إلى ذلك حضرتك بتوفرها باسعار مضاف اليها هامش ربح ولا لاء واذا كانت متوفرة مدعومة فى حاجة تبع الحكومة ولا لاء

معلش انا بحكم شغلي و طبيعة عملي بحب اتخذ حلول جذرية

انا حاسس ان الموضوع قلب لت و عجن و ما بقتش فاهم
1+1= 2
فيه ازمة + فيه نية طيبة للمساهمة = الحل
ادينا الحل يا دكتور من فضلك بكلمات قصيرة و وضح ما هو المطلوب و ما يمكننا عمله كمجموعة عمل صغيرة
من الاخر قول الحل: 1-
2-
3-