مصر موتورز مجتمع السيارات - العلاقة بين كهرباء الموتور وكهرباء السيارة

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - العلاقة بين كهرباء الموتور وكهرباء السيارة (https://www.masrmotors.com/vb/showthread.php?t=95616)

رد: العلاقة بين كهرباء الموتور وكهرباء السيارة

تم تغيير سلووك بوجيهات وعيب تنتيشة الموتور اختفى حتى قبل ما اركب البوجيهات اللى جبتها جديدة
ونزلت جربت العربية لفتين تلاتة كدة لقيت كهربة الموتور اتظبطت
ولسة عايز اجرب العربية فى مشوارطويل شوية فى زحمة ولا حاجة عشان العربية تسخن و اشوف لو قطعت او نتشت يبقى هى الموبينة

كدة كهربة الموتور ظبطت

وروحت لكهربائى غيرلى قواطيش البطارية وقولتلة اكشف على الارضى ورحت اجيب حاجة ورجعت لاقيت الصبى اللى معاة بيقولى الارضى كان عندك مهوى شوية وانا قرطتلك علية

وجربت افتح النور والنور العالى وكلة تمام مافيش اى حمل على الموتور وال rpm هو هو مابيوطاش مع حمل الكهرباء

كدة الحمد لله كهربة العربية اتظبطت برضو

وجارى التجربة فى مشوار طويل عشان اقدر احكم بالظبط اية اللى اتظبط واية اللى لسة عايز يتظبط

رد: العلاقة بين كهرباء الموتور وكهرباء السيارة

يا رب خير
ان شاء الله حتفضل كويسة

رد: العلاقة بين كهرباء الموتور وكهرباء السيارة

تم تجربة العربية فى مشوار كبير ولوحظ الاتى

1- عيب تنتيشة الموتور بقى بيظهر فى الدوارة بتاع 3-4 ثوانى واول ما اكبس بنزين يختفى
2-كهربة العربية بقت ضعيفة جدا وكل الانوار بقت واطية حتى مروحة الردياتير ماكانتش بتلف بكامل سرعتها

3-وانا رايح الشغل لاقيت فجأة نور التابلوة فصل ولو شغلت الانتظار الاقى عداد الار بى ام
بيخرف ويطلع وينزل مع تكتكة الانتظار وحصلت تنتيشة تانى من الموتور والعربية بطلت وحلفت ماتدور الا زق :090104~384:

المهم اكتشفت الاتى :

1- البطارية كانت نايمة تماما ودة بسبب ان حوالى 4-5 عيون منها ماكانش فيهم مياة خالص والباقى كان نص نص (مع انى لسة ماليها مافيش من شهرين:shyy:)
2- كان فية بعض سلوك مش معزولة ناحية الفانوس الشمال ماعرفش بتاعت اية وقمت بعزلها

3- كان فية سلكة مش راكبة كويس اللى هيا بتاعت اللمبة اللى بتنور مع نور التابلوة فى الفانوس وركبتها ولفيت عليها شيكارتون (وهنا رجع نور التابلوة يشتغل تانى )

4-شيكت على علبة الفيوزات فيوز فيوز كلهم تمام

5- جبت ازازتين مياة مقطرة ومليت البطارية وفضلت مدور العربية سلانسية حوالى ساعة عشان تشحن شوية
ورحت ماشى بيها مشوار بتاع ربع ساعة كمان ورحت راكنها.

المهم تانى يوم بعد ماعملت الكلام دة لوحظ الأتى :

1-العربية بتدور من اول تكة ومافيش تنتيشة فى الموتور والحمد لله
2- كهربة العربية ظبطت كلها

فتقريبا والله اعلم اللخبطة اللى حصلتلى دى كلها كان سببها البطارية
ولا انتو رأيكوا اية

رد: العلاقة بين كهرباء الموتور وكهرباء السيارة

مش عارف بس طالما عملت كده و اتظبطت يبقى هيا اللى كانت السبب

رد: العلاقة بين كهرباء الموتور وكهرباء السيارة

حمدالله ع سلامه عربيتك يا باشا واكيد طالما ظبطط بعد ما شحنت البطاريه وبقت تمام يبقا هيه اللى كانت السبب