مصر موتورز مجتمع السيارات - اول طلعة بالعربية جابت لي احباط . ايه رأيكوا

مصر موتورز مجتمع السيارات (https://www.masrmotors.com/vb/index.php)

- سيارات حواء (https://www.masrmotors.com/vb/forumdisplay.php?f=181)

- - اول طلعة بالعربية جابت لي احباط . ايه رأيكوا (https://www.masrmotors.com/vb/showthread.php?t=92516)

رد: اول طلعة بالعربية جابت لي احباط . ايه رأيكوا

قدر الله وما شاء فعل انصحك بعدم النزول بالعربيه مره اخري الا لما تتعلمي كويس جدا عشان لاقدر الله ممكن تخبطي في اي حد وينزل ويعملك مشاكل وهتبقي الخساره ماديه ومعنويه كمان فياريت اي حد بيعرف يسوق يعلمك في مناطق واسعه وغير مزدحمه لحد ان شاء الله متعرفي تسوقي وخاصه ان السواقه في القاهره صعبه جدا فحافظا علي حضرتك وعلي ممتلكات الغير ياريت تتعلمي كويس الاول

رد: اول طلعة بالعربية جابت لي احباط . ايه رأيكوا

بعد ما خلصت الرخصة واشتريت العربية كان واحد صحبى راكنها لى فى جراش
المهم كنت عاوز اطلع بيها من الجراش وجبت ابن خالتى بيعرف يسوق معايا
ركبت العربية وراجع بضهرى من الجراش وطالع فى الشارع براحة وهو عمال يقولى ارجع ارجع وانا راجع براحة , بوز العربية عدى خلاص حلق الباب بتاع الجراش ومدخل الجراش عبارة عن مزلقان قامت العربية جرت من للخلف وهووووووب لابسة فى حيطة جارنا
طبعا الشنطة اتبدهلت واضطريت انى اغير باب الشنطة بالكامل
طبعا حصلى اكتئاب واستصعبت السواقة
لكن الحمد لله مع الاصرار والتعود الموضوع بقى سهل جدا واصبع عادى
نسيت اقول لحضرتك وانا فى نوبة الاكتئاب واحد صحبى حب يهون عليا قالى ( يعنى اللى بيفشل فى التعليم او يتعلم صنعة بيروح يشتغل سواق هيبقى احسن منك فى ايه )
لكن النصيحة الأخيرة لحضرتك لو حاسة انتى مش متمكنة لسه فى السواقه هاتى واحد معاكى كام يوم وامشى فى اماكن مختلفة وشوارع زحمة لحد هو ما يقول لك خلاص انت تقدرى تمشى بالعربية لوحدك