رد: سؤال لكل اللى عايز يشترى كليو او حتى بيفكر,,,,ليه تعمل فى نفسك كده؟
 

وانت ياعم ناصر انت شارى الكليو بقالك قد ايه ؟؟وتجربتك معاها عاملة اذاى...يا متر انا بقول تجربتى الشخصية وتجربة اصدقاء ليا وبقولها بكل امانة عشان اللى بيدور تكون قدامه كل التجارب وهوا اللى يحدد عشان مايرجعش يندم ولا انا من النوع اللى عشان اتدبس يقعد يحلل فلوسه واقول اشعار فى العربية ,,,وانا مش بقول عيوبها الرفارف والسقف فبر زى الجهلة لان دى ميزة مش عيب انا بقول انا العربية مش مناسبة لينا وعايزة ايدك فيها باستمرار لتضمن افضل اداء,,,على فكرة فى ناس راكبة كليو ومش حااسة باللى بقوله لانه بيركب وسورى يعنى بيلبص فيها وخلاص ومش فاهم يعنى ايه حساس الكرنك عاوز يتغير او الثروتل عاوز ينضف عشان العربية مخنوقة او البوبينا محتاجة تغيير او العربية سحبها وحش او لوحة الكنترول محتاجة اعادة برمجة اقص مفهوم له عن صيانة العربية انه يغير زيت ويرجع يحكى لكل قرايبه انه زاى وقف فى الحر اكتر من ربع ساعة عشن يغير زيت !!!!!!!ياحرااااام,,,تانى بقول العربية جيدة وسعرها ممتازة لكنها مش مناسة ل 80% من الشعب المصرى وشكرا

رد: سؤال لكل اللى عايز يشترى كليو او حتى بيفكر,,,,ليه تعمل فى نفسك كده؟
 

ومحدش يزعل منى لا المتر ناصر ولا الباشا الاختلاف فى وجهات النظر لا يفسد للود قضية,,,مش كده؟:iloveyou24:

رد: سؤال لكل اللى عايز يشترى كليو او حتى بيفكر,,,,ليه تعمل فى نفسك كده؟
 

ليه فكرتنى يا دكتور بحساس الكرنك انا لسه مغيره من شهر لان العربية كانت بتبطل منى وبعدين بطلت خالص وكانت مش عايزة تدور ولما غيرت حساس الكرنك دارت وبقت زى الفل ...
واولا انا بقالى سنتين راكب كليو واتعلمت عليها السواقة وهى ركوبة محترمة بس لازم الأهتمام والصيانة
ثانيا ربنا مايجيب زعل حضرتك اخ اكبر وفاضل واحنا كل يوم بنتعلم :CHUBBY~36:

وباين على حضرتك خبرة فى الكليو وكان عندى استفسار صغير ياريت تفيدنى بقالى فترة بحس ان العربية لما اكون مشيت بيها كتير واجى اقف فى اشارة مثلا واجيب الغيار الأول لازم ادوس بنزين جامد على غير العادى بحس ان العربية مكتومة ولو دست على الدبرياج ممكن تبطل .
مش عارف دة عيب دبرياج ولا عيب فلاتر .؟؟؟؟؟؟؟؟؟؟؟؟

رد: سؤال لكل اللى عايز يشترى كليو او حتى بيفكر,,,,ليه تعمل فى نفسك كده؟
 

الاحتمال الارجح يا متر انها بوابة البنزين(الثروتل) ممكن تحتاج تنضيف او اعادة برمجة او حتى تغيير سعرها من 350 ل 500 ج هيا اللى بتديك احساس الخنقة لان البنزين اللى بيعدى خلالها قليل او مش منتظم فتضطر تدوس جامد عشان تعوض ده...الاحتمال التانى فلتر البنزين عاوز يتغير...الاحتمال الاخير وياريت يطلع كده وده اخف الاضرار ان البنزين ما كانش جيد ومغشوش فالاحتراق سئ فهتحتاج انك اول مالبنزين يوصل للنص تحط منقى بنزين زجاجة ب 15 ج وبعدين تمشى شوية وبعدين تفول عادى وجرب الحل ده الاول وتستسنيه يمكن يكون هوا ده السبب وتظبط معاك..وانا تحت امرك يابرنس وابقى قوللى عملت ايه

رد: سؤال لكل اللى عايز يشترى كليو او حتى بيفكر,,,,ليه تعمل فى نفسك كده؟
 

أخي الفاضل d,mhmd brbry واضح من ردودك إنك راجل محترم وأسف لو فهمتني غلط ممكن أكون قلت حاجه زعلتك مني وانا مش واخد بالي
لكن علي العموم يا سيدي أنا في النهايه مهندس ميكانيكا ( معلهشي مش دكتور بركب العربيه وخلاص سوري بقي)
والعربيه يا سيدي مش لسه هشتريها دأنا للأسف مضطر أبيعها في الفتره الجايه علشان التغيير وبقالها معايا 4 سنين أو أكتر مش فاكر بالظبط
وبالنسبه لإجابة المتر هو فعلاً الثروتل عايز يتنضف ممكن تشتري عبوة WD40 من أي محل قطع غيار وتروح للميكانيكي بتاعك وتخليه ينضفه وتقوله الظروف اللي بتحصل وشوف برضه وجهة نظره

رد: سؤال لكل اللى عايز يشترى كليو او حتى بيفكر,,,,ليه تعمل فى نفسك كده؟
 

الله ينور عليك يادكتور ويكرمك ياباشا اشكركم جدا للأهتمام والمعلومات وهو ده الهدف المقصود من هذا المنتدى المحترم وبالنسبة للعربية معتقدش ان البنزين مغشوش لأنى فولت كذا مرة والعيب لسة موجود:fun_36_3_9[1]:
انا حجرب نصايحكم وحشوف بس حاخد وقت لأنى مسافر والعربية مش معايا ولما ارجع أسكندرية حنظف بوابة البنزين بس عايز اعرف مكانها فين بالظبط ؟؟؟؟ ياريت تفيدونى ...

رد: سؤال لكل اللى عايز يشترى كليو او حتى بيفكر,,,,ليه تعمل فى نفسك كده؟
 

مكانها تحت علبة فلتر الهواء مباشرةً يعني بتتفك علبة الهواء وممكن يفك المجموعه الكامله الفبر اللي جنبها وفيها بوابة البنزين بيفك الكلام ده كله وبعدين بينضف كويس ويركب تاني
حاجه تانيه لو مسافر بيها ضيف محلول التنضيف بتاع الرشاشات هيفرق معاك كتير في السحب بس خد بالك ده بيضاف كل 5 ألاف كيلو علي الأقل يعني مش كل شويه تضيفه