رد: الله يقطع التجار وسنينهم
 

هو فعلا ف السوق فيه ناس بتهزر فعلااا قوووي انا فعلا مش مالك اول للعربيه هو العربيه دي كل تاريخها مع عيلتنا انها عمي اشتراها سنه 99 مستعمله طبعاااا لانها موديل 93 ولما جيه يسافر بره والدي اشتراها وكان الكلام ده سنه 2003 و والدي استخدمها لحد ما حب يغير واداها ليا يعني تقريبا العربيه مخرجتش من عيلتنا غير اول 6 سنين والعربيه والدي جددها مرتين وانا مره ف العشر سنين اللي هي معانا يعني مش محتاجين نعرف ازا كانت مغيره ولا مش مغيره انصاص يكفي قوي ان العربيه تكون قدامك حتت حديده كل حاجه فيها مفكوكه عشان نعرف ازا كانت فيها غلطه ف اساسياتها ولا لا بس نرجع ونقول دول تجااار وعمر التاجر ما هيقولك العربيه فبريكه دا التاجر يموت مشلووووووول ولا ينطق الكلمه دي

بص انا خبرتي ف العربيات مش قد كده بس السمكري اللي اتعاملت معاه قالي الحلو والوحش ف العربيه بما يرضي الله طبعا وهو مفككها وبيصلحها الحلو مفيش اي اثر للحام ف الشاسيه من تحت يبقي ازاي راشه دواخل والوحش بقي انها مخبوطه خبطه من تحت وعينك ما تشوف الا النور وده بسبب المطبات

رد: الله يقطع التجار وسنينهم
 

معاك حق في موضوع التجار اكيد هو عايز يبخث عشان يكسب .
انا بستفاد منهم من نحية الملاكي في حالة واحدة بس انة بيديني السعر ألي هبيع بية
فمثلا لو قال ليا 60 الف انزل انا ابيع واخري فالسعر 63 : 65 الف .

رد: الله يقطع التجار وسنينهم
 

ربنا يحسنلك سوقها
و بجد شكرا بشمهندس سمير
جزاك الله خير

رد: الله يقطع التجار وسنينهم
 

خليها معاك يا أستاذنا الكوروللا جميلة ومحترمة
لو بتحب تغير إركنها وإركب زيرو تبقى اول يد
وخلى دى معاك للمشاوير البهدلة ولا الحوجة للتجار و قرفهم
لحد ما يجى صاحب نصيبها وبتيجى على أهون سبب

رد: الله يقطع التجار وسنينهم
 

تصدق بالله يا استاز هشام انت جبت من الاخر وده نفس الكلام اللي اتوصلت له
بصراحه انا عمري ما مشيت بالعربيه ف قلب القاهره ولا اعرف سوق الجمعه فين اصلاااا فطبعا طلبت من والدي يجي معايا فرفض وقال لابن عمي هو شاب عنده 35 سنه وخبره ف الحاجات دي و والدي بيثق فيه جدااااااا وصايع وفاهم لعب التجار جدااااااا وله اصحاب بيشتغلوا قبطانات علي مراكي بيقبضوا 60 الف ف الشهر وبحكم صداقته لهم ساق جميع العربيات اللي تتخيلها بي ام x3 وهوندا سيفيك ولانسر بومه وفيرنا كل الانواع ساقها
المهم ساق العربيه بتاعتي واحنا رايحين واحنا جايين ساقها يجي 6 ساعات وهو مجنون سواقه
واول ما وصلنا البيت راح ناده والدي وقال له بص بقي يا عمي العربيه دي من الاخر حرام تتباع العربيه تحت رجلي زي الملبن احنا ماشيين ع الدائري علي 150 والعربيه نفسها تزود سرعتها كمان رغم انها 1300 سي سي والدي طبعا اتهبل من كلمه 150 و 160 وقالله كانت ثابته قال كنت باسيب الدركسيون خالص واشرب مياه واحنا ماشيين علي 150 فانا حبيت اعرفك العربيه حرام تتباع العربيات بتتباع وهي خرده مش وهي حالتها حلوه فسيبها ف البيت
واتفقت مع الحاج نسيب العربيه للمشواير التقيله ونجيب الزيرو للدلع بس