مصر موتورز مجتمع السيارات - كم أكثر سرعة مشيت عليها؟؟؟

مصر موتورز مجتمع السيارات (https://www.masrmotors.com/vb/index.php)

- سلامتك على الطريق (https://www.masrmotors.com/vb/forumdisplay.php?f=8)

- - كم أكثر سرعة مشيت عليها؟؟؟ (https://www.masrmotors.com/vb/showthread.php?t=3688)

رد: كم أكثر سرعة مشيت عليها؟؟؟

و الله ضحكتوني و فكرتوني بحارة المجانين ... أقصد أقصى الشمال في السعودية كان ليا واحد صاحبي بيسميها كدة علشان هاجس السرعة اللامعقولة عند الشباب السعودي ( كل حاجة مساعداهم ) ، أما عن تجربتي الشخصية فكانت 170 كيلو أقصى حاجة و صلتلها كان في طريق مكة - جدة و تخيلوا كانت السيارة نوعها تويوتا كرسيدا 89 و كان الثبات فل و كأنك راكن العربية من ساعة رغم إن كان معايا سيارة سوزوكي موديل السنة ( 2009 ) كانت بتكون زي الشخشيخة بعد الستين و أخيراً سبب السرعة إني حبيت أخنق شباب حارة المجانين إياهم ، أما القاهرة بقى فأفضل حاجة نعمل موضوع جديد عن أفضل بطل عرف يمشي في شوارعها فوق الستين مثلاً أو مين أكتر واحد محتاجش يغير من على الأول لغاية ما راح مشواره !!

رد: كم أكثر سرعة مشيت عليها؟؟؟

كام اكثر سرعة مشيت عليها ؟ 280 كيلو
عملت الكارثة دى فين بالظبط و امتى ؟ من سنه على طريق الساحلى لراس البر
كان ايه السبب فى التهور؟ طريق جديد و فاضى و عربيه مساعده
نوع العربية و الموديل ؟ بينز S500

ايه اخبار ثبات العربية ؟ (stability ) ؟؟؟ مكنتش عارف انى على السرعه ده الا اما بصيت على العدادات
كان احساسك ايه اثناء و بعد التجربة الحياتية المريرة دى ؟ مكانش فيه غير صوت الهوا البسيط الى طالع من التكييف و فقط

رد: كم أكثر سرعة مشيت عليها؟؟؟

160 كم عادى معاكم بس السرعة دى بشفروليه اسبارك يعنى 993سى سى ربنا يحفظها

رد: كم أكثر سرعة مشيت عليها؟؟؟

يا ريت الموضوع دا ميشجعش الناس على السرعه

اقصى سرعه 150 بنيو اكسنت

رد: كم أكثر سرعة مشيت عليها؟؟؟

تسلم يا باشا موضوع جميل

رد: كم أكثر سرعة مشيت عليها؟؟؟

200 بالكروز حبيبتى ومجنط ومنفخ ومكنتش راضيه تزيد عن كده
ومؤخرا 200 ب جيتا 2006 عشان كنت بجرى مع واحد بتاع فرنا وكنا احنا الاتنين ماشيين 200 ومكنتش راضيه تزيد معايا هى كمان ذ

رد: كم أكثر سرعة مشيت عليها؟؟؟

اقتباس:

المشاركة الأصلية كتبت بواسطة bmkbmk (المشاركة 13219)

عاش الوحوش :) كل الشباب ما شاء الله جايبين ال 190
بس اللى انا مستغرب له بصراحة حكاية الثبات
(ما شاء الله ربنا يبارك لكل واحد فى عربيته يا رب )

انا فاكر انى سوقت الكورولا اكتر من مرة و اكتر من عربية مرة موديل 2002 و مرة موديل 2006 و حاولت اجيب بيها سرعات عالية الاتنين بيجوا عند 110 و احس ان العربية مش بتاعتى العربية بتاعت الهوا فعلا مفيش اى ثبات فا هل ده عيب فى الكورولا بقى ولا ايه؟؟؟؟
لو حد عنده فكرة يا ريت يفيدنا يا رجالة ........

و فين باقى الاعضاء ؟؟؟؟؟
ماتقولوش انكم يعنى ماتهورتوش قبل كدة ...
فى انتظار ردودكم يا حلوين

كام اكثر سرعة مشيت عليها ؟ 201 كم
عملت الكارثة دى فين بالظبط و امتى ؟ ابوظبى دبى
كان ايه السبب فى التهور؟ كنت بجرب العربيه
نوع العربية و الموديل ؟ تويوتا كورولا 2008
ايه اخبار ثبات العربية ؟ (stability ) ؟؟؟ كويس لغاية 160
كان احساسك ايه اثناء و بعد التجربة الحياتية المريرة دى ؟ والله احساس ان العربية بتقولى لو عايز اكتر ممكن بس انت اللى حتدفع الردارات وبعد التجربة ان فعلا التويوتا عربية لا يعلى عليها