رد: رائيكم فى غطاء العربية الوتربروف ( البلاستيك)
 

ههههههههههههه والله كنت حاسس ان السؤال دة هيتقال , ياباشا دة قطن بس الفتلة بتاعته مش زى التى شيرت القطن يعنى ناعم على جسم العربية بس سميك جدا وتحس انه اكتر من طبقة ولو حطيته فى جردل مياه لفترة طويلة تلاقيه اتشرب المياه انما لو دلقت عليه جردل مياه وهو مفرود على العربية هتلاقى المياه بتتزحلق عليه ( حلوة بتتزحلق دى ) وبعدين احنا شغالين منه بقالنا فترة طويلة جدا وعربيتى وعربيات اصحابى عاملين الغطاء دة وعمرى ما شوفته بيتشرب المياه او بيكش من الغسيل او بيشيط من الشمس او او او , ولو عايز تشوف الخامة دى انا عندى منها فى المعرض شرفنى واعمل عليها التجارب اللى انت عايزها , ونصيحة خالصة لوجه الله اللى عايز يعمل حاجة معمرة يدور على الخامة ولا ينظر الى سعرها لان فعلا الغالى ثمنه فيه , وشكرا ياباشا على السؤال عشان نوضح اكتر للسادة الاعضاء .

رد: رائيكم فى غطاء العربية الوتربروف ( البلاستيك)
 

هههههههههههههههههه تسلم ياباشا
عندك حق في حوار الخامه اكيد

وبالنسبه للوتر بروف زيي الزفت وبوظلي بوية العربيه
انا من اسكندريه والشتا عندنا مبيتوصاش وكنت راكن العربيه 3 ايام كانوا سيول ربنا مايوريك
بشيل الغطا لقيت السقف البويا كلها مبقعه اكنك كابب عليها ميه نار من كتر الشتا الميه وصلت للطبقه اللي جوه وعملت البقع دي واضطريت ارشها
وان شاء الله افكر في الخامه دي