|
رد: ما هي وضعية القيادة المفضلة لك في سيارتك ؟؟؟؟
أفضل وضعية للقيادة
هى الوضع الاستلقائى - رجع الكرسى ورا واقعد براحتك بعد خمس دقائق يتحرق دمك من واحد قطع عليك الطريق أتحول الى الوضع الهجومى راسى فى المرايه وعينيه بتطلع شرر وظهرى قدام لاصق على الطارة عايز انزل افرغ طلقة فى رصاصة اتحول الى الوضع الترددى وده الظهر بين النايم وبين القايم قلقان من الاشكال عمرى ما حسيت براحة فى وضع قيادة بسبب ثلاث حاجات المطبات سواقين الطيارات الجامبو والترامكو والناس اللى ماشيه نايمة فى الشوارع فى الاخر الدكتور بيدينى كريم ادهن ظهرى لانه وجعنى من الكرسى والكرسى اشتكى منى لانى عامل زى اللى قاعد فى السيما بيتحرك مع المشاهد المتتاليه وعجبى |
رد: ما هي وضعية القيادة المفضلة لك في سيارتك ؟؟؟؟
انا بقعد نفس قعدتك دى يا استاذ sherifabden بس الدركسيون مابينزلش لتحت فى اللوجان ودا احسن بالنسبة ليا
|
رد: ما هي وضعية القيادة المفضلة لك في سيارتك ؟؟؟؟
اقتباس:
مش اللوجان تقدر تعدل الدركسيون فيها ولا ايه ؟؟؟ |
رد: ما هي وضعية القيادة المفضلة لك في سيارتك ؟؟؟؟
أفضل وضعية هي اللي تريح جسمك وتخليك مسيطر في نفس الوقت
ونبدأ بوضعية الظهر... لازم يبقى ضهرك عامل زاوية شبه قايمة مع فخدك (حوالي 100 درجة) وضعية الأيدي والأرجل... لازم تبقى فيها متنية بدرجة خفيفة علشان تقدر تملك الدواسات والدركسيون وضعية الدركسيون... لازم يكون كاشف كل العدادات التكييف ... لازم يبقى مريح... مش لازم يبقى مثلج عشان أعرف أركز أنا عن نفسي بطبق كل اللي قلته ده ... |
رد: ما هي وضعية القيادة المفضلة لك في سيارتك ؟؟؟؟
أحب أبقى عالى يعنى الرؤية واضحة من حوالى جدا وخصوصا انى لابس نضارة نظرالمصيبة بقى انى ماعرفش أسوق غير بالشمال فقط مع انى مش أشول ومش عارف ليه لدرجة ان ايدى اليمين لو مش على الفتيس ممكن أحطها على رجلى أو على الكرسى جنب رجلى وطبعا الضهر راجع لورا لكن الكرسى بيبقى لقدام شوية
|
رد: ما هي وضعية القيادة المفضلة لك في سيارتك ؟؟؟؟
اعتقد ان ظبط مسافة الكرسي ودى فعلا لقتها مناسبه
لما يكون الايدي مفرودين تمام على اعلى الطاره وميكونش ابعد من كده للكرسي عشان مستوى الرؤية وبالنسبه للرجلين تكون متنيه بعض الشئ عشان تتفرد مع اخر مشوار الدبرياج والفرامل انا بشتكى بقا من قصعه اوقات فى قدمى اليمين ( المشط والركبة ) وده راجع انى بخاف اتقل رجلى ع البنزين وافرد رجلى ع الاخر من لا قدر الله الحوادث وتفادى اى شئ يحصل فجأه فمشط رجلى اليمين بيكون مشدود او زى متقول مش واخد راحته فيقوم مأثر على ركبتي ؟ ايه حلها من فضلكم وربنا يكفينا جميعا يارب شر الطريق وشكرا |
رد: ما هي وضعية القيادة المفضلة لك في سيارتك ؟؟؟؟
اقتباس:
انا نفسي مش بعرف اسوق من غير ايدي الشمال واليمين من بسوق بيها خالص والف شكر على الرد نورت الموضوع :GROWIN~12: |
| الساعة الآن 03:35 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017