رد: ارجو الافاده من متخصصين في السيارات المستعمله
 

لا .......اعتقد ان المبلغ المرصود للشراء ما يجبش جيلى ck لكن ممكن يجيب جيلى فروتة او جيلى سبارك بس مش بيلاقو الكاتيجورى بتاع الـ سبارك فابيكتبو ck
وطبعا سبارك احسن بكتير من الفروتة واكثر اتزان وموتور اقوى 1400 سي سي وموديلات حديثة طبعا وعربية كاملة وفيها تكييف .....اعتقد مناسبة جدا فى حالتنا

رد: ارجو الافاده من متخصصين في السيارات المستعمله
 

"
<cite>CK </cite>| 2005
1100 سى سى |55,000 كم



دواخل فابريقة تكييف سنتر انذار زجاج ومرايات كهرباءفرش جلد جنوط سبور"
دا كان اعلان فى كونتاكت وتقريبا كانت 25000 او 24000 انا مش عارفه لسه موجوده ولا لأ بس عموما لو المواصفات دى تبقى كويسه ؟؟؟

رد: ارجو الافاده من متخصصين في السيارات المستعمله
 

انا مش عاوز أأثر عليكي لكن بجد العربيه الماروتي ممتازه ده من وجة نظري انا لاني مالكها والناس بتقول القرد في عين امه غزال
لكن بعد قيادتي ليها اربع سنين اقولك التالي
العربيه مبتجريش اخرها 120
موفره جدا في البنزين
اقتصاديه جدا في قطع الغيار تعتبر ببلاش مثلا فردة الكاوتش 280ج الدبرياش 160ج الفوانيس الخلفي 45ج الفانوس الامامي 75ج الاكسدام 120ج
فيه قطع غيار ياباني وفيه هندي وفيه صيني والفرق مش كبير
بالنسبه للصيانه اي ميكانيكي يشتغل فيها بمهاره لانها عربيه بعيده عن تعقيد التصنبع وسهل اكتشاف العيوب بها
بالنسبه للسفر اي عربيه تسفر لو موتسيكل 1 سلندر هيسافر انا بسافر بيها اسكندريه وكمان العريش كتير والله روحت العريش حوالي 340 كيلو صليت الجمعه هناك واتغديت ورجعت في نفس اليوم انا واخي بسافر بيها العين السخنه مفيش اي مشكله في السفر طالما العربيه مظبوطه
بالنسبه لحجمه صغير ومناسبه لعائله صغير زوجين وطفلين
لو احتياجكك لعربيه مشواير فقط وسفر قليل الماروتي مناسبه موفره في البنزين قطع غيار رخصيه ومتوفره سهل الصيانه
بالنسبه لوسائل الامان كأي عربيه اقتصاديه مفهاش اير باج ولا ايه بي اس ولا اي حاجه غير القضبان الفولازيه اللي في الابواب والكلام ده لانها عربيه مبتجريش اخرها 120 كم / س فمش محتاجه كل وسائل الامان ده

رد: ارجو الافاده من متخصصين في السيارات المستعمله
 

انت أثرت عليا فعلا و خصوصا فى موضوع العريش دا :THUMB_~112: