رد: كل ما يخص الشهر العقارى
 

وبعد كده انت هتاخد العقد والرخصة وتروح المرور تنقل ملكية هناك وتبقى الرخصة باسمك يعنى هتفحص وتامينات وضرائب وحوار المورو الرخم ده
طيب حضرتك متعرفش المصروفات قد ايه ؟؟ وايه حكاية الفحص ده لانى مش فاهموه خالص بيفيد فى ايه يعنى ؟؟؟

بس الافضل انك تروح المرور قبل انتهاء الرخصة مثلا بشهر
اما بالنسبة للشهر العقارى ممكن تروح فى اى يوم بس انت متمضيش مشترى

يعنى حضرتك تقصد انى اروح االمرور انقل الملكية رسمى فى اخر شهر فى تاريخ انتهاء الرخصة مظبوط كده !! واروح الشهر العقارى فى اى وقت بس ممضيش مشترى ليه امال حنقل العقد باسمى ايزاى يا ريت توضحهالى دى والف الف شكر بجد تعبتك معايا ربنا يكرمك ويوفقك فى حياتك

رد: كل ما يخص الشهر العقارى
 

انا معرفش التكاليف فى المرور كام لانها حسب الموديل والسى سى اما الفحص هو تطابق رقم الشاسية والموتور وطفاية الحريق والمريات وممكن والدك يقولك عليه

اما نقل الملكية فانا بقولك متمضيش علشان لو مضيت فى الشهر العقارى مشترى يبقى لازم تروح المرور فى خلال شهر من العقد واما هيسقط والعقد وتعمل عقد جديد اما لما متمضيش بتروح بعد ان شاء الله سنة المرور وتمضى هناك

إستفسار عاجل
 

السلام عليكم أخى الكريم
شكرا على الموضوع الرائع والمفيد
انا عندي استفسار بسيط واتمنى ان تفيدني باذن الله
- انا اشتريت عربيه فيات 132 موديل 74 بعقد مسجل فى الشهر العقاري بروض الفرج ولم أوقع مشتري كما هو متبع.
- بعد ذلك ذهبت الى مرور الجيزة لأنقل الملكية وأرخص العربية بإسمي.
- فوجئت بالموظف في المرور بيقولي العقد ده لازم يتكتب فيه بجوار اسم المشتري جملة "بولايه والده" لأني لم أكمل 21 عاما.
- "على فكرة انا مواليد 1/1/1990" يعني هاكمل السن القانوني بعد 4 شهور بإذن الله.
- قيل لي انه من الممكن الذهاب الى مكتب الشهر العقاري وإضافة الجملة المطلوبه بدون مشكلة.
- يرجى افادتي بصحة ماقيل لي وهل هناك حلول أخرى متاحة وفي حالة صحة ماقيل لي فهل يمكن الذهاب الى أى مكتب شهر عقارى أم يجب الذهاب الى نفس المكتب المُصدر للعقد.
شكرا وفي أنتظار الرد ROSE4U

رد: كل ما يخص الشهر العقارى
 

الف شكر ليك تعبتك معايا ووصلت المعلومة شكرا ليك

رد: إستفسار عاجل
 

مفيش اى مشكلة بس تروح الشهر العقارى الصادر منه العقد
وهتتدفع عشرون جنية رسم الولاية
وسيتم تعديل العقد