المشاركة الأصلية كتبت بواسطة Engr.Ez (المشاركة 146384)

السلام عليكم ورحمه الله وبركاته.
اولا انا متأسف لانى مدخلتش من كام يوم لانى كنت مشغول جدا جدا .
ثانيا انا مش عارف اقولك ايه بجد انا تقلت عليك اوى , وانتا ما شاء الله عليك بالك طويل , بحسدك انا ماشى .
فكرة العربيه الخاصه دى انا فكرت فيها بردو كتير , بس للامانه خوفت انى اسلمها لشركة تاجير تبهدلهالى او بمعنى اصح تسرقها.
بس لو عندك شركات تاجير ليها سمعه محترمه وتقدر تدينى اللى يضمنلى العربيه تبقى بخير , وطبعا كله بيد الله فى الاول والاخر , ومدد طويله ,يبقى ياريت تلحقنى بيها لانى بجد ناوى انفذ الموضوع دا بامر الله.
وفى حاله انى هجيب العربيه الخاصه دى واجرها , من خبرتك كدا تقدر تقولى على انواع انتا بتفضلها , وانواع ترشحهالى تكون تتحمل - بهدله - التاجير وفى نفس الوقت ايجارها يكون كويس بالشهر؟
منتظر ردك , واسف على تعبك والله تعبتك معايا.
السلام عليكم.

المشاركة الأصلية كتبت بواسطة محمود صابر (المشاركة 148996)

السلام عليكم انا عايز اشترى نيو اكسنت وهدفع 35%من سعر العربية على 3 سنين عايز اعرف احسن بنك يدينى فائدة ويبقى القسط الشهرى كام

المشاركة الأصلية كتبت بواسطة kbarema (المشاركة 155380)

استاذ سيف
ازي حضرتك ؟ ان شاء الله بخير
تفتكر يا استاذ سيف ممكن موظف مرتبة 1000 ومعاه مثلا 5000 يركب عربيه (اكيد مستعمله ) ولا ميحرجش نفسه