مصر موتورز مجتمع السيارات - مش هلاقى حلها غير من خبراء الاكسنت

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - مش هلاقى حلها غير من خبراء الاكسنت (https://www.masrmotors.com/vb/showthread.php?t=88725)

رد: مش هلاقى حلها غير من خبراء الاكسنت

اقتباس:

المشاركة الأصلية كتبت بواسطة Ayman_Nazeih (المشاركة 687911)

1- العربيه عامله كام ألف
العربية على حسب عدادها 43000 كم ( وانا شاكك فى صحة العداد)
2- العيب ده كان موجود قبل السيرفيس ولا مفيش علاقه
لأ ماكانش موجود والعيب ظهر بعد شهرين من عمل السرفيس.
3- هل المكنه بتاكل زيت وبنزين اليومين دول وسحبها حاليا مش حلو معاك.
أنا بصراحة ماشوفتش الزيت (هاشيك واتاكد من موضوع الزيت) ....بس هى بتاكل بنزين بصورة واضحة جدا يعنى بتستهلك تقريبا صفيحة كل 130 كم داخل البلد و230كم على الطريق السريع.
وسحبها كويس مش وحش.

تابع الزيت

وحاول لما تبطل معاك

تبقى تكشف على البوجيهات

وتشوف عليها لمعة زيت ولا لا

رد: مش هلاقى حلها غير من خبراء الاكسنت

حاول تنظف حساس البوابة كويس اوى يعنى يتفك برة وينضف ..........وطبعا البوابة نفسها تنضف
وعاوزين كمان ننضف حساس الاكسجين معرفش هل الميكانيكى هايعرف يفكة وينضفة ولا هايكون فى صعوبة انة يتفك برة وينضف

رد: مش هلاقى حلها غير من خبراء الاكسنت

اقتباس:

المشاركة الأصلية كتبت بواسطة samirayad (المشاركة 687942)

تابع الزيت

وحاول لما تبطل معاك

تبقى تكشف على البوجيهات

وتشوف عليها لمعة زيت ولا لا

إن شاء الله الصبح هكشف على مقاس الزيت والبوجيهات واوافيك بالجديد
و1000 شكر على اهتمامك المعهود

رد: مش هلاقى حلها غير من خبراء الاكسنت

اقتباس:

المشاركة الأصلية كتبت بواسطة mr_astra (المشاركة 687963)

بالفعل تم تنظيف البوابة وحساس البوابة بعد فكهم وتنظيفهم بالاسبراى الخاص وبعد ذلك لم يتغير الوضع.
هل من المفروض عطل زى ده يظهر سببه فى ال جهاز السكانر ولا وارد انه مايظهرش ولا حسب نوع السكانر او الفنى اللى بيتعامل معاه؟؟؟؟؟
و1000 شكر لتفاعلك واهتمامك

رد: مش هلاقى حلها غير من خبراء الاكسنت

نصيحة روح لمركز متخصص فى اصلاح الانجيكشن والحساسات لانهم اكثر خبرة فى التعامل مع مشكلتك خصوصا وان الموضوع عندك شائك وغير ظاهر على الاسكانر
وعلى سبيل المثال هناك ورشة مشهورة ومتخصصة فى هذا المجال اسمه احمد السمان بمنطقة المساكن بفيصل
اسأل عنه وان شاء الله تجد عنده الحل

رد: مش هلاقى حلها غير من خبراء الاكسنت

http://forum.masrmotors.com/images/smilies/006.gif
قضيت اليوم كله فى الورشة ولحسن حظى كنت انا اول عربية عنده والجو كان رايق ودى ميزة كبيره لآنه مابيشتغلش فى عربيةتانية لحد ما يخلص العربية اللى فى ايده.
1-اول حاجة عملها فك البوجيهات وقالى مش كويسة قمت شارى طقم جديد من موزع هيونداى معتمد وركبنا الجديد.
2- فك حساس الايدول ونظفه بالاسبراى وركبه وطلعنا جربنا
3- المشكله فضلت زى ماهى ...قالى نركب بوبينا تانية ونجرب
4- ركبنا البوبينا وطلعنا جربنا.....برده بطلت بعد ماعملنا مشوار حوالى 15 دقيقة
5- قالى يبقى نجرب حساس الكرنك ...وفك الحساس وركب واحد تانى....وبعد التجربة لسة المشكلة هى هى.
6- قالى يبقى مافيش حاجة باقية غير اننا نركب حساس ايدول ونجرب
7- بالفعل رحنا عند واحد بتاع استيراد ولقينا عنده واحد ركبناه وجربنا ....حصل تغير بسيط وبقت العربية تبطل بس على فترات متباعدة جداً غير الاول كانت بتبطل كتيير وقالى ان حساس الايدول ده احسن شوية من اللى كان راكب عندك بس برده مش كويس قوى ورحنا ورجعناه وقال يوم الجمعة ان شاء الله نطلع الحرفيين ونجرب اكتر من حساس ايدول واللى هيظبط معانا ناخده.
8- انا قلت اشترى دماغى واجيب واحد جديد بس طبعا بعد ماسألت على سعره طلع 1500ج وكمان مش موجود.
اتمنى ان العيب يكون فعلاً من حساس الايدول ده ونلاقيه فى الحرفيين ويطلع كويس ان شاء الله.
حبيت أوضح الكلام ده فى التقرير للأفادة العكسية

رد: مش هلاقى حلها غير من خبراء الاكسنت

اقتباس:

المشاركة الأصلية كتبت بواسطة akerima (المشاركة 687382)

متابع بشده

العيب دا كان بيحصل عندي في السانديرو اول ما جبتها بنفس اعراضك والعربية كانت زيرو واتصلح العيب بعد ما اتغيرت البوابه - جايز يكون اللي نضفلك البوابه منضفهاش صح او ممكن تكون عايزه تتغير خالص

استاذ أشرف ..... شكراً على مرورك ومتابعتك
وإن شاء الله انا بحاول اضيف كل المستجدات والتطورات فى الموضوع علشان أفيد وأُفاد... الله المستعان
تقبل تحياتى