|
رد: صيانة اكسيل مانيوال 1500 cc
مساء الفل يا حسام
طيب عندى كتاوت خارجيه هى كمان بيكون فى داخليه ولا يا دي يا دي ؟ وهل الاقي فى السوق كتاوت خلاف الصيني ؟ ولا ادور استيراد ؟ والتكييف اختبر السربنتينه والكمبروسر ازاى هو في هوا ساقع بس مش جامد وبحس بيه ع الدرجه الرابعه انا عندى المنفو اللى تحت الكربراتير بايشه ومسدوده بخشب مكان خط السخن عادى كده ولا بتتحل واعملها فى المخرطه ؟ ودي بتتكلف اد ايه ؟ غياب دوران المكنه وهى سخنه بعد فصلها الميكانيكي قالى الكربراتير بيدخله هوا وعاوز جوانات وظبطة تاكيهات وياريته عاوز يعملهم وممشورنى كل يوم ويمشيني طولت عليك يا حس معلش وطمنا عليك علطول |
رد: صيانة اكسيل مانيوال 1500 cc
بتاع التكييف هو اللى يقدر يختبر السربنتينة ويتاكد انها سليمة ومفيهاش تسريب ومتلحمتش اكتر من مره قبل كده ...
وهيقيس الفريون فى التكييف ولو قليل هيزوده .. دلوقتى مراوح التكييف لو شغالة مروحة بس بتطلع هوا شديد ولا لأ معاك .. لانى حاسس ان الكلام ده شوية فتى من الراجل والعيب هيكون من الفريون (قليل) .. غياب الدوارة ده وهى سخنة لو فى حدود ثانيتين او تلاتة وبتدور من اول مره يبقى عادى جدا كل العربيات ممكن تعمل كده .. |
رد: صيانة اكسيل مانيوال 1500 cc
مراوح التكييف لو شغالة مروحة بس بتطلع هوا ضعيف نوعا ما واحس بيه لما اخليها على اخر درجه
|
رد: صيانة اكسيل مانيوال 1500 cc
اقتباس:
عندى كتاوت خارجيه للدينامو هى كمان بيكون فى داخليه ولا يا دي يا دي ؟ وهل الاقي فى السوق كتاوت خلاف الصيني ؟ ولا ادور استيراد ؟ تسلم يا حس ربنا يكرمك |
رد: صيانة اكسيل مانيوال 1500 cc
اقتباس:
تمام كده اللى ورا الاكصدام على طول .. اقتباس:
حاول برضو تقارنها بعربية تانية علشان تتأكد .. وهل جربتها على اقصى سرعة "4" ؟؟ اقتباس:
ده غالبا طبيعى يا وائل .. دى غالبا شرقة مش اكتر .. كل العربيات الكربيراتير كده .. ابقى بس تقل ايدك شوية ع المارش (لغاية 5 ثوانى مثلا كحد اقصى) .. اقتباس:
دور عند بتوع الكورى وشوف الانواع واشترى الاغلى .. غالبا حتكون فى حدود 70-80 جنية ولا حاجة .. وهاتها جديدة احسن ... |
رد: صيانة اكسيل مانيوال 1500 cc
السلام عليكم
اللهم اجعله خير فى المطره دى يارب ازيك ياحسام يارب بخير علطول روحت للميكانيكي النهارده يا حسام ظبط التاكيهات والحمد لله العربيه اتحسنت كتير( بقت بتدور على طولو هى سخنه او من تانى مره بالكتير ) والنتشه اللى ع التانى قلت كتيييييييير بس لسه هجربه تانى انا بحاول وانا ع الغيار الثانى اهدى سرعة العربيه خالص واطلع بالراحه عشان اشوف هتنتش ولا لا ؟ ***بس فى رعشه بسيطه فى الدركسيون وهى بارده ولما تسخن بتقل شويه ده من ايه ؟ فى جزء تحت الكربراتير اسمه المنفو اللى راكب فيه خط السخن بتاع التكييف اولا خط السخن ملغى وسادين خراطيمه بخشب بس المنفو نفسه بايش ودايب؟ هل فيه خطورة انه ينفس ميه ويأثر ع الموتور ولا ايه نظامه ده انا ميهمنيش اشغل السخن بس قلقان يسرب ميه فى اى وقت ويعمل مشكله ولو جيبت المنفو ده استيراد الغي برده السخن ولا اسيبه عادى وياترى تكلفته كام ؟ بالنسبه لكتاوت الدينامو ليها مقاس معين ولا اقوله على اسم العربيه وخلاص ؟ فعلا هوا المروحه ضعيف على السرعه 4 الفتيس معكر مزاجى اوى فى العربيه بس مستني اظبط نفسي ماديا يارب سهل ومنتحرمش منك ابدا يا غالى ودايما منورنى |
رد: صيانة اكسيل مانيوال 1500 cc
تصدق ياعم وليد
اللي عاوز يتعلم ميكانيكا يدخل الموضوع بتاعك ده من كتر ما حيرت الناس معاك والردود عليك وكلها ردود منطقية بس انت موسوس حبتين بالاضافة ان مفيش حاجة على الطبيعة كلها اجتهادت وووصف منك موضوع التكييف حسام سألك على المروحه وانت رديت وقولت المروحة بتجيب هواء بس ضعيف يبقى على حسب وصفك المشكلة هتبقى في المروحة ممكن تكون ضعيفة وعاوزة تتغير او فيه حاجة بتعوق الهواء منها المنفو اللي بايش بص عليه لو بينقط مياه يبقى تشوفله خرطوم يركب فيه ويرمي في اي جنب بعيد عن الماتور لكن بالمنطق اذا كان هيجيب مياه يبقى هيجيب نقط مش هيغرق الدنيا والكلام ده والعربية دايرة يعني الدنيا في الحوض بتبقى نار يبقى المياه اللي هتيجي هتتبخر اول باول واخيرا حمد الله على سلامة البرنسيسة اكسيل وتدوبها في مشاوير العافية GIFT4UGIFT4U |
| الساعة الآن 07:55 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017