مصر موتورز مجتمع السيارات - هتجنن مش قادر اختار "128 ولا ماروتى "؟؟ ساعدووونى

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - هتجنن مش قادر اختار "128 ولا ماروتى "؟؟ ساعدووونى (https://www.masrmotors.com/vb/showthread.php?t=91884)

رد: هتجنن مش قادر اختار "128 ولا ماروتى "؟؟ ساعدووونى

اقتباس:

المشاركة الأصلية كتبت بواسطة pop man (المشاركة 715743)

متشكر جدا جدا جدا من كل الاعضاء المحترمين جدا جدا ومتشكر لسعه صدركم ومتشكر للمنتدى العظيم ده اللى اتاح لى الفرصه انى استفاد من خبرات ناس قمه فى الذوق مثلكم

انا فعلا كان معايا ال 128 وكانت عجبانى بس قرفانى مع الميكانيكى كل يوم والتانى:(
اما الماروتى خايف منها علشان عمرى ما ركبتها
انا بس عايزكم تطمنونى على شويه حاجات تانى معلش فى الماروتى لو فيها تعب لانى ابتديت اميل ليها اكتر

اولا انا زى ما قولت انا ساكن فى منطقه عشوائيه مطباتها ولا الجبال :) فهل عفشه الماروتى اقوى من 128 وهتستحمل ؟؟ وهل انعم وكمان الكبالن فى 128 كانت بتبوز كتير هل المشكله دى هتبقى فى الماروتى برده بسبب المطبات ؟؟

تانى حاجه ال 128 لو كنت نزلت بيها مشوار فى الصيف وكانت على الساعه 1 او 2 الضهر كانت بتسخن جداااااااااا جداااااااااا هل الماروتى اقل سرعه سخونيه من ال 128 ؟؟

ثالث حاجه هل الماروتى من ناحيه البرستيج افضل من ال 128 ؟؟
اخر حاجه بقى معلش ال 20 الف اللى معايا ممكن يجبولى موديل كام ماروتى بحاله كويسه وممكن اروح معارض ايه كويسه للمستعمل ؟؟

وشاكر جدا تعبكم معايا واسف لو مطول عليكم :fun_36_3_1[1]::fun_36_3_1[1]:

بالنسبة للسخونية اللى يفيدك فيها اكتر اى حد من ملاك الماروتى ولكن فى اعتقادى الشخصى ان المواتير اليابانى عموما تمتاز بكفأة التبريد العالية لمحركاتها
بالبلدى كدة وبلغة التجار المواتير اليابانى تلاجة مابتسخنش
وعموما مشكلة السخونية هتقابلك فى اى عربية طول ما دورة التبريد بتاعتها مش شغالة بكفاءة

ومن ناحية البرستيج احنا مش بنقارن بى ام بمرسيدس مثلا لأ دى 128 ودى ماروتى يعنى عربيات اقتصادية فقط يعنى انسى موضوع البرستيج دة وممكن نقول ازواق وراحة نفسية وشوف حضرتك بترتاح لمين اكتر ومالكش دعوة برأى الناس

بالنسبة للسعر ال 20 الف تجيب موديل من اواخر التسعينات لبداية الالفينات
يعنى ممكن معاك لغاية 2003-2004

وبالتوفيق ان شاء الله

رد: هتجنن مش قادر اختار "128 ولا ماروتى "؟؟ ساعدووونى

متشكر جدا جدا لذوق حضرتك يا أ.محمد حسن عبد الرحمن وأكيد هفكر فى كلامك ورأيك بس انا اللى كان مخلي اللأدا مش لافتا نظرى هى انى بسمع انها سفاحه بنزين بالمقارنه مع الماروتى او ال 128 1100 cc وبسمع انها على بيض وبلى وانها فى المطبات الجانبه بتفك وحاجات كده وشكرا لمساعده حضرتك ومستنى المتابعه منك

أ. Vanditta
شكرا جدا لرئيك واكيد استفدت منه وبلأخص فى موضوع السخونيه انت طمنتنى لما قولت ان المواتير اليبانى تلاجه
شكرأ بجد ياجماعه

رد: هتجنن مش قادر اختار "128 ولا ماروتى "؟؟ ساعدووونى

بص يا باشا الادا عند المواتير بتاعتها فى السعة اللترية تبدأ من 1200 سى.سى - 1300 سى.سى - 1500سى.سى - 1600سى.سى - 1700 سى.سى.
وأرجو انى اكون قدرت أفيد حضرتك.

أخوك محمد
:THUMBS~220::THUMBS~220:: THUMBS~220:

رد: هتجنن مش قادر اختار "128 ولا ماروتى "؟؟ ساعدووونى

بالنسبة للمطبات يا باشا مكونش عملوها تاكسى وبعدين طالما حضرتك ايديك فيها مش هتعمل معاك حركات نادلة وأنت ماشى بيها وبعدين أى عربية اقبل ما تعمل حركة نادالة معاك على السكة بتكون قالت للى سايقة مرة وأثنين .
مثال :
أعراض تلف الكوبلن أنه يطقطق على الملفات وبعدين تبقى الطقطقة وانت ماشى فى الحالة دية تبقى حضرتك منتظر منه حركات نادالة فى السكة وأرجو أنى أكون اقدرت أوصل المعلومة لحضرتك.

أخوك محمد

رد: هتجنن مش قادر اختار "128 ولا ماروتى "؟؟ ساعدووونى

اكيد استفدت من حضرتك كتير أ.محمد
واكيد هفكر فى الاختيار ده بجديه

رد: هتجنن مش قادر اختار "128 ولا ماروتى "؟؟ ساعدووونى

طيب ايه راى الاعضاء الكرام فى الماروتى الصينى ؟؟ 1000 CC
وبتتباع فين وسعرها كام انهارده وقطع غيراها وسمعتها ايه ؟؟
مشكورين مقدما

رد: هتجنن مش قادر اختار "128 ولا ماروتى "؟؟ ساعدووونى

خليك في الماروتي الياباني احسن
الماروتي هي 128 الزمن دا