المشاركة الأصلية كتبت بواسطة Hisham.Elgazzar (المشاركة 716377)

إستدراك للمشاركة، ثلاثة صفائح بنزين يتحرقوا والعربية واقفة من غيرماتتحرك
مع متابعه مستوى مياة الردياتير ، ومروحة التبريد

المشاركة الأصلية كتبت بواسطة Hisham.Elgazzar (المشاركة 716315)

معلش يا أستاز حبيب قدر الله وماشاء فعل
مفيش صتايعى دلوقتى تصدق كلامه

الموتور لما بيخلص منه الزيت
هتفك الكارتيرة من تحت وتشوف لقم السبيكة المتحركة
وبالمرة تغير الشنبر ، الشميز بإذن الله مش هيبقى فيه شغل وكمان الكامة لو مامشيتش عليها كتير بإذن الله سليمة بس يفضل بالمرة تغير طقم كاوتش صباب

ولما تغير زيت فى اى حته لازم الموتور ميكونش عليه اى زيت
وتانى يوم تراجع على مستوى الزيت

وتكشف على اى تسريب لا قدر الله

التليين بالليل فقط علشان الصبح الجوحر ، لازم العربية تحرق صفيحتين بنزين قبل ملتتحرك بيها متر واحد

اول يومين تلاتة بعد تغيير الزيت تراجع على مستواه ، ولازم كل اولسيهات الموتور تتغير

بس حاول تلم الشغل اللى فيها علشان دخلة رمضان وكل سنة وحضرتك طيب

المشاركة الأصلية كتبت بواسطة خميس حسن (المشاركة 716414)

قدر الله وماشاء فعل
وربنا يعوض عليك
وشكرا للتنبيه

المشاركة الأصلية كتبت بواسطة samirayad (المشاركة 716547)

غريبه فعلا

طبة الزيت تفقد بهذه السهوله وفجأه

على الرغم أنك مغير الزيت من 15 يوم

----------------------------

وأكيد كنت بتسوق العربيه خلال ال15 يوم دول .....!!!!!!!!!!

المشاركة الأصلية كتبت بواسطة حبيب الناس (المشاركة 716165)

وانا راجع من شغلي اول امبارح علي المحور كان زحمه جدا انا شغلي في ابورواش بعد ما طلعت المحور ولسه ممشتشي 200 متر سمعت صوت حاجه خبطت في العربيه من تحت حسبتها طوبه او زلطه دوست عليه بطرف الكاوتش نفطت خبط في العربيه من تحت وكملت ماشي عادي جدا مكملتش كيلو ولقيت العربيه تقلت اوي كاني مش دايس بنزين ومره واحده كل اللمبات ولعت لكن مؤشر الحراره علي النص الطبيعي بتاعه كان المحور زحمه جدا بس الحمد لله تمالكت اعصابي مورت العربيه اديت اشاره يمين وانتظرت لما الطريق فضي خالص من اليمين دخلت اول حاره واديت انتظار وركنت لقيت العربيه بتدخن من كل حته ولقيت تحت العربيه تنقيط زيت نزلت تحهت العربيه اكشف اشوف تسريب الزيت من فين لقيت العربيه غرقانه زيت من تحت وملقتش طبه الزيت حسبي الله ونعم الوكل ده من اهمال الصنعيه لما غيرت زيت من حوالي 15 يوم نسي يقرط علي طبة الزيت كويس قطرت العربيه ووديتها للميكانيكي قالي الماتور قفش وربنا يستر ومتكونش حاجه كبيره حبيت انقل تجربتي علشان نخلي بالنا من الاهمال بتاع الصنعيه ولازم نراجع علي كل حاجه بنفسنا لان الاهمال في الحاجات ده بيكلف كتير ربنا يستر والعربيه متخشش في عمره كامله دعوتكم ليا