مصر موتورز مجتمع السيارات - مقابله و افطار رمضان كل عام و انتم بخير

كانت مقابله جميله جدا جدا
كنت ناوي اروح من بعد الصلاه على طول
كلمت احمد انور مردش وايمن مردش واحمد كار مردش واحمد كامل غير متاح
قلت كده حرف الالف مش جي النهارده
قابلت ابيزا على المسنجر .. قالي حستحمى وبعدين اغسل العربيه و اروح
اخيرا ظهر احمد كار وقالي حغسل العربيه (واكيد بعديها حيستحمى) وبعدين اروح ..
قلت ده يوم الغسيل العالمي وكان الوقت بقى العصر وقررت اروح بعد الفطار على طول

انا بطبعي هادي جدا و كلامي قليل وصوتي مش عالي .. لكن اول ما شفت الناس نسيت نفسي (من كتر الناس ما وحشاني ) و بقى صوتي علو كده وسلامات و احضان ورغي و كلام ....
الواحد حس انه صغر 15 سنه
وعقبال ما اخدت بالي من الدوشه اللي انا عملتها بقيت محرج جدا من نفسي بس الحمد لله مكنش فيه ساعتها غير اعضاء المنتدى والله حليم ستار ptmnlo123per1127

لكن على اد ما كنت سعيد جدا اني قابلت الناس اللي اعرفهم حتى لو كنا اتقابلنا مره و لا اتنين
كنت سعيد جدا اني قابلت ناس نفسي اقابلهم من زمان
ومش حقدر مقولش اسامي ...
دكتور عبد السلام و ومهندس احمد كامل اللي بالرغم انها اول مره اشوفهم لكن حاسس اني اعرفهم من زمان بالرغم اني تقريبا ملحقتش اقعد معاهم خالص
حازم خضر اللي نفسي اقابله من اول مقابله و اخيرا كان ليا نصيب اشوفه واقعد جنبه
بايو ( ا/هاني ) من اكتر الناس اللي شدوني للمنتدى من اول يوم بمشاركاته وبصراحه على الحقيقه انسان يستحق كل التقدير و الاحترام
سمسم ( اسلام شاهين ) اللي فعلا نفسي اتعرف عليه وللأسف ملحقتش اقعد اتكلم معاه ... لكن سماهم على وجوههم ..
وقابلت ناس واحشني جدا
سومو حبيب قلبي ومؤرخ المنتدى احمد انور العائد من بلاد فوانيس رمضان و ايمن عبد الرازق اللي كان بيفكر يعملها و ميجيش وعريس المنتدى سيف الدين و نور( الرايق ) و لانسر ( ساكت بس سهن في نفسه كده ) و بوب الجامد ( مسيرك حتركب كوري ولو بعد 20 سنه ) و القرصان ابو علامه استفهام اللي كان قاعد قلقان جدا بس ربنا سترها معاه يوميها وجبر بكنز الجزيره
وابيزا بظابيظو ... حبيبي اللي اول مره اشوفه وكان مستعجل من اول ما وصلت
وطبعا صديقي من خلال النت وائل مجدي ... اللي شكلي حخطفه مره زي اسلام جلال ( كنت محتاجاه المقابله )

واتعرفت على ناس جديده
الاساتذه مصطفى فاروق و فوتو ( ربنا يعجل بشفاء ايده ) وتيفا كينج ومهندس حاتم واستاذ امير (سبيركار - كانو جايبين هدايا لكل الناس و بزياده - الف شكر )
وكان برضو نفسي جدا كل الناس تيجي و اتعرف على كل الناس خصوصا فادي اكتر واحد قاطع نفسي في المنتدى ptmnlo123per1106ونيسان ( مهندس يونس ) وكوكي (محمود ) و صلاح عبد النبي (ربنا يساعده في ظروفه )
وخايف اكون نسيت اي اسم ... وغالبا حكون نسيت اسماء ... لكن حيكون سهو من الذاكره و يعلم الله مدى تقديري و معزتي لكل الناس ptmnlo123per122

اسف على الاطاله .. بس قعده مكنش نفسي تخلص وحسيت اني ملحقتش اقعد و لا اتكلم مع الناس
ومهما اتكلمت مش حقول كل الي نفسي فيه ....
و لولا الالتزامات كنت فضلت قاعد للصبح

ملحوظه :- دكتور عبد السلام كان جايب معاه ولي امره و بايو جايب معاه بطل الجمهوريه في الجمباز
هما كانو بيعملو لنا كارت ارهاب ولا ايه ؟؟!! ptmnlo123per160

واخيرا ... و الحمد لله .... كسرت عقده الربوه ptmnlo123per154ptmnlo123p er154