رد: السياره الجاك B15 أسعارها رخصت
 

معلومات هامه عن الجاك بى 15 ...دلوقتى اسمها j5 وتم تعديل الموتور ليكون بقوة 114 حصان وسعرها الآن 78000جنيه ((موديل 2012)) موديل 2013لسه مانزلتش ولاتوجد معلومه اذا كان سعرها سوف يتغير ام لا .....الكلام ال سمعته من هورس موتورز انها احتمال تكون ب 79900جنيه ....وعلى فكره السياره تم تقليل الأوبشن ال فى موديل 2010 ((بدون وحدة الرفع وبدون الحساسات)) هذه المعلومات عربون صداقه لهذا المنتدى الجميل لآصحاب السياره الجميله جاك ....انا لسه بفكر فى شراء الj5 ومستنى تشجيعكم او نصيحتكم وشكرا

رد: السياره الجاك B15 أسعارها رخصت
 

نتمنى نحن الزملاء الجدد الذين يرغبون فى شراء السياره من الزملاء القدامى ان يفيدونا فى موضوع بدائل قطع الغيار التى يمكن استخدامها فى الجاك مثل تيل الفرامل وفلاتر البنزين والزيت والهواء ومثل هذه القطع ال ممكمن احتاج اغيرها فى اى وقت وكذلك قطع الغيار المرتبطه بجسم السياره مثل الرفرف.. الإكصدام ... فوانيس هل متوفره خارج التوكيل ام لا؟؟؟وشكرا

رد: السياره الجاك B15 أسعارها رخصت
 

رد: السياره الجاك B15 أسعارها رخصت
 

اهلا بك يادكتور كمال وشكرا على الرد ....انا كان معايا أفيو والحمدلله راحت فى حادث على الدائرى "الحادث المشهور ال راحت فيه 13 سياره" وأنا دلوقتى بدور على سياره ودخلت عندكم المنتدى بالصدفه وحبيت السياره من كلامكم عليها وبدأت ابحث عنها على النت وذهبت إتفرجت عليها فى هورس موتورز ...عربيه حكايه ...وقعت فى حبها من أول مره...بس موضوع التوكيل وقطع الغيار مقلقنى شويه علشان كده قلت اتواصل معاكم علشان اقدر اخذ قرار .....بس هى دى الحكايه وشكرا

رد: السياره الجاك B15 أسعارها رخصت
 

رد: السياره الجاك B15 أسعارها رخصت
 

كنت عايز اعرف يا دكتور كمال ما سبب عزوف حضرتك عن شراء byd واختيار الجاك بدلا منها مع ان البي واي دي تتفوق من حيث الانتشار وتوفر قطع الغيار والصيانة وشكرا لك :08da300846c84943ae1

رد: السياره الجاك B15 أسعارها رخصت
 

كنت هشتريها فعلا وقتها وكنت حاجزها لانى شفت منها المصنوع فى الصين ولم تكن وقتها ( يونيه 1010 ) قد تم تقفيلها فى مصر وكان موجود منها الصينى من سنه 2008 وكانت عجبانى جدا من ناحيه الخامات والتقفيل الصينى ولما حجزتها كان بدايه أول دفعه من المصنوع منها فى مصر .....وصاحب المعرض إللى كنت حاجز عنده وهو قريبى قالى اصرف النظر عنها لان التقفيل المصرى معجبوش ....وقالى فى عربيه نازله جديد حكايه هجبهالك (وكان بدايه نزول الجاك وقتها ) .....وانا رفضت عرضه وقلتله عايز الbyd ......

ولما جاب ال جاك B15 عنده فى المعرض إتصل بيا وقاللى تعالى شوفها .....زعلت منه وقلتله عايز ال byd .....قاللى تعالى شوف الجاك ومتشتريهاش (ومكنتش لسه شفتها قبل كده )..

بصراحه اول مشفتها مقدرتش اقاوم ....حسيت فى فرق جامد بين الاتنين .................وكان النصيب

بعد مرور اكتر من سنتين على شراء الجاك مندمتش لأنى شفت الbyd التقفيل المصرى وقلت الحمد لله إنى مشترتهاش .............وكل شيئ نصيب


من ناحيه الصيانه هم كويسين فى الصيانه ومفيش مشاكل ( ممكن المشاكل تكون من التأخير فقط )

من ناحيه قطع الغيار كل قطع الغيار موجوده فى التوكيل ومحدش اشتكى ....وأعتقد الفتره القادمه فى محلات كتير شغاله فى الصينى هتبدأ تشتغل فيها بس العربيه تبدأ تقدم شويه لأنك مش هتتعامل مع قطع الغيار خارج التوكيل طول مانت فى الضمان .