|
رد: تركيب تكيف سبليت
بعد شهر من تشغيل التكيف مش أقدر أقول غير أنه رائع رائع. الحقيقة أنا أشعر انى زى ما يكون قاعد فى ثلاجة. مش بستحمل برودة الهواء على الرغم من انى واضع درجة الحرارة على 25 وضابط المروحة الداخلية على اقل سرعة ولكن لا أستطيع الجلوس أمامة أكثر من دقائق وابحث عن ركن فى الغرفة بعيد عن تيار الهواء المباشر.
التكيف بيعمل بنفس مبدأ الثلاجة بمعنى انه مع بداية التشغيل يشتغل الكمبروسير بإستمرار لمدة حوالى 15 دقيقة. وبعد هذا تفصل الكمبروسير وتبقى المروحة فى العمل لترسل تيار هواء بارد على الرغم من ان الكمبوسير بيكون مطفى. وبعد هذا يبدأ التكيف فى تشغيل الكمبروسير لدقيقتين ويفصل لدقيقتين وتتحدد طول مدة التشغيل للكمبروسير او مدة راحة الكمبروسير بدرجة الحرارة التى تضبط عليها التكيف. مثلا إذا ضبطة على 18 درجة فإن مدة التشغيل تكون اكثر من مدة التريح والعكس لو كنت ضابطة على 27 درجة مثلا. أسؤ شئ فى التكيف أنك تشعر بالبرودة بشكل مبالغ فيه إذا كنت تجلس فى مواجه الجهاز ولكن على الأطراف الغرفة لا تشعر بتيار الهواء البارد ولكن فى نفس الوقت لا تشعر بالحرارة حتى ولو كان الجو فىالخارج يقترب من 40 درجة. |
رد: تركيب تكيف سبليت
مبروك الجهاز
انا شايف ان الاسعار مبالغ فيها جدا ، 3300 من شهرين كتير اوي بصراحه دا كاريير وشارب مش بالسعر دا |
رد: تركيب تكيف سبليت
اقتباس:
أكيد كلامك صح ولكن الحقيقة أن كنت عاوز أخلص من الموضوع لانه هو الموزع الرسمى لتكيفات LG فى المدينة عندنا حسب ما قالت الشركة الأم فى مصر. فقلت لنفسى لو أتصلت بحد فى القاهرة أو طنطا مثلا ممكن هذه يضيف مصاريف للنقل خارج المحافظة... الدنيا مش دائما مكسب. وهو يمكن طمع فى 200 جنية فقط لا غير. |
رد: تركيب تكيف سبليت
بعد ثلاثة شهور من تشغيل التكيف. أقدر أقول أنه منتج جيد جدا حتى الأن. التكيف بيعمل جو غريب كده يعنى بأشعر ان الهواء فى الغرفة فيه أكسجين كثير. يعنى ان من النوع الذى بتخنق بسرعة من الأماكن المغلقه غير متجددة الهواء حتى ولو فيها مروحة. اما مع التكيف بأشعر بهواء منعش بدرجة تجعلنى أخذ نفس عميق ينعش ويريح الأعصاب. الهواء زى ما يكون محطوط فيه معطر مثلا او حاجة كدة مش مخنوق زى بتاع الشارع..
الحاجة اللى مضيقانى هو فاتورة الكهرباء. المكيفات عاوز ميزانية يعنى مش تقدر تتعامل معاها زى المراوح. المروحة كنت بأتركها يومين شغالة بدون ما أطفيها طوال الوقت وكانت الزيادة فى الفاتورة جنيهات لا تتعدى 10 جنيهات مثلا فى احسن الاحوال. اما الأن مع المكيف فأنا حريص جدا معه وأتابع عداد الكهرباء وألحظ أنى لو شغلت التكيف مثلا 5-7 ساعات يوميا ممكن إستهلاك الكهرباء يزيد 200 كيلوا فى الشهر أنا ضابطة على درجة 25 درجة.. ولما شفت الزيادة دى رفعت الدرجة إلى 28 درجة وكمان بأختار أوقات التشغيل ففى اليوم إلى مش محتاج فيه التكيف مش بشغلة.. |
رد: تركيب تكيف سبليت
اليوم قمت بعملية تنظيف للتكيف للوحدة الخارجية والداخلية بأستخدام البلور Blower والحقيقة كمية التراب اللى طلعت كمية مهولة من الواحدة الخارجية. تراب يكفى ليوقف اى تكيف ولكن التكيف كان شغال برضوا فى هذه الظروف.
كمان نظفت الوحدة الداخلة وغسلت فلتر الهواء ولكن لم أستطع الوصول لفلتر الروائح ولا فلتر البلازما لتنقية الهواء. ولكن عملت بابلور على قدر ما استطيع ولم يخرج اى اتربة من الوحدة الداخلية وبعد عملية التنظيف تحسنت كفاية التبريد وكمان صوت الوحدة الخارجية اصبح اكثر من ممتاز, رجع التكيف كما لو كان لسة راكب اليوم من حيث الصوت والكفائة.. هل حد عارف كيف يتم فك فلتر البلازما والروائح لتكيف LG??? |
رد: تركيب تكيف سبليت
السلام عليكم ورحمة الله وبركاته
اخى الكريم tham1010 مبروك التكييف اسمح لى اوضح لك مفهومين خطأ عندك ورد فى كلامك عن المكيف الاول : لايتم تبادل الهواء من داخل الغرفة والهواء الخارجى ========================= ======= فالوحدة الداخلية فى جهاز الاسبليت تقوم بتدوير( هواء الغرفة فقط )على وحدة التبريد الموجودة بها يعنى تعمل عمل الثلاجة ولكن التبريد هنا لهواء الغرفة( الداخلى فقط) والذى( يتم تبادله )بين الوحدة الداخلية والوحدة الخارجية فقط هو( غاز الفريون) عن طريق المواسير النحاسية الواصلة بين الوحدتين والذى يقوم بسحب وتبادل الغاز الفريون هو الكمبروسور او الضاغط لعمل تبادل حرارىبينهما وعليه فلن تصل اليك الروائح الخارجية للداخل عن طريق المكيف ثانيا: انت تسال عن مكان فلتر البلازما لكى تنظفه ========================= = تعبير الفلتر هنا مجازى :fun_broken::fun_broken:: fun_broken: حيث ان العملية كلها تتم بطريقة كهربائية حيث تقوم وحدة البلازما او الايون كلاستر بتأيين الاكسجين العادىO2وتحوله الى اكسجين نشط O3 هذا الاكسيجين النشط يقوم بعملية تثبيط لميكروبات التحلل للمواد العضوية المسؤلة عن التعفن ويوقف نشاطها وعملها كما يقوم بتثبيط رائحة دخان السجائر والروائح الاخرى الغير مرغوبة ويحول لك جو الغرفة كانك على شط البحروهذه الطريقة تضمن ان الاكسجين النشط سيصل لجميع اجزاء الغرفة لانه عبارة عن هواء به اكسجين نشط وبالتالى هذه الطريقة افضل من الفلاتر الكربونية وغيرها التى تحتاج لاستبدالها كل فترة لانتهاء مفعولها وبالتالى( لايوجد فلتر) بالمعنى المعروف لتقوم بتنظيفه انا عندى جهاز شارب به خاصية الايون كلاستر انتاج العربى وهو اول جهاز بمصر استخدم فيها الايون كلاستر جهاز فوق الممتاز وضمانه خمس سنوات على الجهاز كله بقى له خمس سنين والحمد لله بدون اعطال وفى راى الشخصى افضل من LG لانه فيه كمان نظام عكس الدورة الحرارية حيث تستخدم الدورة العكسية للفريون فى التدفئة شتاء اى لاتوجد ملفات تسخين فى الوحدة الداخلية للمكيف فكرة لبكرة :shyy: ====== اقوم بتشغيل خاصية الايون كلاستر لوحدها بدون تشغيل التكييف سواء بارد او ساخن من الريموت والذى يشتغل فقط هو مروحة هواء الوحدة الداخلية التى تقوم بسحب الهواء لتايينه بواسطة وحدة الايون كلاستر للاستفادة من هذه الخاصية وبخاصة خلال فصل الشتاء حيث الشقة تكون مقفلة من البرد وممكن كمان اشغله طوال فترة عدم وجودنا بالشقة اثناء العمل صيفا وشتاءا لتعطيك جو منعش ومعقم بداخل الشقة وكانك قاعد على البحر :120105~352: على فكرة شركة العربى تنتج وحدات ايون كلاستر منفصلة متخصصة ذات قدرات عالية للمنازل والشركات والمكاتب كما توجد وحدات مصغرة للسيارات بها معطرات كمان وعيش ايامك اسف للاطالة وارجو ان اكون افدتك والجميع وتقبلوا تحياتى ورمضااان كرررريم :Wkiss5: |
رد: تركيب تكيف سبليت
اقتباس:
|
| الساعة الآن 07:17 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017