مصر موتورز مجتمع السيارات - صورة لحادثة .. المشكلة اللي في العفشة دي ممكن تكون ايه ؟؟

صفحة 3 من 6

مصر موتورز مجتمع السيارات (https://www.masrmotors.com/vb/index.php)

- عفشة السيارة (https://www.masrmotors.com/vb/forumdisplay.php?f=152)

- - صورة لحادثة .. المشكلة اللي في العفشة دي ممكن تكون ايه ؟؟ (https://www.masrmotors.com/vb/showthread.php?t=96321)

phar,acology

02-09-2012 10:37 PM

رد: صورة لحادثة .. المكشلة اللي في العفشة دي ممكن تكون ايه ؟؟

اقتباس:

المشاركة الأصلية كتبت بواسطة ahmed el gendy (المشاركة 751326)

4000جنيه ايه بس ؟؟؟ دول ما يجيبوش تمن السقف اللي هيتغير بس حسبي الله ونعم الوكيل

وهو ده اللي علي لساني ليل ونهار " حسبي الله ونعم الوكيل " وعند الله لا تضيع الحقوق

phar,acology

02-09-2012 10:42 PM

رد: صورة لحادثة .. المكشلة اللي في العفشة دي ممكن تكون ايه ؟؟

اقتباس:

المشاركة الأصلية كتبت بواسطة akerima (المشاركة 751371)

انت باذن الله مش حتغير سقف ولا حاجة اخرك رفرف وكبوت وبربريز السق حيتعدل عادي باذن الله وباذن الله ميكنش حاجة وصلت للماتور والحمد لله ان ماتور العربية مدفون في الحوض

بس سؤالي ليك بعد ماشلت الخشب اللي علي الكبوت فضلت العربية علي حالها لسة مكبوسة في الارض كده لان ممكن يكون طبيعي الخسب تقيل وراكب علي الكبوت من قدام فكابس السوست والمساعدين

وابقي طمنا عملت ايه

انا اتقعت زيك كده اني لما اشيل الخشب هتترفع .. لكن العربية فضلت زي ما هي في الارض خاصة ان الخشب ده فضل فوق العربية حوالي ساعة او اكتر .. انا خايف تكون السوست اتكسرت .. ربنا يستر انا ان شاء الله ناوي اجيب عفشجي يبص عليها وهي عند السمكري عشان يشوف ايه اللي حصل في العفشة .. دعواتكم ليا يا شباب .. محتاج دعواتكم

phar,acology

02-09-2012 10:56 PM

رد: صورة لحادثة .. المكشلة اللي في العفشة دي ممكن تكون ايه ؟؟

اقتباس:

المشاركة الأصلية كتبت بواسطة AbOnOrA (المشاركة 751438)

اولاً قدر الله وماشاء فعل وحمد لله على سلامتك وان شاء الله ربنا يعوض خسارتك فى صحتك ومالك وفى ميزان حسناتك ان شاء الله

بالنسبة للعفشه بص هى الصورة مش مبينه حاجة اكيدة ولازم يتبص على الحوض والعفشه علشان يتفهم ايه الوضع بالظبط بس وارد فعلاً تكون القنطرة اتقطمت او شمعدان العجلة اتقطم او مقصات ومفيش حالة زى التانية سواء فى الاصلاح او التكاليف فلازم معاينة

وزى ما قال استاذ اشرف مش مفروض تغير السقف خالص استعدل كل حاجة ورش وجيب على قد اللى بايظ خالص علشان لو دخلت فى قص صاج واستبدال هتدفع كتير اوى حرام

وربنا يعوض عليك يارب ومتنساش تتطمنا عملت ايه

ان شاء الله انا هرد السقف والقوايم وهغير الكبوت والرفرف .. دعواتك يا ابونورا

محمدصلاح القاضى

03-09-2012 12:06 AM

رد: صورة لحادثة .. المكشلة اللي في العفشة دي ممكن تكون ايه ؟؟

انا شايف عشان الشغل دا يطلع مظبوط جداااا
انت تجيب نص قدام كامل لكن بدون الموتور
افتكر انه هيكون افيد واشمل حتى لو مكان المساعدين اتفدخع دا هيعالج مشاكل كتيير
والسقف هيتزرجن وينظبط
وانا عارف انى كلامى صعب لكن هو دا الحل المظبوط لان العربيه لسه جديده وخساره تطلع مش مظبوطه
وتبقى واقفه معيوبه

محمد فيصل

03-09-2012 03:57 AM

رد: صورة لحادثة .. المكشلة اللي في العفشة دي ممكن تكون ايه ؟؟

لا حول ولا قوة الا بالله
الحمدلله على سلامتك
عوضك الله خيراً فى القريب العاجل
المهم ان يكون السمكرى محترف
إن شاء الله تعود السيارة كما كانت
وعليك بسؤال اكثر من عفشجى

ahmed el gendy

03-09-2012 09:33 AM

رد: صورة لحادثة .. المكشلة اللي في العفشة دي ممكن تكون ايه ؟؟

والله الواحد كل يوم بيستفيد اكتر من مصر موتورز
يعني السقف ده ممكن فعلا يستعدل
انا كنت اللي اعرفه ان 3 حاجات السمكري ميقدرش يلعب فيهم الكبوت والشنطه والسقف

akerima

03-09-2012 03:04 PM

رد: صورة لحادثة .. المكشلة اللي في العفشة دي ممكن تكون ايه ؟؟

ربنا يسهلك الحال ويوقف جمبك ولاد الحلال ويعوض عليك

انا جت في دماغي فكرة دلوقت بالنسبة لموضوع الكبسة دي ان ممكن من تقل الخشب وخصوصا انه فضل مده علي العربية تكون البطاحات فلتت من الركب وهو دا اللي عملك القلق وحتي لو لا قدر الله السست حصل فيها حاجة امرها باذن الله بسيط والمساعد في التوكيل ب 400ج فاكيد باذن الله حتلاقية بره ارخص

الساعة الآن 05:28 PM.

صفحة 3 من 6

عرض 7 مشاركات من هذا الموضوع لكل صفحة