مصر موتورز مجتمع السيارات - باركولى إستلمت الفيرنا اليوم

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - باركولى إستلمت الفيرنا اليوم (https://www.masrmotors.com/vb/showthread.php?t=91127)

رد: باركولى إستلمت الفيرنا اليوم

اولا : الف مبروك لحضرتك .. يديلك خيرها ويكفيك شرها ..
ثانيا : موضوع التليين .. مش تزود فى النقل عن ار بى ام 3 .. وحاول لو قدرت مش تشغل التكييف قبل اول الف كيلو .. " انا لسه شارى الفيرنا من شهرين .. بس بصراحه انا شغلته اكتر من مره .. هو ع الطريق مافيش مشكله .. لكن جوا البلد كان بيحمل ع الموتور شويه .. بس بعد ال 1000 كيلو بقت الدنيا تمام .. "
موضوع ان العربيه ملينه .. هو ع ما أعتقد ان الموتور بيبقى متلين .. يعنى مدورينه بدون مايكون ف العربيه ..
اما عن موضوع المبايعه .. انا جايبها فاميه ومكتوب ف المبايعه زجاج ملون .. وانت بترخص تخلى الموظف يكتبلك فاميه " مش زجاج ملون " وخلى المهندس يكتبلك ف الفحص انها زجاج فاميه .. انا سجلتها كدا .. ومكتوبلى ف الرخصه " زجاج فاميه فابريقه " ..
خلى بالك مش تشيل وش الكاسيت عشان بيبوظ سيبه ف مكانه افضل كتير
اخيرا .. انصحك انك تعمل صيانة الألف ف احد فروع الوكيل .. ومش في اى مركز معتمد .. دا هيكون أفضل كتير ولمراجعه اى عيوب فى التقفيل او التصنيع ..
وبعتذر ع الإطاله .. والف مبروك مره تانيه ..

رد: باركولى إستلمت الفيرنا اليوم

الف مبروك ليك يا باشا وربنا يديك خيرها ويكفيك شرها وعقبال البورش وعقبال بقية رجالة مصر موتورز.

اخوك محمد
:balloons71::balloons71:: balloons71:

رد: باركولى إستلمت الفيرنا اليوم

ربنا يبارك لك فيها يا هندسه
كان عندى سؤال
هو الكاسيت اللى فى العربيه بقى ال جى بدل رودستار ولا لسه زى ما هو؟؟؟؟؟

رد: باركولى إستلمت الفيرنا اليوم

العربية أخدتها من المخزن ماشية 20 كيلو والساقها شغل التكييف ومشى على 100 ك وأكدلى إن المواتير متلينة من بلدها وغير كده الشركة فى أبو رواش بتشغل المواتير قبل التركيب فترة للإطمئنان عليها وفى إختبار إسمه pdi داخل الشركة لكل شئى فى العربية وبصراحة التكييف ماشاء الله قوى ولكن للأسف أمس وأنا واقف فى دوران جه واحد غبى معاه نوبيرا وخبط الإكصدام من ورا وحك الإكصضدام حكتين بس بدون أثر على شكل الصاج مش عارف أسيبهم ولا إيه وده كان أول يوم بالعربية وعلى فكرة الرخصة طلعت مكتوب فيها زجاج فاميه فابريقة مش زجاج ملون ومن غير تمييز خلفى ولا أمامى ولا جانبى خلفى وأشكركم على الردود

رد: باركولى إستلمت الفيرنا اليوم

اقتباس:

المشاركة الأصلية كتبت بواسطة ehab_nnnn (المشاركة 709117)

الكاسيت رودستار ذى ما هو والحمد لله صيانة التوكيل قريبة من البيت وركبولها سنسور ووحدة رفع وكمان فى مفاجأة اليوم الإشتريت فيه بعد ما إشتريت وعملت الرخصة تانى يوم عرفت إن نزل عليها خصم 2000 جنيه روحتلهم وأخدت الفرق فورا ليصبح سعرها 70750 الفاميه غير الإكراميات 250 طبعا علشان الخصم

رد: باركولى إستلمت الفيرنا اليوم

بسم الله ما شاء الله
ربنا يباركلك فيها ويحفظك يارب

هل الكاوتش لاسا ولا نسر
وهل الرودستار فلاشه ولا cd

وشكرا جزيلا :GROWIN~12:

رد: باركولى إستلمت الفيرنا اليوم

لسى هشوف الكاوتش والكاسيت سى دى وفى مكان للفلاشة