مصر موتورز مجتمع السيارات - سؤال عن اليجان 2007

مصر موتورز مجتمع السيارات (https://www.masrmotors.com/vb/index.php)

- رينو ميجان Mégane (https://www.masrmotors.com/vb/forumdisplay.php?f=159)

- - سؤال عن اليجان 2007 (https://www.masrmotors.com/vb/showthread.php?t=96271)

رد: سؤال عن اليجان 2007

اقتباس:

المشاركة الأصلية كتبت بواسطة mohamed allam (المشاركة 751001)

وانا اعرف قطع غيا حاجات كتير فيها جدا كل لما بنزل اشترى حاجة افضل اسال على اسعار الحاجات بتاعتها واللى عايز انا فى الخدمة

متشكرين يا باشا على المعلومة ، بس هو قطع الغيار اللى بتتكلم عنها لموديل سنة كام؟
وبعدين لو عندك المعلومات دى، ما تعرضها على المنتدى وليك كل الشكر !!!

رد: سؤال عن اليجان 2007

اقتباس:

المشاركة الأصلية كتبت بواسطة m_synergy (المشاركة 751525)

موديل 2005 واللى عرفته انها برضو لى 2006 انما من اول 2007 فا حاجات مختلفة كتير وفارق اسعار كبير

رد: سؤال عن اليجان 2007

بالنسبة للاسعار لموديل 2005
مساعدين امامى 700
مساعدين خلفى 550
بطاحات تركى 100 اسبانى 110 صينى 80 وبلية البطاحة 70
طقم بوجيهات فرنساوى 90 اغلى حاجة
تيل اسبانى ريمسا امامى 160 وخلفى 110 وفى ناسى بتقولى الفاليو احسن بس مش جربته
طلمبه مياه فاليو الاصلى 275
فتر زيت 25 فلتر بنزين فى من اول 25 لحد 60 فلتر تكييف صينى بى 50 تركى بى 80
بلية عجل صينى 80 فرنساوى 225
طلمبة بنزين كامله اصلى كانت بى 1200 ورفعت من شهر لى 1500 على امل تنزل تانى قلبة طلمبة البنزين فى من اول 80 لحد 250 حسب النوع
كنترول العربية كامل وده اللى غير متوقع 800 فقط لو معاك الكارت القديم مش معاك كارت بى 1400
فيشة الكهرباء هى اللى غالية شوية اى فيشة فى العربية بتعمل من 120 الى 150

رد: سؤال عن اليجان 2007

عربيه محترمه المهم تعاملها باحترام ومافيش حاجه اسمها تغيير كويل كل 15000 الكويل يتغير لما يبوظ ولو نزيه هتغيرهم كل 60000 و سعر الواحد 175 جنيه وابعد عن صقر كريش وناس كتير قوي بتصلح رينو و2005 زي 2006 زي 2007 زي 2008 في كل قطع الغيار ونفس الموتور والفتيس لو معاك 2005 وبتتعامل مع التوكيل اول 100000 هينزلو السوفت الجديد للفتيس ويبقي زيك زي 2008
الفرق الوحيد هو في فيش الكهرباء موديلات اخر 2006 محكمه التركيب منعا لحدوث اعطال كهرباء والمجمل عربيه محترمه جداااااااااااااااااااا

رد: سؤال عن اليجان 2007

اقتباس:

المشاركة الأصلية كتبت بواسطة youssef anwar (المشاركة 752489)

مش نفسى الاسعار فى كل الحاجات يعنى ده كان قدامى واحد بيغير دينمو لموديل 2005 وواحد تانى لموديل 2007 الاول كان استيراد بى 350 وجديد ب 900 ج والتانى كان بى 2700 جديد يبقه ازاى نفس الاسعار

رد: سؤال عن اليجان 2007

اقتباس:

المشاركة الأصلية كتبت بواسطة Hisham.Elgazzar (المشاركة 749441)

ترس الديفيزر أو ترس كامة البنزين بالبلدى يباشا

بيتغير كل 25 الف لأنها مع عمى وتمن الترس ده وطبعا لازم معاه سير كاتينة والحجات التانية
تمنهم من على الرف من سنة بالظبط 1900 جنيه ده غير المصنعية
وفى التوكيل بيتعمل الشغلانة دى ب 2500 شاملة التركيب والضمان
ده غير الكويلات بتاعت البوجيهات بتتغير كل 1500 كيلو وده طبعا لو انت عاوزها خواجة وماتاكلش معاك بنزين الطقم بتاع الكويلات عامل تقريبا 1500 جنيه بس مش متأكد من السعر ممكن يكون رفع
بس هى عربية جميله جدا وركوبة ومعدل الأمان فيها عااااالى اوى وتكييفها تلاجة:fun_36_1_39[1]: :fun_36_1_39[1]:

المعلومات دي مش مظبوطه ترس الديفيزر بيتعمله صيانه او بيتغير مش قبل 100000 كيلو او لو سمعت صوت غير طبيعي الصبح اثناء التسخيين في ناس بتصلحه من 250 الي 300 و لو عاوز تغيره 1100 جنيه اما سير الكاتينه فيفضل انك تشتري الاصلي من التوكيل وتغيره بره التوكيل وتمن المجموعه السير و الطبب والبليه في التوكيل600 جنيه وبيتغير كل 60000 اما لو شاري السير من الخارج فانت ونصيبك في سيور عمرها بدايه من 25000 كيلو بس احترس من انقطاع السير لانها بتجيب صباب اما بالنسبه للكويلات فيدايه من 175 جنيه الواحد وبتغير الي بيبوظ بس مش لازم الطقم كامل

رد: سؤال عن اليجان 2007

اقتباس:

المشاركة الأصلية كتبت بواسطة Hisham.Elgazzar (المشاركة 749441)

معلش مع احترامي الكلام ده مش مظبوط
انا ماشي بالعربية 16 الف كيلو في 8 شهور اهو ولا غيرت كويلات ولا غيرت ترس ديفيزور
المعلومة اللي عندي ان ترس الديفيزور بيتغير كل 80 الف تقريبا , و اول مرة اسمع بصراحة انه لازم تغيير طقم الكاتينة معاه , اما عن الكويلات فهي مش بتبوظ بالسرعة دي

حضرتك مالك لميجان 2 ؟