العربية مش بترضى تدور
 

رد: العربية مش بترضى تدور
 

من وجهة نظري المتواضعه
ان البوجيهات اللي في العربيه شاربه بنزين او عليها كربون ومش بتوصل كهربه بسلاسه
وحوار شفاط البنزين ده حاولي تنسيه شويه لانه بيزاول المكنه وبيخلي البوجيهات تكون كربون كتير عليها وممكن ده اللي ماثر ومخلي الكهربا بتحتاج مجهود علي متوصل
خلي ميكانيكي يشيل بوجيه كده ويشوفه نضيف ولا عليه اسود كتير جايز تكون دي المشكله

عموما انتظري في خبراء كتير في المنتدي ممكن يساعدوكي ان شاء الله:Bravo:

رد: العربية مش بترضى تدور
 

شكرا على الاضافة
هو بصراحة ان كان على البوجيهات وارد جدا انها تشرب بنزين
لانى بصراحة ممكن بس مش كثير بنسي الشفاط و انا ماشية
بس هى حكاية شاربة بنزين ديه حاجة تراكمية
يعنى محتاجة وقت
لان المشكلة زادت باد ما عملت للعربية الصيانة و غيرت طقم االكهرباء

رد: العربية مش بترضى تدور
 

هوا دة مربط الفرس
اية بالظبط الي اتغير في العربية
وهل في حد يحاول يشوف سلوك البوجيهات بتوصل كهربا ولا لأ

رد: العربية مش بترضى تدور
 

يا ست الكل العربية مقدمة كهرباء من الاسبراتير

رد: العربية مش بترضى تدور
 

انا معايا ماورتي 2008 وقابلتني نفس مشكلتك ويمكن اكبر من كده والحمد لله كلها اتحلت بس بتجاربي انا لان معظم الصنعيه محدش فيهم بيكون فاهم مش اي حد لابس هدوم مزيته ومشحمه يبقي اسطي ههههههههه
انتي اللي بتحكيه ده بيدلو علي اكتر من مصدر للمشكله !!!!

فيه اسئه انتي سئليتها هجوبك عليها الاول

اقتباس:

أولا : و انا ببطلها قبل ما انزل من العربية بتترج رجه كده ؟

العربيه بتترج لما تيجي تبطليها ومروحة الريداتير شغال لحظيها كويس حتلاقي كلامي مظبوط لما تبطلي العربيه ولقيتها بتترج افتحي الكونتك كانك هتدوريها بس متوصليش للمراش يعني افتحي الكونتاك سنه واحده هتلاقينروحه الريداتير شغاله !!!
طيب قبل لما تبطلي العربيه لو لقيتي مروحة الريداتير شغاله انتظري متبطليش العربيه لحد ما المروحه تفصل ولما تفصل بطلي العربيه هتلاقيها مبتترجش
طيب ده حلها ايه لازم الكهرباء تتظبط من الاسبراتير
طيب هتقوليلي انا روحت عملتها في التوكيل هرد عليكي واقولو معلش في التوكيل مبيفهموش حاجه سبحان الله مع انهم المفروض يكونو احسن ناس يعرفو فيها بس مسمعتش حد راح التوكيل ومشكلته اتحلت
او انك تدوسي دوسه بنزين وتبطلي العربيه مش هتترج

اقتباس:

ثانيا : بروح مشوار صغير خمس دقائق و ارجع احاول ادورها تفضل متدورش و تعمل صوت زى ما تكون العربية دايرة و انت بتحاول تدورها

الكلام ده معناه ان الموبينه باايظه او بتسخن زياده عن اللازم فالعربيه مش هتدور الا لما تبرد الموبينه
او ان البوجيهات تلفت او عليها كربون نتيجه ان الحرق مش سليم

اقتباس:

ثالثا : أنها مش بتدور الا لما حد يقعد يلعب فى سلوك الكهرباء و يفك و يركب .

ده معناه ان فيه مشكله في دايرة الكهرباء فيه سلوك فاصله ول حد يلعب فيهابتلمس وتشتغل كويس
لكن العجيب بقي اللي بتقوليه بعد كده !!!!!!!

اقتباس:

بس اول مرة كان بقالى يومين مش دورتها و اتصلت بسواق ابنى اللى بيوصله المدرسة قعد يعافر فيها و يضغط بنزين و يسيب و يجيب غيار لغاية اما دارت من غير ما يفتح الكابوت . ( يعنى صعب تكون كانت قاطعة كهرباء و رجعت تانى )

ده معناه ان السلوك زي الفل ومفيش فيها حاجه مقطوعه او اي مشكله لكن كده المشكله تبقي ان العربيه مأخره كهرباء والبنزين مبيتحرقش حلو فعمل كربون علي البوجيهات فالبوجيهات مبتوصلش كهرباء كويس

اقتباس:

نزلت اشترى حاجة و رجعت بعد ساعة مش رضيت تدور نهائى و اتصلت بزوجى قعد يعافر فيها و فكها حته حته تقريبا ( بحكم انه غاوى فك و تركيب )

طيب هنتعب زوجك حبتين معانا ومعلش يستحمل شويه وان شاء الله المشكله تتحل
المفورض طقم الكهرباء يتغيير بعد 20000 طيلو وانتي قولتي غيروه في التوكيل هنفتضرض انهم جابو قطع غيرا مش كويسه وهنغيرها
طقم بوجيهات NGK BP6EY
http://up13.up-images.com/up/viewimages/9d5fdc9f3b.jpg
متقلوش نوع العربيه ايه هيا البوجيهات ده لعربيه انجكشن وهقولك مش هتنفع في الماروتي انت روح التوفيقيه واسئل عن نوع البوجيهات ده وان شاء الله هتلاقيهم وسعرهم يترواح بين 50 او 60 جنيه 4بوجيهات كما بالصوره بالظبط وتخليي الميكانيكي يظبطله السن بتاعه علي 0.8 مليم علشان الشراره تكون قويه والكلام ده من الكتالوج بتع العربيه ده والبوجيهات ده جايه مظبوطه من مصنعها علي 0.85 مليم
هتجيب ابلاتين ياباني وبيجي معاه كيس شحم صغير وده ثمنه 15 جنيه وهتجيب مكثف ياباني وده ثمنه 10 جنيه وتروح لكهربائي يكونشاطر يغيرهملك ويظبطلك الكهرباء
وان شاء الله المشكل المشاكل هتختفي
لو المشاكل فضلت هتجيب موبينه ياباني بالمقاومه بتاعتها وتغيرها ود سعرها 85جنيه كل ده من التوفيقيه وعلش هتتعب شويه هما حوالي 3 محلات بيبيعو حاجه الياباني ماروتي تلف وتسئلهم وتتفرج علي قطع الغيار وتقارن لان فيه حاجات مضروبه لو دخلت التوفيقيه من ناحيه سيد حنفي فيه ثالث او رابع محل علي الشمال هتلاقيه بيبيع حاجه اليابني اسئل عندهلاني كتير اشتري من عنده وحاجته تكون مظبوطه واصليه هتلاقي المحل بتاعه معمول رخام اصفر مش فاكر اسمه ايه بس اشرط عليه قوله انا عاوز الياباني
طيب لو غيرت ده كله وفضلت المشكله زي ما هيا !!! يا خبرا بيض ده حاجه تبقي رخمه خالص ههههههههه متقلقش برضه لسه فاضل حاجه صغيره حيرتني كتير برضه هتفك العمه بتاعة الكربيراتير هتلاقي في الكربيراتي من ورا حاجه مدوره ضغيره عامله زي ماتور لعب الاطفال داخل عليه سلكتين هز السكتين دول لو العيب منهم حاول تثبتهم بأي حاجه لان دول لو مش موصلين كويس هيخلو العربيه متدورش
طيب لو عملت ده كله والعربيه برضه مدارتش ههههههههه يبقي بقي مفيش غير ان العربيه نسيت تحطلها بنزين ههههههههه لا متقلقش
احنا عملنا الحاجات ده كلها علشان الاسباب التاليه :
1- العربيه تدور من اول مره
2- العربيه متترجش بعد ما تبطلها
3- لو روحت مشوار بالعربيه اول ما تبطله تدور علي طول
4- العربيه تحرق البنزين كويس ومكلش بنزين اكيد هتلالاقي فرق في توفير البنزين بعد ده كله
اخير لو فضلت اي مشاكل تانيه اكتبلنا وان شاء الله كل مشكله وليها حل

بانسبه لتدوير السياره وهيا دايره ان شاء الله محصلش فيها حاجه غير اقصي شيئ ممكن جزء من اسنان ترس المارش اتاكلت شويه نتيجه تدخل ترس الماررش مع ترس الفلام والعربيه دايه ولو فيه مشكله فيه خلي الكهربائي يفك المارش بالمره ويراجع علي الترس بتاعه وان شاء الله ربنا يجعله خير

رد: العربية مش بترضى تدور
 

اجابة جامدة جداااااااااااا
بس مش عاوزك تتسرع فى الحكم على البوبينة
لان طالما العربية مقدمة كهرباء يبقى هاتسخن زيادة عن اللزوم
وتخلى العربية تترج عند التبطيل مهى مقدمة كهرباء اوى